Tímarit um endurskoðun og reikningshald - 01.02.1976, Blaðsíða 55
vinnslu. Og hann þarf að geta rætt af
fullum skilningi um hlutverk þessara
tækja við það fólk, sem er að gera
kerfin, skrifa prógrömmin og vinna
við þessa tölvu.
2. Hann þarf að þekkja og skilja það,
sem hann sér og vinnur með, þegar
hann kemur í tölvuvinnsluumhverfið,
þ.e.a.s. hann verður að þekkja hvernig
upplýsingar eru hugsaðar og til-
greindar, hvernig og hversvegna þess-
ar upplýsingar eru meðhöndlaðar í
kerfinu og hvernig kerfið er byggt
upp og stjórnað.
3. Hann verður að þekkja veiku hlekk-
ina í tölvuvinnslu og geta gert sér ljóst
það sem varast þarf í sambandi við eft-
irlit á ákveðnu kerfi.
T.d. þarf endurskoðandinn að geta
lesið fullnægjandi alla kerfislýsingu,
stjórnunarboð sem koma frá tölvunni,
skilja merkingu „labels" á þeim skrám,
sem notaðar cru í tölvuvinnslu og önn-
ur grundvallaratriði í sambandi við
tölvuna.
4. Við endurskoðun á tölvukerfi þarf
endurskoðandinn að geta mælt með á-
kveðnum breytingum í uppbyggingu
eða framkvæmd á viðkomandi kerfi,
sem bæta úr öryggisatriðum. Hér er
ekki átt við, hvernig listar líta út eða
hvaða tölur koma út á lista, heldur
beinlínis um kerfisuppbygginguna og
forskriftargerðina. Það er því augljóst
mál, að þar þarf endurskoðandinn að
hafa þekkingu bæði á því, sem al-
mennt er átt við með endurskoðun,
endurskoðendamenntun, og jafnframt
vera menntaður á sviði tölvuvinnslu.
Hér komum við að mjög mikilvægu
atriði, sem endurskoðendur í dag verða
að horfast í augu við. Gera verður þá
kröfu til allra endurskoðenda, sem end-
urskoða vinnslu frá tölvu, að þeir hafi
þekkingu á því, sem þar fer fram.
Hver er svo sú grundvallarþekking sem
þeir þurfa á að halda?
Forskriftarþekking, sem gerir þeim
kleift að lesa og jafnvel að skrifa for-
skriftir í minnsta kosti einu tölvumáli.
Þekkingu eða fullan skilning á því, að
keyra tölvu og hvernig þau stjórnkerfi,
sem stjórna tölvunni eru byggð upp.
Þekkingu til þess að gera kerfislýs-
ingu í flæðiriti til þess að leysa al-
mennt tölvukerfisverkefni.
Þekkingu til þess að útbúa og endur-
skoða prófupplýsingar fyrir tölvuverk-
efni eða það sem á tölvumáli er kallað
„system test“.
Þekkingu til þess að skilgreina upplýs-
ingar og vandamál á þann hátt, að það
fólk, sein á að skipuleggja þetta, skilji
við hvað er átt.
Ég hef reynt með þessum orðum mín-
um að skilgreina nokkuð þær kröfur, sem
ég álít að gera verði til endurskoðenda
í dag, sein hafa með tölvuvinnslu að gera.
Ég hef aðeins tekið örlítið brot af því,
sem hægt er að segja um þessi efni, en ég
vona, að þetta geri mönnum ljóst, að það
eru rniklar kröfur, sem gera verður til
endurskoðenda í framtíðinni vegna til-
komu tölvuvinnslu hér á landi.
53