Tímarit hjúkrunarfræðinga - 01.10.2008, Síða 39

Björg Árnadóttir var fyrst íslenskra kvenna í mark í Sigrún Barkardóttir eldhress eftir 37 km.
Reykjavíkurmaraþoni 2008.
farin ár með góðum árangri og hefur langa afrekaskrá sem
teygir sig aftur til 1999. í ár hljóp hún í fyrsta sinn heilt maraþon
í Reykjavík en fyrsta heila maraþon hennar var í Kaupmannahöfn
í fyrra. Hún ætlar ekki að hlaupa fleiri maraþon í ár. Hún tók
þátt í Reykjavíkurmaraþoninu í ár til þess að ná lágmarki fyrir
Bostonmaraþonið á næsta ári og til þess að styrkja Göngum
saman.
Fyrir utan götuhlaup hefur Sigrún áhuga á utanvegahlaupi eins
og Laugavegshlaupinu sem hún hefur hlaupið þrisvar. „Þetta
er skemmtileg tilbreyting þar sem farið er upp og niður, yfir
læki og umhverfið er allt annað en í götuhlaupi. Ég vil gjarnan
taka þátt í fleiri slíkum hlaupum en æfingar fyrir þau taka
talsverðan tíma,“ segir Sigrún. „Við Björg æfum þrisvar í viku
með ÍR-skokkhópnum sem er flottur hópur fólks á öllum aldri.
Við förum upp Esjuna, förum mikið í Heiðmörkina og höfum
einnig farið ýmsar leiðir á Hellisheiði og í Mosfellsdal."
Báðar hafa þær unnið mikið við heilsuvernd og eru góð dæmi
um þann árangur sem hægt er að ná í heilsurækt. Annað
dæmi eru hjúkrunarfræðingar á gjörgæsludeildum Landspítala
sem hafa hvatt starfsfólk að taka þátt í Reykjavíkurmaraþoni.
Aðal hvatamenn þar eru Sesselja H. Friðþjófsdóttir og Bríet
Birgisdóttir. Stór hópur af gjörgæslunni í Fossvogi hljóp
maraþonið í fyrra og skoraði á gjörgæsluna á Hringbraut að
gera slíkt hið sama. Það heppnaðist frábærlega, samtals hljóp
starfsfólk þessara tveggja deilda um 600 km. Nú í ár hlupu alls
36 hlaupararfrá gjörgæsludeildinni í Fossvogi og voru hlaupnir
387 km. Nokkrir hlupu heilt og hálft maraþon en flestir 10 km.
Safnað var áheitum og renna styrkir til Vonar, styrktarfélags
skjólstæðinga gjörgæsludeildarinnar í Fossvogi. Nánar verður
fjallað um Von í næsta tölublaði.
Það þurfa ekki allir að hlaupa maraþon en allir hafa gott af því
að hreyfa sig meira. Eins og kemur fram í grein um holdafar
starfshópa á bls. 10 eru hjúkrunarfræðingar að meðaltali
þyngri en til dæmis kvenlæknar eða kennarar og er það
áhyggjuefni. Það væri lítið mál að breyta þessu ef allir fylgdu
fordæmi þessara kvenskörunga.
Fræðsluefni á albönsku, arabísku,
ensku, pólsku, rússnesku,
spænsku og tælensku.
Þessi fræðslurit eru fáanleg á öllum
heilsugæslustöðvum.
Texti ritanna hefur verið þýddur á nokkur tungumál
og hægt er að nálgast textana ®
og prenta út af heimasíðu Lýðheilsustöðvar:
www.lydheilsustod.is - Útgefið efni - Foreign languages
www.lydheilsustod.is
LÝÐH E I LSUSTÖÐ
Tímarit hjúkrunarfræðinga - 4. tbl. 84. árg. 2008
37