Tímarit hjúkrunarfræðinga - 01.10.2001, Side 51

^fuíl-trúÁ^í^j \CJÍ
Fulltrúaþing Alþjóðasamtaka hjúkrunarfræðinga, ICN, var
haldið í Kaupmannahöfn 9.-11. júní sl. ICN var stofnað árið
1899 og er elstu alþjóðasamtök fagstétta innan heilbrigðis-
geirans og jafnframt elsta alþjóðastéttafélag kvenna. íslenskir
hjúkrunarfræðingar urðu aðilar að ICN þegar Félag íslenskra
hjúkrunarkvenna gekk í samtökin árið 1933 og var það 22.
aðildarfélag ICN. Aðildarfélögin eru nú yfir 120 talsins.
Fulltrúaþing samtakanna er haldið annað hvert ár og fer það
með æðstu stjórn samtakanna. Fjórða hvert ár er haldin
ráðstefna í tengslum við þingið. Nú eru þó einungis tvö ár frá
síðustu ráðstefnu en árið 1999 var vegleg ráðstefna haldin í
tengslum við 100 ára afmæli ICN. Tveir fulltrúar frá hverju
aðildarfélagi hafa haft rétt til setu á fulltrúaþingi samtakanna og
einungis annar þeirra með atkvæðisrétt. Fulltrúar 94 aðildarríkja
sóttu þingið í ár. Fulltrúar íslands á þinginu í ár voru Fierdís
Sveinsdóttir, formaður, og Hildur Helgadóttir, 2. varaformaður.
Ásta Möller sat einnig fulltrúaþingið en hún situr í stjórn ICN.
Fulltrúaþingið stóð í þrjá daga. Dagskráin fram að hádegi
fyrsta daginn var lokuð öðrum en fulltrúunum sjálfum. Þá var
til umræðu framtíðarstefna félagsins. Aðrir dagskrárliðir voru
opnir og fylgdist fjöldi hjúkrunarfræðinga og gesta með því
sem fram fór. Tekin voru fyrir almenn aðalfundamál, skýrsla
forseta og framkvæmdastjóra, reikningar lagðir fram og
samþykktir og ákvörðun tekin um félagsgjöld. Lagabreytingar
og ályktanir voru einnig á sínum stað. Ný stjórn var kosin.
Kirsten Stallknecht lét af formennsku og nýr formaður var
valinn: Christine Flancock frá Bretlandi. Fyrsti varaformaður er
Eleanor Ross frá Kanada, annar varaformaður Ásta Möller frá
íslandi og þriðji varamaður Yu-Mei Chao frá Taiwan. Aðrir
fulltrúar í stjórn eru Edith Allwood Anderson frá Jamaica,
Rosemary Bryant frá Ástralíu, George Cordero frá Filipps-
eyjum, Gladys Corral Neira frá Chile, Dulce Dirclair Huf Bais
frá Brasilíu, Shelagh Murphy frá Bretlandi, Philda Nzimande
frá Suður-Afríku, Veronika Pretnar Kunstek frá Slóveníu, Maria
Isabel Soares frá Portúgal, Angeliki Tapakoude frá Kýpur og
Franz Wagner frá Þýskalandi.
Mesta hitamál þingsins í ár var hið sama og á fulltrúa-
þingum 1997 og 1999, þ.e. hverjir eigi rétt á að gerast
aðildarfélagar að ICN. Lög ICN kveða á um að einungis eitt
félag frá hverju landi geti verið aðildarfélag. Félagið, sem er
fulltrúi lands síns, á að hafa innan sinna vébanda flesta
hjúkrunarfræðinga í landinu þó í samræmi við aðrar reglur
ICN. Þær kveða m.a. á um að félagið verði að vera fagfélag
hjúkrunarfræðinga en ekki einungis kjarafélag þeirra. En
tilgangur ICN er að vera fulltrúi hjúkrunarfræðinga um alian
heim og vera alþjóðarödd hjúkrunarfræðinga.
Á fulltrúaþinginu, sem haldið var í Vancouver 1997, urðu
mikil átök en þá var aðildarfélagi frá Brasilíu, sem verið hafði
fulltrúi land síns frá því árið 1927, skipt út fyrir annað brasiliskt
Stjórn ICN.
hjúkrunarfélag. Greinilegt var að fulltrúar á þinginu árið 1999
höfðu ekki náð að jafna sig eftir þau tilfinningaátök sem urðu
árið 1997. Á þinginu 1999 lá aftur fyrir að taka ákvörðun um
að skipta einu félagi út fyrir annað í sama landi. Sú ákvörðun
var þó ekki tekin þá því áður en það mál var lagt fyrir var tekin
til umræðu tillaga stjórnar um að rýmka heimildir um fjölda
hjúkrunarfélaga frá hverju landi sem gætu orðið aðildarfélög
ICN. Á þinginu í sumar var tillaga stjórnar um fyrirkomulag
aðildar hjúkrunarfélaga að ICN lögð fram. Greinilegt var að
skiptar skoðanir eru enn á því hvernig aðild skuli háttað en
niðurstaða þingsins var að rýmkað var verulega aðgengi að
ICN. Enn er haldið í þá grundvallarafstöðu að hvert land hafi
einungis eitt atkvæði í innri málefnum ICN. Það er hins vegar
lagt í hendur einstakra aðildarfélaga hvort það myndi samtök
hjúkrunarfélaga í sínu landi sem gerist aðilar að ICN. Nokkur
aðildarlíkön voru samþykkt og er bent á heimsíðu ICN,
www.icn.ch, varðandi frekari kynningu á þeim.
Á fulltrúaþinginu voru fjórir vinnuhópar þar sem fjallað var
um mikilvæg málefni sem tengjast hjúkrun á alþjóðavettvangi
og samtökunum sjálfum. Fjallað var um eftirtalin efni:
• Mannauður. Framboð og eftirspurn eftir hjúkrunarfræð-
ingum á alþjóðamarkaðinum. Framsögu í þessum vinnu-
hóp hafði Per Godtland Kristensen, alþjóðaritari norska
hjúkrunarfélagsins.
• Að hafa áhrif á stefnumótun í heilbrigðismálum. Framsögu
í þessum hóþi hafði Ásta Möller, stjórnarmaður ICN.
• Ný hlutverk innan hjúkrunar. Framsögu hafði Eleanor Ross
frá kanadíska hjúkrunarfélaginu, meðlimur í stjórn ICN.
• Hvaða leiðir eru færar til að styrkja ICN og einstök
aðildarfélög ICN. Framsögu hafi Iris Wilson, formaður
hjúkrunarfélags Jamaica og stjórnarmaður ICN.
Miklar umræður urðu í öllum þessum hópum. Framsögur
voru fjölritaðar og afhentar þingfulltrúum með fundargögnum.
Þeir sem hafa áhuga geta nálgast þau gögn á skrifstofu
Félags íslenskra hjúkrunarfræðinga ásamt niðurstöðum
umræðnanna þegar þær hafa verið sendar aðildarfélögum.
Tímarit hjúkrunarfræðinga • 4. tbl. 77. árg. 2001
275