Tímarit hjúkrunarfræðinga - 01.10.2006, Síða 27
Hér hefur einungis verið kynntur hluti leiðbeininganna sem
miða að því að styðja og styrkja fjölskyldur við aðlögun að
langvinnum sjúkdómi. Eins og fram hefur komið hafa kanadísku
hjúkrunarfræðingarnir gefið út fjöldann allan af áhugaverðum
leiðbeiningum sem hægt er að skoða á heimasíðu þeirra (www.
rnao.org ).
Horft til heilsueflingar
Ljóst er að mikil breyting hefur átt sér stað í þátttöku og
auknum skilningi hjúkrunarfræðinga á vanda fjölskyldna sem
glíma við langvinna sjúkdóma. Fagna ber því að settar hafa
verið fram klínískar leiðbeiningar um hjúkrun sem nota má til að
samræma og efla þekkingu hjúkrunarfræðinga á aðferðum til
að aðstoða skjólstæðinga sína. Kosturinn við leiðbeiningarnar,
sem skoðaðar hafa verið í þessari grein, er að hjúkrunin er
sniðin að þörfum skjólstæðinganna og áhersla er lögð á að
aðstoða fjölskyldur við að finna eigin styrk og úrræði. Sjónum
er beint að fjölskyldunni, ekki einunigs hinum veika, geta
fjölskyldunnar er dregin fram, ekki vanmáttur, og horft er til
heilsueflingar en ekki á meðferð heilsuvandamálsins.
Eins og fram hefur komið leggja höfundar þessarar greinar
til að kanadísku leiðbeiningarnar séu lagaðar að hverju
verkefni fyrir sig og gerðar notendavænar. Viðhafa ber vönduð
vinnubrögð þegar heimfæra á erlendar aðstæður að íslenskum
og vanda þarf til samræmingar og þýðingar. í þessari grein
hafa kanadísku leiðbeiningar verið kynntar til umhugsunar
fyrir íslenska hjúkrunarfræðinga sem vinna með langveikum
einstaklingum og fjölskyldum þeirra. Sé áhugi fyrir að festa
þessar leiðbeiningar í sessi hérlendis þarf sú framkvæmd að
fara í þann farveg sem reglur heilbrigðisstofnana um klínískar
leiðbeiningar kveða á um.
Með notkun klínfskra leiðbeininga, sem fjalla um aðstoð
vegna andlegra áhrifa af sjúkdómum, má gera samskipti og
tilfinningavinnu sýnilegri og þar með framlag hjúkrunar. Ef
hjúkrunarfræðingar vinna markvisst og faglega við að aðstoða
fjölskyldur sem eiga í vanda vegna aðlögunar að langvinnum
sjúkdómi má skapa skilning á því hvernig hjúkrun stuðlar að
heilbrigði.
Sífellt aukast kröfur um að beitt sé vísindalegri þekkingu og að
heilbrigðisstarfsfólk meti árangur af störfum sínum. Með því
að festa klínískar leiðbeiningar í sessi má samræma og beita
hjúkrunarmeðferð sem auðvelt er að rannsaka og meta þannig
og endurskoða hvers konar meðferð skilar árangri. Með því
að nota klínískar leiðbeiningar sem byggjast á gagnreyndri
þekkingu mun hjúkrun langveikra sjúklinga og fjölskyldna þeirra
verða markvissari og þar með árangursríkari fyrir þjónustuþega
og þá sem þjónustuna veita.
Heimildir
Erla Kolbrún Svavarsdóttir (2006). Frá innsæi til inngripa. Þekkingarþróun í
hjúkrunar- og Ijósmóðurfræðum. Reykjavík: Hið íslenska bókmenntafélag
og hjúkrunarfræðideild Háskóla íslands.
Fjórðungssjúkrahúsið á Akureyri (2006). Klinískar leiðbeiningar. Sótt á netið
10. maí: www.fsa.is .
Landlæknisembættið (2006). Klínískar leiðbeiningar. Sótt á netið 10. maí:
www.landlaeknir.is,
Landspítali háskólasjúkrahús (2006). Klinískar leiðbeiningar. Sótt á netið 12.
maí: www.lsh.is).
Perrin, E.C., Newacheck, P., Pless, B., Drotar, D., Gortmaker, S.L,
Leventhal, J., Perrin, J.M., Stein, R. E.K., Walker, D.K., og Weizman,
M. (1993). Issues involved in the definition and classification of chronic
health condition. Pediatrics 97(4), 787-793.
Registered Nurses Association of Ontario (2006). Nursing best practice
guideline. Supporting and Strengthening Families through Expected and
Unexpected Life Events. Sótt á netið 10. maí: www.rnao.is.
Tryggingastofnun ríkisins (2006). Staðtölur almannatrygginga árið 2004. Sótt
á netið 12 maí: www.tr.is.
Wright, L.M., og Leahey. M. (2005). Nurses and Families. A guide to family
assessment intervention. (4.útg.) Philadelphia: F.A. Davis Company.
Várd i Norden leitar að nýjum ritstjóra
Tímaritið Várd i Norden (ViN) er gefið út af Samtökum hjúkrunarfræðinga á Norðurlöndunum
(SSN) og kemur út fjórum sinnum á ári. í tímaritinu eru birtar rannsóknagreinar og styttri
fræðslugreinar.
Árlega berast blaðinu 60-70 greinar á dönsku, norsku,
sænsku og ensku. Ritsjórinn þarf því að geta lesið og
ritrýnt greinar á þessum tungumálum.
Verkefni ritstjóra ViN eru að lesa og velja greinar til
birtingar í tímaritinu.
Ritstjórinn nýtur stuðnings ritstjórnar og ritrýna frá öllum
Norðurlöndunum. Ritstjórnin hittist tvisvar á ári.
Hæfniskröfur
Hjúkrunarfræðingur með doktorspróf sem hefur áhuga
á að fylgja eftir rannsóknum og þróun hjúkrunar á
Norðurlöndum og þekkir til ritstjórnarstarfa.
Starfið er 20% staða.
Umsóknir þurfa að berast til marit.helgerud@syke-
pleierforbundet.no fyrir 23. október nk.
B5N
Frekari upplýsingar má fá á heimasíðu ViN, www.vardinorden.org, með því að hafa samband við núverandi ritstjóra,
Christinu Forsberg, forc@rkh.se, eða starfsmann ViN, marit.helgerud@sykepleierforbundet.no.
Tímarit hjúkrunarfræðinga - 4. tbl. 82. árg. 2006
25