Tímarit hjúkrunarfræðinga - 01.10.2008, Page 34

Margrét Guðmundsdóttir, mgumm@internet.is
SAGA HJÚKRUNAR Á ÍSLANDI V
VINÁTTA YFIR LANDAMÆRI

w&irxi
% imi

■ / --
SSN-þing í Bergen 1928. íslenskir þátttakendur voru Sigriður Eírfksdóttir (1. röð lengst til vinstri), Kristín Thoroddsen (3. röð fyrir miðju) og Magdalena Guðjónsdóttir
(efstu röð, önnur til vinstri).
Á afmælisárinu 2009 mun Félag íslenskra hjúkrunarfræðinga gefa út
bók um sögu hjúkrunar á íslandi. Nánar verður fjallað um bókina í
næsta tölublaði. Hér verður birt brot úr kafla sem fjallar um samband
Félags íslenskra hjúkrunarkvenna við erlendar hjúkrunarkonur og félög
þeirra og sjónum beint að persónulegum tengslum.
Félag íslenskra hjúkrunarkvenna leitaði
snemma eftir samvinnu við erlendar
starfssystur. í upphafi sóttustforystukonur
félagsins fyrst og fremst eftir samstarfi
við norrænu systurfélögin, einkum í
Danmörku og Noregi. Á millistríðsárunum
komust þau samskipti í fastar skorður
en tengsl við hjúkrunarkonur utan
Norðurlanda voru lítil þar til í lok fjórða
áratugarins.
Leiðtogar hjúkrunarkvenna á Norður-
löndum höfðu regluleg samskipti og
ánægjuleg kunningjatengsl ríktu innan
hópsins. Þau þróuðust með árunum í
nána vináttu milli þeirra sem störfuðu mest
32
Tímarit hjúkrunarfræðinga - 4. tbl. 84. árg. 2008