Tímarit hjúkrunarfræðinga - 01.10.2008, Síða 55

LÝST EFTIR
HJÚKRUNARMINJUM
Bergdís Kristjánsdóttir vill koma á
framfæri við alla hjúkrunarfræðinga að
hún tekur gjarnan á móti ábendingum
um hjúkrunarminjar.
Lesendur, sem hafa séð þennan furðugrip í notkun, eru beðnir um að hafa
samband við Bergdísi. Hugsanlega er þetta þvagsöfnunarpoki fyrir karla.
Bergdís geymir munina í bílskúr hjá
sér. Það hefur lengi staðið til að finna
geymsluhúsnæði en hefur ekki tekist
enn. Hugsanlega er nú að losna húsnæði
nálægt skrifstofum FÍH á Suðurlandsbraut.
„Ég er að vonast til að geta losað úr
^ bílskúrnum nú í vetur. Við erum með
hús á pallbílnum sem við höfum ekki
getað sett inn í nokkur ár vegna þess
að safnmunirnir taka mikið pláss," segir
Bergdís.
Ef þú fengir að ráða alveg hvernig
hjúkrunarminjasafn væri uppbyggt,
hvernig myndir þú vilja hafa það? „Ég
hefði viljað að við færum í samstarf við
aðra heilbrigðisstarfsmenn, bæði lækna
og alla þá sem vildu vera með. Til
dæmis er lyfjafræðisafnið orðið mjög
skemmtilegt. Það er staðsett í Nesstofu
við hliðina á læknisfræðisafninu. Þegar
nýi spítalinn er tilbúinn myndi ég vilja að
gamia Landspítalabyggingin yrði gerð að
safni. Þá væri hægt að setja upp gamla
lyfjaverslun, sjúkrastofu og skurðstofur.
Þetta væri mikil fjársjóður fyrir nema.
Aðgengi væri svo frábært fyrir nemendur
og fyrir gesti og gangandi, nálægt
háskólanum. En nú hefur verið ákveðið
að byggja safn á Seltjarnarnesi þannig að
þetta kemur sjálfsagt ekki til greina."
Ritstjóri komst að því að Seltjarnarnesbær
hefur tekið að sér að sjá um gömiu
Nesstofu og ætlar að byggja nýja
byggingu á staðnum í samvinnu við
læknafélögin, Þjóðminjasafnið og fleiri
aðila. Þessir aðilar hafa saman stofnað
félag um Lækningaminjasafn fslands
og ráðið safnstjóra. Félag ísienskra
hjúkrunarfræðinga hefur ítrekað óskað
eftir samstarfi við þessa aðila um að
taka þátt í uppbyggingu þessarar nýju
Nesstofu. Nýlega virðist hafa komist
hreyfing á þessar viðræður en allt gengur
þetta hægt.
„Mér finnst ekki koma til greina að byggja
sér safn fyrir hjúkrunarfræðiminjar,"
segir Bergdís, „það er allt of dýrt í litlu
landi. Svo eru það um margt sömu
hlutirnir sem fleiri stéttir eru með. Danskir
hjúkrunarfræðingar hafa verið mjög
duglegir en það tók þá 9-10 ár að koma
upp safni. Við eigum að vera dugleg að
safna minjum og setja upp smásýningar
eins og væri hægt að gera á næsta ári
í tengslum við 90 ára afmæli félagsins."
En til framtíðar vill Bergdís sjá sameinað
heilþrigðisminjasafn.
FRÉTTAPUNKTUR
I vetur mun ritstjóri Tímarits hjúkrunarfræðinga bjóða
upp á leshring fyrir væntanlega höfunda. Fundir verða á
> miðvikudagskvöldum og hefjast 22. október. Á fundunum
verða ræddar greinar og bækur um ritsmíðar, rýnt
^ Frá námskeiði um að skrifa grein og koma fram í fjölmiðlum sem
haldið var í Endurmenntun Háskóla íslands 4. apríl 2008.
í misgóð dæmi og hjálpast að við að bæta handrit
þátttakenda. Góðir gestir munu halda stutt erindi um
ritsmíðar. Einnig verður farið yfir ritstjórnarferlið frá
handriti að grein í blaðinu. Allir félagsmenn eru velkomnir
- það er ekki nauðsynlegt að koma með handrit.
Best er að gera boð á undan sér í síma 540 6405 eða með
tölvupósti á christer@hjukrun.is.
Tímarit hjúkrunarfræðinga - 4. tbl. 84. árg. 2008
53