Tímarit hjúkrunarfræðinga - 01.10.2006, Blaðsíða 5

FORMANNSPISTILL
FRAMTIÐARSYN HJUKRUNAR
- Hvert stefnir og hvert viljum við fara?
'wm ' i
Halla Grétarsdóttir
Nú er haustið komið og veturinn að ganga
í garð. Elsa B. Friðfinnsdóttir, formaður
Félags íslenskra hjúkrunarfræðinga, er nú
sest á skólabekk og ég hef tekið að mér
að leysa hana af þessa haustönn.
í þessum fyrsta pistli mínum langar mig
að horfa fram á veginn og varpa fram
vangaveltum um framtíðarsýn hjúkrunar.
Nýverið barst mér mjög áhugaverð
skýrsla frá kanadíska hjúkrunarfélaginu.
Skýrslan heitir Toward 2020: Visions for
Nursing. í henni er kynning á framtíðarsýn
kanadíska félagsins á hjúkrun árið 2020
sem félagið hefur lagt mikla vinnu í að
móta undanfarin ár. Eitt af því fyrsta sem
ég las í skýrslunni var:
If you're not constructing your
future, Your future is still being
constructed. (Tim Porter-O'Grady)
Eða eins og setningin gæti verið á íslensku
„Ef þú mótar ekki framtíð þína
sjáifur mótast hún þrátt fyrir það. “
Þessi orð hafa leitað á huga minn síðan
og hef ég hugleitt hvort Félag íslenskra
hjúkrunarfræðinga þurfi að setja saman
hóp hjúkrunarfræðinga til að vinna að
framtíðarsýn félagsins í hjúkrunar og
heilbrigðismálum hérlendis byggða á
stefnu félagsins sem unnin var af Sesselju
Guðmundsdóttur og Kristínu Björnsdóttur
árið 1997. Því þó enginn viti hvað
gerist í framtíðinni, þá getum við mótað
okkar stefnu með því að hugleiða hvað
getur gerst, byggða á hvernig framtíð
hjúkrunarfræðingum hugnast best. Hjúkr-
unarfræðingar gegna nú mörgum lykil-
störfum innan heiibrigðiskerfisins og
hafa í vaxandi mæli áhrif á stefnumótun
heilbrigðismála. Ef hjúkrunarfræðingar
mundu deila sameiginlegri sýn á hvernig
þeir vilja sjá hjúkrun og heilbrigðisþjónust-
una þróast á næstu áratugum myndi slfk
framtíðarsýn hjálpa hjúkrunarfræðingum
enn frekar til að hafa áhrif og stuðla að
slíkri framtíð.
Hvernig breytist heilbrigðiskerfið?
Starfsumhverfi okkar, heilbrigðiskerfið, á
eftir að breytast mikið og fram undan
er mikið verkefni, sem kallar á breytta
hugsun við skipulag og framkvæmd
heilbrigðisþjónustunnar. í framsetningu
kanadíska hjúkrunarfélagsins á þróun
heilbrigðiskerfisins er því spáð að líklega
starfi mikill meirihluti hjúkrunarfræðinga
við hjúkrun utan spítala árið 2020. Hefð-
bundnir spítalar verða minnsti þáttur
heilbrigðiskerfisins öfugt við það sem nú
er. Mun fleiri njóti þá heilbrigðisþjónustu
utan spítalanna og það krefst eflingar
annarra úrræða (millistiga). Einnig að
heilbrigðisþjónustan færist nær skjól-
stæðingum hennar. Mun stærri hluti
heilbrigðisþjónustunnar komi til þeirra
sem á henni þurfa að halda og gegni
þá heilbrigðisþjónusta í nærumhverfi,
mun stærra hlutverki en nú er. Áhersla
verður lögð á að styðja og efla sjálfs-
hjálp skjóistæðingsins sjálfs og hans
nánustu. Þessi þróun krefst samþættingar
þjónustu, eflingar samstarfs miili heilbrigðis-
stofnana og þverfaglegrar samvinnu.
Áhugavert er fyrir íslenska hjúkrunar-
fræðinga að velta því fyrir sér hvort þeir
eigi von á sambærilegri þróun hériendis og
hvaða áhrif það hefði á störf þeirra.
Hvernig sem þróunin verður þarf Félag
íslenskra hjúkrunarfræðinga að hafa
skýra framtíðarsýn í hjúkrunar- og
heilbrigðismálum og taka virkan þátt í
mótun hennar. Það má segja að áhersla
félagsins á árinu 2006 á mannauð í
hjúkrun sé skref í þá átt. Alþjóðadagur
hjúkrunarfræðinga 12. maí bar yfirskriftina
Vel mannað verndar líf. Þar var m.a.
samþykkt ályktun þar sem hjúkrunar-
fræðingar ítrekuðu mikilvægi mönnunar
fyrir öryggi sjúklinga og gæði þjónust-
unnar. Félag íslenskra hjúkrunarfræðinga
heldur áfram að fjalla um mannauð og
hlutverk hjúkrunarfræðinga í stefnumótun
í hjúkrunar- og heilbrigðisþjónustu á
hjúkrunarþingi félagsins. Þingið, sem
haldið verður á Hótel Loftleiðum dagana
2. og 3. nóvember nk., ber yfirskriftina
Mannauður í hjúkrun. Á þinginu verður
fjallað um mannauð og hlutverk hjúkr-
unarfræðinga í stefnumótun í hjúkrunar-
og heilbrigðisþjónustunni. Öllum félags-
mönnun er heimil þátttaka og eru þeir
hvattir tii að mæta og taka þátt í stefnu-
mótun félagsins í þessum mikilvægu
málaflokkum. Það er von félagsins að
niðurstöður hjúkrunarþingsins verði gott
framlag í umræður um framtíðarsýn hjúkr-
unar og heilbrigðiskerfisins og að stjórn
félagsins geti notað niðurstöðurnar til að
taka næstu skref í að móta framtíðarsýn
félagsins.
Halla Grétarsdóttir,
starfandi formaður
Félags íslenskra hjúkrunarfræðinga
Tímarit hjúkrunarfræðinga - 4. tbl. 82. árg. 2006
3