Tímarit hjúkrunarfræðinga - 01.10.2006, Qupperneq 7

RITSTJORASPJALL
HVERS VIRÐI ER HEILSAN?
Um daginn hitti ég hjúkrunarfræðing sem var að koma á fund í húsakynni
félags FIH. Hún hefur sérhæft sig í endurhæfingarhjúkrun og við ræddum
mikilvægi endurhæfingar fyrir þá sem hafa veikst eða orðið fyrir slysum, ekki
síst mikilvægi þess fyrir fjölskyldur og samfélagið að fá fólk aftur til starfa og
verða virkt í samfélaginu.
í framhaldi af þessum umræðum
ræddum við uppáhalds
umræðuefni stjórnmálamanna
og fjölmiðla um heilbrigðismál
þ.e. sparnað í útgjöldum til
heilbrigðisþjónustunnar. En um
hvað snýst sú umræða? Til að
geta áttað okkur á því þurfum við
að skilgreina og skilja hvað felst
í hugtökunum heilbrigðisþjónusta,
útgjöld og sparnaður. í núgildandi
lögum um heilbrigðisþjónustu (nr. Vaigerður Katrín Jónsdóttir
97. frá 28. september 1990) segir
í 1. grein að: „Allir landsmenn skulu eiga kost á fullkomnustu
heilbrigðisþjónustu, sem á hverjum tíma eru tök á að veita til
verndar andlegri, líkamlegri og félagslegri heilbrigði."
Til að unnt sé að veita þessa þjónustu greiða landsmenn
tiltekna upphæð í formi skatta sem þá eru útgjöld til heil-
brigðisþjónustunnar. En hvað er sparnaður? Hvað er það
að spara útgjöld í heilbrigðisgeiranum? Sparnaður er yfirleitt
eitthvað sem tengist fjármunum, samanber börn spara í þar
tiltekna sparibauka eða fólk leggur fyrir fé inn á bankareikninga.
Einhvern veginn á þetta hugtak ekki heima með hinum tveimur
í því kerfi sem við búum við. Hvað er hægt að spara ef veita
á fullkomnustu heilbrigðisþjónustu, sem á hverjum tíma eru
tök á að veita til verndar andlegri, líkamlegri og félagslegri
heilbrigði? Fækka starfsfólki? Fækka meðferðarúrræðum? Er
hægt að verðleggja heilsu? Eða er góð heilsa eins og segir í
auglýsingunni, ómetanleg?
Eini raunhæfi sparnaðurinn í heilbrigðisþjónustunni er að
landsmenn séu við það góða heilsu miðað við aldur að þeir þurfi
sem minnst á sjúkrahúsaþjónustunni að halda. Nú um stundir
gera flestir sér grein fyrir mikilvægi heilsuverndar. í þessu tölu-
blaði er sjónum beint að heilsuvernd, rætt við Bergljótu Líndal,
heiðursfélaga FÍH en hún hefur um áratugaskeið unnið við
heilsuverndarhjúkrun á Heilsuverndarstöðinni sem nú er búið
að leggja niður.
Þá eru í blaðinu þrjár ritrýndar greinar. Ákvörðun um útgáfu
sérhefta ritrýndra greina verður tekin á næsta fulltrúaráðsþingi
FÍH sem haldið verður á næsta ári og því eru ritrýndar greinar
stór hluti þessa tölublaðs. Tvær ritrýndar greinarnar eru
eftir Sóleyju Bender og fjalla þær um kynlífsheilbrigði og ein
til viðbótar er fjallar um heilsuvernd barna og fræðslu um
áfengi og vímuefni. Geðhjúkrunarfæðingar halda áfram að
fjalla um hvernig unnt er að varðveita geðheilsuna og skrifa
um 8, 9, og 10 geðorðið. Forsíðan að þessu sinni er tengd
októbermánuði, mánuði brjóstakrabba, en með reglulegri
heilsuvernd er unnt að koma að miklu leyti í veg fyrir hann sem
og aðra sjúkdóma.
Og í lokin smá ábending fyrir þá sem vilja stuðla að því að konur
komist í ókeypis mammógröf, farið reglulega á neðangreinda
heimasíðu og klikkið á söfnun fyrir ókeypis mammógröf fyrir
konur. http://www.thebreastcancersite.com.
URTASMIÐJAN ~ $ÓLA
Græðismyrsl
OÓÐA GRÆNA JURTAKREMIÐ
SEM HEFUR REYNST SVO VEL Á HÚÐÞURRK,
SÁR, ÖR, BRUNA, SÓLEXEM, SÓLBRUNA,
TÁSVEPP, GYLLINÆÐ,
ÝMIS ÚTBROT OG VÖRTUR.
STILLIR SVIÐA OG KLÁÐA.
i SÖLUSTAí?!R:
| HÖFUDBORCARSVÆDID: AKUREYRI:
i YCÓDRASILL, MAÐUR LIFANDI, HEILSUHÚSIN, HEILSUHORNIÐ, APÓTEKARINN, BLÓMAVAL.
j GARÐHEIMAR, Fjarðarkaup.
Sauðárkrókur, NUDD oc stratastofan.
I SELFOSS: HEILSUHÚSIÐ, VOPNAFJÖRÐUR: LYFSALAN.
: KEFLAVÍK: BLÓMAVAL.
j BORCARNES: NUDDSTOFA MARGRÉTAR. URTASMIÐJAN601 AKUREYRI,
SÍMI, 462 4769
NETF. CICJA@URTASMIDJAN.IS
Tímarit hjúkrunarfræöinga - 4. tbl. 82. árg. 2006
5