Tímarit hjúkrunarfræðinga - 01.07.2001, Blaðsíða 49
Þekking og {AAmttA.iA.skA
„Fagmennska í fyrirrúmi" var yfirskriftin á ráðstefnu heil-
brigðisdeildar Háskólans á Akureyri og Fjórðungssjúkra-
hússins á Akureyri og litu stofnanirnar svo á að ráðstefnan
væri framlag þeirra til aukinnar þekkingar innan heilbrigðis-
vísindanna og þar með aukinnar fagmennsku. Ráðstefnan
fór fram bæði i háskólanum og á FSA og tóku þátt í henni
hjúkrunarfræðingar víða af landinu. Dagskrá ráðstefnunnar
var birt í maíhefti tímaritsins og eins og þar kom fram voru
margir áhugaverðir fyrirlestrar fluttir. Þeim sem misstu af
ráðstefnunni en hefðu áhuga á að fá frekari upplýsingar
um fyrirlestrana er bent á að snúa sér til ráðstefnustjóra
Hildigunnar Svavarsdóttur: hildig@fsa.is
Hildigunnur Svavarsdóttir, ráðstefnustjóri, flytur ávarp.
íhugun sem starfsaðferð
Aðalfyrirlesari ráðstefnunnar var dr. Christopher Johns frá
Englandi sem bæði hélt fyrirlestur og var með vinnusmiðju.
Blaðamaður Tímarits hjúkrunarfræðinga fylgdist með hvoru
tveggja og hér á eftir er samantekt á því sem fram fór í
vinnusmiðjunni en hún hafði yfirskriftina „Reflection in
practice". Þegar þýða á enska orðið „reflection" koma til
greina skv. orðabókum mörg íslensk orð en mér sýnist að
orðið „íhugun" eigi hér einna best við en vel má vera að
þar séu mér ekki allir sammála.
En um hvað snýst íhugandi starfsaðferð? Christopher
nefndi að án efa hefðu margir efasemdir um þessa aðferð
en íhugun snýst um það að skoða eigin hugarheim og
læra af reynslunni. Til þessa þurfum við að hafa djúpan
skilning á því hver við erum í raun og veru og við íhugun
þurfum við að breyta algjöriega þeim aðferðum sem við
höfum vanalega beitt.
Til að ná fullkomnu taki á íhugun þarf að kyrra umhverfi
hugans. Þessa stundina er hugurinn eins og kertalogi,
óstöðugur og síbreytilegur, í ofsastormi hugsana okkar og
tiifinninga. En loginn brennur aðeins jafnt og þétt þegar við
höfum róað andrúmsloftið umhverfis hann; á sama hátt
getum við ekki byrjað að sjá í hugskot okkar fyrr en við
höfum náð að kyrra hugsanirnar.
Mikill áhugi var á vinnusmiðju dr. Christopher Johns.
Þegar hér var komið sögu sagði Christopher áheyrend-
um að taka sér hlé, loka augunum, huga að andardrætt-
inum og finna fyrir líkama sínum. Hann setti síðan afar
róandi tónlist á og síðan var stutt andakt.
íhugun er gluggi
íhugun, segir Christopher, er „gluggi" sem sá sem henni
beitir getur horft í gegnum til að sjá sjálfan sig í tengslum
við reynslu sína.
„Margir hafa orðið fastir við einn og sama gluggann og
horfa því alla daga á sama sviðið, á sama hátt. Enginn
þroskast fyrr en hann snýr sér frá þessum glugga og að
eigin hugskoti þar sem hann mun sjá marga aðra glugga
sem bíða þess að horft sé út um. í gegnum þá getur hann
séð nýja möguleika, framkomu og hugmyndir. Sjálfs-
ánægja, vani og blindni koma oft í veg fyrir að maður finni
fyrir lífinu. Svo mikið veltur á sjónarsviðinu - glugganum
sem við horfum út um.“ (John O'Donahue, 1997). „Sem
leiðbeinandi ykkar þá er ég hér til að hjálpa ykkur að taka
hlerana frá glugganum," sagði Christopher.
Til að geta nýtt sér íhugun í starfi á uppbyggilegan hátt
telur Christopher mikinn styrk felast í því að skrifa dagbók.
í hana færum við atriði og atburði sem sína styrkleika
okkar, ótta, ögrandi viðfangsefni og möguleika. Við eigum
201
Tímarit hjúkrunarfræðinga • 3. tbl. 77. árg. 2001