Tímarit hjúkrunarfræðinga - 01.07.2001, Side 51

Leiðsagnar þörf
Eins og Christopher sagði þá var hann hingað komin tii að
hjálpa okkur að taka hlerana frá „glugganum" en með-
ferðaraðilar, sem vilja temja sér að nota íhugun í starfi geta
þurft á leiðsögn að halda við ýmsar aðstæður, og hér á
eftir fer listi hans yfir nokkrar þeirra:
Leiðsagnar getur verið þörf
• til að afhjúpa ósamkvæmni og ýta undir meintan
ágreining
• til að afhjúpa og standa frammi fyrir rangtúlkun á eigin
sjálfsmynd og þröngum sjóndeildarhring. Og til að ögra
meðferðaraðilanum til að horfi á ástand frá nýjum
sjónarhóli
• til að grafast fyrir um og skilja þá þætti sem staðið hafa
í veg fyrir því að náðst hefur að vinna starf sitt á
markvissan og eftirsóknarverðan hátt
• til að finna öruggt bakland þar sem meðferðaraðilinn
finnur fyrir samhygð og þar sem hann getur fundið
nauðsynlegt hugrekki og tilgang til að takast á við
erfiðar aðstæður
• til að endurvekja áhuga á skuldbindingum sínum ef
áhuginn er farinn að dala eða þreyta farin að gera vart
við sig vegna „andsnúins" starfsanda á vinnustað
• til að uppgötva og rannsaka nýjar leiðir til að bregðast
við ástandi/vandamálum
• til að komast á dýpra og meira krefjandi stig íhugunar
• til að gera meðferðaraðilanum kleift að taka til þeirra
ráða sem þarf til að greiða úr ósamræmi.
Hér verður settur punktur við þessa samantekt úr
vinnusmiðju Christopher Johns á Akureyri 22. maí sl. -
vonandi hefur með henni tekist að opna aðeins „glugga"
svo skyggnast megi inn í þann aðferðarheim sem hann er
þarna að kynna, en eins og fyrr segir er hægt að fá meira
að vita hjá ráðstefnuhöldurunum. BK
Starfstengd siðfræði er ný námsleið við heimspekiskor
Háskóla íslands þar sem eitt meginmarkmiðið er að þjálfa
nemendur til að greina og takast á við siðferðileg
úrlausnarefni í starfi. Sérstök áhersla verður lögð á siðfræði
heilbrigðisþjónustu auk áherslu á siðfræði menntunar,
náttúru og viðskipta. Námsleiðin er því kjörin fyrir heil-
brigðisstarfsfólk sem í starfi sínu þarf að takast á við erfið
siðferðileg vandamál.
Starfstengd siðfræði er í umsjón Siðfræðistofnunar
Háskóla íslands og skipulögð í samvinnu við Kennara-
háskólann og Háskólann á Akureyri. Námið hefst í janúar
2002 og tekur tvær annir. Lokaverkefnið verður tengt vett-
vangsnámi og verður það unnið undir handleiðslu kennara
við heimspekiskor. í framhaldi af 30 eininga námi stendur
til að bjóða upp á M.Paed. nám og almennt meistaranám í
siðfræði og geta þá nemendur sem Ijúka 30 eininga nám-
inu, auðveldlega bætt meistaragráðunni við síðar.
Markmið starfstengdrar siðfræði er einkum að kynna
nemendum kenningar í siðfræði, þjálfa þá í rökræðum um
siðferðileg úrlausnarefni og ákvarðanir um þau og að
kenna rannsóknaraðferðir í siðfræði. Á fyrra misseri, þ.e.
vormisseri, Ijúka nemendur 15 einingum sem felast í
þremur 5 eininga námskeiðum. Námskeiðin, sem þá eru í
boði, eru: Inngangur að siðfræði þar sem farið er yfir
helstu kenningar í siðfræði, Hagnýtt siðfræði með áherslu
á tengsl fræðilegrar og hagnýttrar siðfræði og Málstofa um
starfstengda siðfræði þar sem lögð verður áhersla á
raunhæf siðfræðileg úrlausnarefni. Á síðara misseri, þ.e.
haustmisseri, Ijúka nemendur 10 einingum með vettvangs-
námi og verkefni undir handleiðslu kennara við heimspeki-
skor auk 5 eininga valnámskeiðs. Boðið er upp á fjölda
valnámskeiða í samvinnu við Kennaraháskóla íslands og
Háskólann á Akureyri.
Sækja þarf sérstaklega um námið til Siðfræðistofnunar
Háskóla íslands og er umsóknarfrestur til 15. september.
Umsækjendur verða að hafa lokið B.A., B.S. B.Ed. prófi
eða öðru sambærilegu háskólaprófi. Við mat á umsóknum
er tekið mið af einkunnum úr háskólanámi, starfsreynslu
og meðmælum. Allar frekari upplýsingar veitir Salvör
Nordal, forstöðumaður Siðfræðistofnunar, í síma 525 4195
eða með tölvupósti: salvorn@hi.is.
Tímarit hjúkrunarfræðinga • 3. tbl. 77. árg. 2001
203