Tímarit hjúkrunarfræðinga - 01.10.2008, Blaðsíða 38

Christer Magnusson, christer@hjukrun.is
MARAÞONKONUR
Hjúkrunarfræðingar láta til sín taka á mörgum sviðum lífsins. Tveir þeirra voru
nýlega í fremstu röð í Reykjavíkurmaraþoni og í Laugavegshlaupinu. Þessar
tvær konur eru fordæmi hjúkrunarfræðinga og kvenna á Islandi. Tímarit
hjúkrunarfræðinga óskar þeim til hamingju með árangurinn.
Frá Laugaveginum. Björg Árnadóttir
ásamt Sigurði Sigurðarsyni,
hlaupafélaga sínum, og tveimur
samstarfskonum í Vistor, báðum
hjúkrunarfræðingum, sem sáu
um aðhlynningu á Laugaveginum.
Lengst til vinstri stendur Elín Hrönn
Ólafsdóttir og lengst til hægri Friða
Björg Leifsdóttir.
Tveir hjúkrunarfræðingar voru meðal
efstu kvennanna í Reykjavíkurmaraþoni
23. ágúst sl. Björg Árnadóttir, sölu- og
markaðsstjóri hjá Vistor, var í fjórða sæti
og fyrsta íslenska konan til að Ijúka
keppni.Tímí hennar var 3:20:11, einungis
19 mínútum á eftir sigurvegaranum,
Rozalyn Alexander frá Bretlandi. Björg
var einnig fyrsta íslenska konan í mark
í fyrra. í áttunda sæti og þriðja íslenska
konan í mark var Sigrún Barkardóttir,
yfirhjúkrunarfræðingur á heilsugæslunni í
Glæsibæ, sem hljóp á tímanum 3:32:09.
Björg Árnadóttir segir að hún hafi
byrjað að hlaupa kringum 1985. Það
var erfitt að byrja. „Mér fannst eins og
allar tennur ætluðu að detta úr mér og
ég fann blóðbragð í munninum,“ segir
hún. En fljótlega fór þetta að ganga
betur og hún hefur hlaupið síðan. Auk
Reykjavíkurmaraþons hefur hún hlaupið
maraþon í London og í Stokkhólmi.
Annars er það fjallahlaup sem er hennar
helsta áhugamál. Hún hefur hlaupið
„Laugaveginn" fjórum sinnum, síðast nú
í ár þar sem hún varð í fjórða sæti
og bætti tímann sinn um 20 mínútur.
Laugavegshlaupið er talsvert erfiðara en
venjulegt maraþon, 55 km í staðinn fyrir
42 og allt annað landslag.
Til þess að undirbúa sig fyrir þessi
langhlaup þarf hún að æfa sig talsvert.
Frá því í maí hefur hún farið á Esju einu
sinni í viku og stundum farið upp og
niður þrisvar sama daginn. Hún hleypir
10 km nokkrum sinnum í viku og styttri
vegalengdir inn á milli. Þar að auki er hún
í styrktarþjálfun í Boot Camp. Samtals
eyðir hún 12-14 klukkustundum á viku
í æfingar.
En hvernig dettur henni í hug að leggja
þetta á sig? „Þetta er bara svo rosalega
gaman," segir hún. „Ég reyni að lifa
heilsusamlegu lífi og að hlaupa er partur
af því. Svo er þetta farið að smita af sér
í vinnu.“ Maðurinn hennar er einnig mikill
hlaupari og þær Björg og Sigrún æfa
saman.
Sigrún Barkardóttir er einnig mikil hlaupa-
kona. Hún hefur tekið þátt í Reykjavíku-
rmaraþoni og Laugavegshlaupinu undan-
36
Tímarit hjúkrunarfræöinga - 4. tbl. 84. árg. 2008