Tímarit hjúkrunarfræðinga - 01.10.2008, Blaðsíða 30

Christer Magnusson, christer@hjukrun.is
Starfsumhverfið var ekki gott 2006, en hefur það breyst?
STARFSÁNÆGJA Á LANDSPÍTALA
I apríl 2007 kom út skýrsla þar sem viðamikil könnun á starfsumhverfi
ríkisstarfsmanna var kynnt. Áberandi var hversu illa heilbrigðisstofnanir komu
út og þá sérstaklega Landspítali. Heilbrigðisráðherra var brugðið og lofaði
aðgerðum, meðal annars á aðalfundi Félags íslenskra hjúkrunarfræðinga í maí
2008. En hvað hefur gerst síðan þá?
Könnun á starfsumhverfi ríkisstarfsmanna
var framkvæmd af Stofnun stjórn-
sýslufræða við Háskóla íslands í samvinnu
við ParX viðskiptaráðgjafa og kostuð af
fjármálaráðuneytinu. Könnunin var lögð
fyrir í nóvember og desember 2006.
Margir hjúkrunarfræðingar muna eflaust
eftir að hafa svarað henni en þeir voru í
hópi tæplega tíu þúsund ríkisstarfsmanna
hjá 144 stofnunum sem tóku þátt.
Til stóð reyndar að Landspítali yrði ekki
með í könnuninni. Framkvæmdaraðilum
þótti Landspítali of stór og flókinn
vinnustaður. Velta má því fyrir sér hvort
menn hafi miklað fyrir sér flækjustigið.
Landspítali sótti það fast að fá að taka þátt
og endaði það með að ráðuneytið lagði til
sérstakt fjárframlag til þess að hægt yrði
að bæta Landspítala í könnunarhópinn.
Stjórnendur LSH litu svo á að niðurstöður
gætu gefið góðar vísbendingar um það
sem betur mætti fara og um það sem vel
væri gert. Á Landspítala var unnið ötullega
að því að auðvelda starfsmönnum að taka
þátt í könnuninni. Ráðinn var verkefnastjóri
og stofnaður var þverfaglegur vinnuhópur
til að undirbúa hana. Hægt var að svara
könnuninni bæði á vefnum og á pappír og
var hún þýdd á fjölda tungumála.
Niðurstöður könnunarinnar
Þegar rýnt er í niðurstöðurnar kemurfljótlega
í Ijós að heilbrigðisstofnanir komu verst út.
Ástandið reyndist sérstaklega slæmt á
Landspítala. Til dæmis var ánægja með
stjórnun í heild 31 % á heilbrigðisstofnunum
(lakast) en 61 % í framhalds- og háskólum.
Einungis 51 % heilbrigðisstarfsmanna töldu
Erna Einarsdóttir sviðsstjóri og Svava Kr. Þorkelsdóttir, deildarstjóri á skrifstofu mannauðsmála.
„Landspítali lofaði starfsmönnum að stinga ekki niðurstöðunum undir stól," segir Erna.
að góður starfsandi væri ríkjandi en 76%
í þeim stofnunum þar sem starfsandinn
var bestur. 68% heilbrigðisstarfsmanna
töldu sig nær alltaf eða oft vera undir
miklu vinnuálagi en 46% starfsmanna sem
vinna að skatta- og tollamálum. ímynd
heilbrigðisstofnunar í samfélaginu er
jákvæð, sögðu 49% starfsmanna, en 80%
starfsmanna í framhalds- og háskólum álitu
að stofnun þeirra hefði jákvæða ímynd.
Niðurstöður varðandi Landspítala voru í
nær öllum tilfellum lakari en meðaltöl fyrir
opinber fyrirtæki eða stofnanir og langoftast
lakari en meðaltöl fyrir heiibrigðisstofnanir.
Skrifstofa forstjóra var þó undantekning
og var nokkuð vel yfir meðaltali hvað
varðar starfsaðstöðu, ánægju með næsta
yfirmann og viðhorf til stjórnunar. Reyndar
var næsti yfirmaður talinn vera mjög
góður á öllum klínískum sviðum sem
þýðir að deildarstjórar fá góðar einkunnir.
Öldrunarsvið og endurhæfingarsvið komu
að jafnaði vel út og voru á köflum yfir
meðaltölum fyrir heilbrigðisstofnanir og
jafnvel ríkið í heild.
Ánægja með vinnuaðstöðu var að jafnaði
mjög lítil. Sérstaklega laka einkunn fengu
slysa- og bráðasvið, svæfinga-, gjörgæslu-
Tímarit hjúkrunarfræðinga - 4. tbl. 84. árg. 2008