Tímarit hjúkrunarfræðinga - 01.10.2001, Blaðsíða 27
'trAwJáhArsíhvt 11A.1AA1A.
heilsugæsluhjúkrunar
Ráðstefnan Framtíðarsýn innan heilsugæsluhjúkrunar:
Hvert ætlum við að stefna? var haldin dagana 13.-14.
september sl. Mjög góð þátttaka var á ráðstefnunni og
voru þátttakendur almennt ánægðir með erindi og aðbún-
að allan.
Fjöldi erinda var haldinn á ráðstefnunni og kom margt
athyglisvert fram. Erindin verða gefin út á bók sem kemur
væntanlega út í lok nóvember. Hér að neðan eru hins
vegar tilvitnanir í ýmislegt sem fram kom á ráðstefnunni:
„Frá 1. janúar 2001 hafa verið 578 samtöl I ráðgjöf í
reykbindindi (grænn sími 800 630). Erlendar rannsóknir
sýna að árangur meðferðar sem þessarar er á bilinu 12-
37% ári eftir fyrsta samtal. Helsti þröskuldur í vegi fyrir að
aðstoða sjúklinga við að hætta að reykja að mati íslenskra
lækna er skortur á sérhæfðum meðferðarúrræðum."
Ráðgjöf í reykbindindi. Dagbjört Bjarnadóttir og Ásgeir R. Helgason.
„Flutningur á hjúkrunarheimili felur í sér umskipti eða
þáttaskil á lífsleiðinni þegar hinn aldraði sest að á þessum
stað fyrir full og allt. Það kom fram að það hefði verið erfið
reynsla fyrir aðstandendur að standa andspænis þessum
þáttaskilum. Þessi umskipti reyndust auðveldari ef hægt var
að réttlæta flutninginn í Ijósi þeirrar hjálpar sem hinn aldraði
þurfti á að halda og naut við þessar kringumstæður. Aftur á
móti reyndi það mjög á alla ef hinn aldraði áttaði sig ekki á
aðstæðum og skildi ekki að fullu að hvaða marki hann þyrfti
þeirrar hjálpar við sem veitt er á hjúkrunarheimilinu."
Reynsla fjölskyldunnar af stofnanavistun aldraðs fjölskyldu-
meðlims. Margrét Gústafsdóttir.
„Kona kom í eftirlit til mín þegar hún var á þriðju með-
göngu. Hún reykti. Þegar hún hafði verið barnshafandi
áður hafði henni aldrei verið boðinn stuðningur við að
hætta að reykja, hins vegar fann hún fyrir neikvæðum við-
horfum í umhverfi sínu. Hún fylltist skömm og sjálfsfyrir-
litningu sem leiddu til frekari reykinga svo mótsagnakennt
sem það nú er.“
Sjálfsstyrking til reykleysis. Karitas ívarsdóttir.
„Heilbrigðisáætlanir auðvelda okkur að taka „heil-
brigðar" ákvarðanir."
Building healthy public and private policies. The ultimate
challenge for public health nurses. Ellen J. Hahn.
Ellen Hahn flutti fyrirlestur á ráðstefnunni.
„Allar áætlanir benda til þess að á komandi árum muni
eiga sér stað tilfærsla á heilbrigðisþjónustunni frá stofn-
unum til heimilanna. Samfara því mun ábyrgð á heilsu
almennings færast frá hinu opinbera til fjölskyldunnar.
Þessar breytingar munu hafa mikil áhrif á störf hjúkrunar-
fræðinga í framtíðinni og þá sérstaklega í heilsugæslunni."
Hjúkrað heima. Áhrif breyttrar stefnu á fjölskyldur. Kristín
Björnsdóttir.
„Lög um heilbrigðisþjónustu kveða á um jafnan rétt
allra til heilbrigðisþjónustu. Þrátt fyrir það benda niðurstöð-
ur til þess að einstaklingar og hópar hafi misjafnan aðgang
að læknisþjónustu á íslandi."
Þættir tengdir aðgengi að læknisþjónustu á íslandi. Rúnar
Vilhjálmsson, Edda Jörundsdóttir, Hrönn Sigurðardóttir og Þórunn Björg
Jónsdóttir.
„Miklir árekstrar vinnu og fjölskyldulífs draga úr vellíðan og
auka á kvíða og þunglyndi. Sjálfstjórn í vinnu tengist aukinni
vellíðan og minni sállífeðlislegri vanlíðan, kvíða og þunglyndi."
Tengsl vinnuálags og sjálfsstjórnar í vinnu við vellíðan og van-
líðan. Ingibjörg H. Elíasdóttir og Rúnar Vilhjálmsson.
„Einstaklingar á aldrinum 75-80 ára höfðu lítinn áhuga
á að fá fræðslu um næringu og mataræði, en hefðu gjarn-
an viljað fá fræðslu fyrr. Þörf er á að bjóða upp á skipulagt
mat á næringarástandi og ráðgjöf, til dæmis við starfslok."
Næringarástand aldraðra í heimahúsum og tengdir þættir.
Valgerður M. Matthíasdóttir, Guðrún Fjalidal, Guðrún Ólafsdóttir og Inga
Þórsdóttir.
Tímarit hjúkrunarfræðinga • 4. tbl. 77. árg. 2001
251