Dagblaðið Vísir - DV - 19.05.2017, Síða 8

8 Helgarblað 19.–22. maí 2017fréttir
eldofninn.is
Eldofninn, pizzeria • Bústaðavegi • sími 533 1313 • eldofninn.is
Kaffit
ími
- ekta Íta
lskt
Eldofninn flytur in
n eðal kaffi frá Ítal
íu
Harkaleg viðbrögð Póstsins við
mistökum sumarstarfsmanna
n 17 ára piltur rekinn eftir tvo daga vegna mistaka í útburði n Óttast slæmt umtal
Þ
etta er að mínu mati
skammarleg framkoma
gegn ungum pilti sem er að
stíga sín fyrstu skref á vinnu-
markaði. Þetta var hans
fyrsta alvöru vinna og það var gríðar-
legt áfall fyrir hann að vera rekinn
með þessum hætti. Að mínu mati
er Pósturinn að láta afglöp annarra
starfsmanna og slæmt umtal bitna
á ungum starfsmönnum sem mega
greinilega ekki stíga feilspor,“ segir
Fjóla Halldórsdóttir, móðir sautján
ára pilts sem var rekin frá Póstinum
eftir tveggja daga starf.
Forsaga málsins er sú að sonur
Fjólu hafði starfað í tvo mánuði við
póstútburð samhliða skóla og hafði
gengið vel. „Hann vann þrjár vaktir í
viku eftir skóla og líkaði það mjög vel.
Pósturinn virtist líka ánægður með
hann því hann var ráðinn samstund-
is í fullt sumarstarf þegar hann falað-
ist eftir því,“ segir Fjóla. Fyrsti vinnu-
dagur sonar hennar var á fimmtudegi
en á mánudagsmorgni fékk hann þau
skilaboð að vegna mistaka í útburði á
föstudeginum þá væri þjónustu hans
ekki lengur óskað.
Tíðar fréttir af bréfberum
sem bregðast skyldum sínum
Undanfarin misseri hafa verið tíð-
ar fréttir af bréfberum Póstsins sem
sinna ekki starfi sínu sem skyldi. Á
dögunum þurfti eldri
kona að banka upp á
hjá bréfbera á Völlun-
um í Hafnarfirði til þess
að nálgast vegabréf-
ið sitt sem hefði átt að
berast til hennar rúmri
viku fyrr. Þá var greint
frá því í vikunni að bréf-
beri á Seltjarnarnesi
hefði orðið uppvís að
því að bera ekki út allar
þær sendingar sem hon-
um bar. Bréfberanum
var sagt upp störfum og
Pósturinn sendi út afsök-
unarbeiðni til íbúa.
Málin hafa greini-
lega valdið titringi innan
Póstsins og gert að verk-
um að engin þolinmæði
er fyrir mistökum nýrra
starfsmanna. Það er að
minnsta kosti upplifun
Fjólu og eiginmanns hennar eftir að
hafa leitað eftir skýringum frá fyrir-
tækinu.
Pósturinn mætti
ekki við slæmu umtali
Fjóla segist hafa fengið þau svör frá
Póstinum að áðurnefnt mál sem
tengdist afglöpum póstburðar-
manns á Völlunum í Hafnarfirði
hefði reynst fyrirtækinu erfitt. „Skila-
boðin voru þau að Pósturinn mætti
ekki við slæmu umtali vegna mis-
taka í póstburði,“ segir Fjóla. Þá hafi
komið henni á óvart að starfsmaður-
inn var með kolrangar upplýsingar
um fyrri reynslu sonar hennar af
póstburði.
Fjóla var ekki sátt við þessar
skýringar og leitaði til starfs-
mannastjóra Íslandspósts. Hann
tók undir þá skoðun hennar að
framkoman gagnvart syni henn-
ar hefði verið harkaleg. „Hann lof-
aði að skoða málið en hafði svo
samband degi síðar og sagði að
dreifingarstöðin í Hafnarfirði réði
þessu og hann myndi ekki aðhaf-
ast meira í málinu,“ segir Fjóla.
Að hennar sögn er sonur hennar
niðurbrotinn eftir reynsluna og er
nú án vinnu fyrir sumarið.
„Engum starfsmanni er
sagt upp eftir ein mistök“
„Ég get ekki tjáð mig um mál
einstakra starfsmanna. Hins vegar
ef við skoðum þessi mál almennt er
ljóst að engum starfsmanni er sagt
upp eftir ein mistök eða ótta við
slæmt umtal. Það sem hefur áhrif er
þegar gæði þjónustunnar er í hættu.
Þegar ábendingar berast frá við-
skiptavinum eru þær skoðaðar sér-
staklega og ef gæði eru í hættu er
gripið til sérstakra ráðstafana,“ segir
Brynjar Smári Rúnarsson, forstöðu-
maður markaðsdeildar Póstsins, í
skriflegu svari til DV.
Að hans sögn tekur Pósturinn
allar ábendingar alvarlega og leggur
mikla áherslu á að þeim sé fylgt eftir
enda eru þær bestu vísbendingar
þess að dreifing sé í ólagi. n
Björn Þorfinnsson
bjornth@dv.is
Pósturinn Nokkur mál hafa komið upp á undanförnum mánuðum þar sem bréfberar
Póstsins hafa brugðist skyldum sínum. Mynd ArnAldur HAlldorsson
Fjóla Halldórsdóttir