Tímarit hjúkrunarfræðinga - 01.10.2008, Page 35

Merki norrænu hjúkrunarfélaganna voru birt á forsíðu
Hjúkrunarkvennablaðsins í sambandi við sjötta mót
i norræna hjúkrunarkvenna sem var haldið í Reykjavík
íjúlí 1939.
í Samvinnu hjúkrunarkvenna á Norðurlöndum.
Sigríður Eiríksdóttir var lengi eini fulltrúinn frá
íslandi sem sótti fundi samtakanna. Á fjórða
áratugnum var hún leyst af hólmi þegar hún
lagðist á sæng en fram að því hafði Sigríður
sótt flesta þá erlendu fundi sem stjórn Félags
íslenskra hjúkrunarkvenna taldi nauðsynlegt að
taka þátt í.
Norrænu forystukonurnar tóku sérstöku ástfóstri
við börn Sigríðar Eiríksdóttur. Þær dönsku
fögnuðu sérstaklega þegar hún eignaðist soninn
Þorvald skömmu fyrir jólin 1931. Jessen, ritari
Félags danskra hjúkrunarkvenna, sendi Sigríði
hamingjuóskir. Ritarinn taldi fæðingu drengsins
„áhugaverð" tímamót því hann væri fyrsti herrann
í Samvinnu norrænna hjúkrunarkvenna (FÍH B/2
1. Bréf Jessen, dags. 21. apríl 1932). Charlotte
Munck, formaður samtakanna, tók í svipaðan
streng og eignaði sér og öðrum stjórnarkonum
hlutdeild í drengnum þegar hún sendi Sigríði
árnaðaróskir með „annað samvinnubarnið'1 (FÍH
B/2 1. Bréf Munch, dags. 28. júní 1932).
Frændsysturnar á Norðurlöndum fylgdust af
einlægum áhuga með vexti og þroska þeirra
Vigdísar og Þorvaldar. Þær skiluðu jafnan
kveðjum til systkinanna í bréfum og óskuðu
sérstaklega eftir fréttum af smáfólkinu. Bertha
Wellin, þingkona í Svíþjóð og helsti leiðtogi
þarlendra hjúkrunarkvenna, hafði Ijósmynd af
Vigdísi á skrifborði sínu og hrósaði móðurinni
fyrir þá gleði sem lýsti af meyjunni ungu (FÍH B/2
2. Bréf Wellin, dags. 5. maí 1933 og 8. október
1931). í uppeldi barna sinna lagði Sigríður
HVER ER ÞÍN STÆRSTA MINNING
ÚR STARFINU?
Lumar þú á góðri sögu úr starfinu? Sem hjúkrunarfræðingur hefur
þú margsinnis verið þátttakandi á örlagastundu samstarfsmanna,
skjólstæðinga eða aðstandenda þeirra. Þú hefur fundið fyrir
tilfinningum eins og sorg og gleði, von og varnarleysi. Slíkar
mikilvægar minningar eru sjaldan settar á prent en eru hluti af sögu
og samféiagi okkar hjúkrunarfræðinga.
í tilefni 90 ára afmælis félagasamtaka hjúkrunarfræðinga á næsta
ári hefur afmælisnefnd hug á að gefa út bók með minningum
hjúkrunarfræðinga á formi örsagna. Örsaga er stutt frásögn af
augnabliki úr hjúkrunarstarfinu. Hún getur verið allt frá 100 orðum upp
í 500 orð. En til þess að þessi bók verði að veruleika þurfa félagsmenn
að senda inn sögur. Þær geta verið gamlar eða nýjar. Ef þú hefur
hugmynd að örsögu en átt erfitt með að koma henni á prent getur þú
haft samband við ritstjóra Tímarits hjúkrunarfræðinga. Einnig er hægt
að benda á eldri sögur sem hafa verið birtar annars staðar.
Nokkrar bækur með sögum úr hjúkrunarstarfinu hafa verið gefnar
út á öðrum tungumálum. Nefna má „Chicken Soup for the Nurse’s
Soul“ sem kynnt er á öðrum stað í þessu blaði og „IND I FAGET
- Sygeplejersker fortæller" sem Dansk sygeplejerád gaf út í ár.
Þá gaf hjúkrunarráð á Landspítala árið 2000 út lítið hefti með
dagbókarfærslum 18 hjúkrunarfræðinga sem hét „Dagbók - dagur við
hjúkrun". Ágætt getur verið að leita innblásturs í þessum bókum.
Sögur sendist til Aðalbjargar Finnbogadóttur, starfsmans
afmælisnefndar, á póstfangið adalbjorg@hjukrun.is fyrir 1. janúar
2009.
Tímarit hjúkrunarfræðinga - 4. tbl. 84. árg. 2008
33