Tímarit um endurskoðun og reikningshald - 01.02.1976, Side 34

hringborðsins var niðri fyrir af speki
sinni, höfðu menn það, að gólf sjálfs
Súlnasalar Bændahallarinnar varð að láta
undan síga fvrir þeim, og seig þó öllu
mest þar sem frændur vorir Svíar sátu, lá
við borð um tima, að nefndin með öllu
saman hyrfi sjónum manna niður úr gólf-
inu, þótti þingmönnum þetta firn mikil
og stórmerki. Snarræði nefndarmanna
kom í veg fyrir slíkan sjónarsvipti, því þeir
hertu mjög á ræðum sínum og léttu af sér
slíkum fróðleik ,að gólfið hætti að síga.
Gladdist þá allur þingheimur innilega og
gerði góðan róm að máli þeirra og þekk-
ingu og undraðist jafnframt hina giftu-
samlegu björgun hringborðsliða, en þeir
voru: Ivar Vibe Amundsen, Noregi, Hall-
dór Ásgrímsson, íslandi, Eric Haglund,
Finnlandi, W. B. Hansen, Danmörku, Ed-
ward Waller, Svíþjóð, Tage Andersen,
Danmörku, Bertil Edlund, Sviþjóð og S.
E. Schaumburg-Muller, Danmörku.
Þau sjónarmið og niðurstöður, sem
fram komu á þinginu verða send norrænu
endurskoðunarnefndinni, en í henni eiga
sæti fulltrúar allra norrænu félaganna. Sú
nefnri á að vinna úr efninu og leggja
frarn tillögur, sem taka á til afgreiðslu í
hinuni einstöku félögum. Er mikið í húfi,
að sú tillögugerð heppnist vel og þannig
verði til sameiginlegur grundvöllur fyrir
störf norrænna endurskoðenda.
Þinginu lauk að kvöldi hins 22. júlí
með veglegu lokahófi, sem halda varð
bæði í efri og neðri sal Hótel Sögu vegna
fjölmennis. Fór hófið hið bezta fram und-
ir stjórn tveggja veizlustjóra, en þeir voru
Svavar Pálsson í efra og Atli Hauksson
í neðra. Hinir málglaðari menn voru
settir undir stjórn Svavars og fóru því
skálaræður einkum fram í efra. Atli kom
hins vegar á sjónvarpssambandi aðra leið-
ina og gat því hans lið skoðað allt fram-
ferði Svavars og þeirra manna, sem hann
kaus að senda í sviðsljósið. Hafði Atli
í hendi sér að slökkva á kassanum, ef
honum sýndist dagskráin ekki við hæfi
hinna yngri í hans liði. Til þess kom ekki,
þvi Svavar valdi einkum hina kurteisustu
menn til ræðuhalds og mæltu þeir
skörulega af snilld og háttvísi. Að borð-
og ræðuhaldi loknu var stiginn samnor-
rænn dans við ljúflegan hljóðfæraslátt.
Höfðu þingmenn af hófi þessu verð-
skuldaða skemmtun að loknum vel heppn-
um fjögurra daga þingstörfum.
XI. þing norrænna endurskoðenda var
mesta þarfaþing fyrir hina íslenzku þátt-
takendur. Uinræðuefni þingsins voru
mjög tímabær fyrir okkur með tilliti til
nýrra laga urn löggilta endurskoðendur
og væntanlega nvja hlutafélagalöggjöf.
Má segja að stéttin hér á landi standi nú
á krossgötum og því var mjög kærkomið
að fá tækifæri til að taka þátt í fyrstu
drögum að samnorrænu áliti um góða
endurskoðunarvenju og áritanir endur-
skoðenda.
Ennfremur voru hinar óformlegu sam-
ræður við norræna starfsbræður mjög
gagnlegar og víkka slík samskipti mjög
sjóndeildarhring þátttakenda. 1 því er e.
t.v. mesta gagn þingsins fólgið.
Þeim hringborðsnefndarmönnum Bertil
Edlund og Tage Andersen var falið að
draga saman í skýrslu helztu niðurstöður
starfshópanna.
Var Bertil Edlund falið að fjalla um
32