Tímarit hjúkrunarfræðinga - 01.10.2001, Blaðsíða 42

Hvað segir Asta Thoroddsen im
WwkruKAVskrMnM á Akranesi?
„Verkefniö, sem er í gangi á Sjúkrahúsinu á Akranesi, er
afar athyglisvert og mikilvægt. Þarna hefur sameinast
frumleiki og áræði og umtalsvert brautryðjendastarf unnið
af Jóhönnu Fjólu. Samræmd hjúkrunarskráning er það
sem stefnt er að á íslandi sem best sést á tilmælum
landlæknisembættisins frá 1. apríl 2001 um lágmarks-
skráningu vistunarupplýsinga. Nýmælin, sem þar birtast,
tengjast einmitt hjúkrunarskráningu og notkun flokkunar-
kerfa í hjúkrun. Allar heilbrigðisstofnanir á landinu eiga m.a.
að skila af sér upplýsingum um hjúkrunarvandamál og
hjúkrunarmeðferð sem sjúklingar hafa við útskrift og sem
voru meðhöndluð meðan á þjónustu stofnunar stóð.
Akranes er vel undir þetta búið sem og að takast á hendur
rafræna skráningu þegar þar að kemur. Vinnan á Akranesi
sýnir einnig mjög vel hvað framsýni og samtakamáttur
getur leitt af sér.
Staðlaðar hjúkrunaráætlanir hafa verið í gangi í fjölda
ára á stofnunum. Þær hafa yfirleitt tengst tilteknum
aðgerðum eða sjúkdómsástandi. Á Akranesi hefur hins
vegar verið farin önnur leið og mun hjúkrunarmiðaðri.
Valdar hafa verið algengustu hjúkrunargreiningar, sem
fengist er við á deildunum, og viðeigandi hjúkrunarmeð-
ferð. Velja þarf hjúkrunargreiningar við hæfi hvers sjúklings,
og það gerir hjúkrunaráætlun hvers og eins einstaklings-
hæfðari en ella. Ég hef ekki kynnt mér til hlítar hvort lím-
miðarnir bjóða upp á að unnt sé að velja mismunandi
hjúkrunarmeðferð við einni hjúkrunargreiningu. Slíkt þyrfti
að vera fyrir hendi þar sem sama meðferð hentar ekki
alltaf öllum. Regluleg endurskoðun þarf því sífellt að eiga
sér stað og þess gætt að besta mögulega þekking, sem
völ er á hverju sinni, sé ráðlögð. Rannsóknir í hjúkrunar-
fræði eru sífellt að aukast og þar með ný þekking sem oft
tekur tíma að tileinka sér. Jóhanna Fjóla hefur þegar sýnt
fram á tímasparnað, betri skráningu og aukna samfellu í
meðferð og stöðlun upp að ákveðnu marki og slíkt er
iðulega af hinu góða.
Sjúkrahúsið á Akranesi hefur skapað kjöraðstæður fyrir
stúdenta til að kynnast því hvernig setja má fram hjúkrunar-
áætlanir og nota flokkunarkerfi í hjúkrun til þess. Ég hef líka
velt fyrir mér hvort þetta breytta vinnulag auki ekki einnig
virðingu fyrir hjúkrunarfyrirmælum.
Þessi nýja leið skapar mun betri skilyrði fyrir hjúkr-
unarfræðinga til rannsókna m.a. á hjúkrunargreiningum og
einkennum sjúklinga, hjúkrunarmeðferð og árangri hjúkr-
unarmeðferðar. Rafræn skráning mun síðan auðvelda það
verk enn betur þegar fram í sækir. Jóhann Fjóla nefnir að
algengasta hjúkrunargreiningin, sem notuð er, sé grein-
ingin verkur, og það er í samræmi við niðurstöður rann-
sóknar sem ég hef einnig gert hér á landi.
Það verður athyglisvert að fylgjast með þegar mat á
árangri hjúkrunarmeðferðar verður tekið upp. Það er
greinilega mikil vakning fyrir þessum þáttum í hjúkrun.
Breyttar aðstæður kalla á breyttar aðferðir og mat á
árangri er ein þeirra."
Ásta Thoroddsen er lektor við hjúkrunarfræðideild H.í.
Könnun - Könnun - Könnun
Hjúkrunarfræðingar
Munið eftir að taka þátt í könnun á viðhorfum hjúkrunarfræðinga og notkun á
upplýsingatækni á http://www.fagupp.is.
Þeir sem ekki vilja eða geta tekið þátt á netinu eru hvattir til að prenta út eintak og senda eða hafa
samband við umsjónaaðila könnunarinnar og óska eftir pappírslista sem verður sendur um hæl.
Með þakklæti fyrir þátttökuna.
Gyða 570-2863 og Ingibjörg 570-1856
266
Tímarit hjúkrunarfræðinga • 4. tbl. 77. árg. 2001