Ráðunautafundur - 15.02.1986, Blaðsíða 90

-78-
Margt er auðvitað ókannað í sambandi við haustrúning og
áhrif hans á féð, og er það verðugt rannsóknarefni. Verður
að reikna með að þetta fé verði að vera á húsi allan vet-
urinn og einnig þarf fóðrun þessa fjár að vera mjög góð
fyrst eftir rúning.
Að lokum er rétt að minnast á það að kaupendur ullarvara
eru orðnir mun kröfuharðari nú á síðustu árum, og þess
vegna skiftir miklu máli í sambandi við ullarframleiðslu að
fá ull með fínt tog, góðan gljáa og að hún sé algerlega
hví t.
Ég nefndi í byrjun að bætt ullarmeðferð yrði bæði bændum og
framleiðendum til góðs.
Það er von mín, að það sem ég hefi sagt hér að framan, hjálpi
okkur áleiðis að því marki. Það er beggja hagur.