Dagblaðið Vísir - DV - 19.05.2017, Page 62

42 fólk Helgarblað 19.–22. maí 2017
J
ónína, eða Ninna eins
og hún er kölluð, kennir
nemendum unglinga­
deildar Rimaskóla í
Grafar vogi náttúrufræði.
Fyrir þremur árum ákvað
Ninna, sem er mikil hunda­
kona og átti þá tvo hunda,
að bjóða upp á valáfangann:
Hundar sem gæludýr, fyrir
nemendur í 8.–10. bekk.
Áfanginn sló í gegn og dæmi
eru um að nemendur hafi valið
hann núna þrjú ár í röð.
Þetta er ótrúlega skemmti­
legt og gaman fyrir krakkana,“
segir Ninna, en það er engin
skylda að eiga hund til að geta
valið áfangann. Nemendurnir
koma ýmist með eigin hunda
eða fjölskyldunnar eða fá lánaða
hunda. Þeir nemendur sem ekki
mæta með hund ganga bara
með ef svo ber undir. Markmiðið
með valáfanganum er að nem­
endur læri að umgangast hunda
og viti hvað beri helst að varast
varðandi hundahald.
Áfanginn bæði verklegur og
bóklegur
Það er einn tími á viku þar sem
Ninna og nemendurnir fara í
gönguferðir um hverfið með hunda
í bandi og læra bæði nemendur og
hundar þannig að umgangast stór­
an hóp af hundum. „Við förum
mismunandi ferðir í hverfinu og
höfum stundum fengið leyfi fyrir
lengri gönguferðum,“ segir Ninna.
„Hundarnir hafa líka gott af þessu,
hundar hér á höfuðborgarsvæðinu
eru ekki vanir að ganga í taumi
með öðrum hundum og þegar tveir
hundar mætast á göngu gelta þeir
oft hvor á annan. Síðan eru nem­
endur að láta hundana leysa alls
kyns þrautir og fara með þá í leiki,“
segir Ninna.
Námið er líka bóklegt og fræðir
Ninna nemendur um eiginleika
hunda, hvernig hirða eigi þá og
hvað skuli varast. „Ég er algjör
hundakona sjálf,“ segir Ninna, ég
átti tvo þegar ég byrjaði með val­
áfangann, en núna á ég bara hana
Perlu, sem er níu ára og blanda af
labrador og íslenskum.
Valið slær í gegn
Valáfanginn hefur verið mjög vin­
sæll og þess eru dæmi að nem­
endur hafi valið hann núna þrjú
ár í röð, sem er ekkert mál að sögn
Ninnu, þar sem hún er með ný
verkefni á hverju ári. Einnig koma
oft með í göngutúrana nemendur
sem eru ekki skráðir í áfangann,
en hafa einfaldlega áhuga á að
rölta með, vera í samskiptum við
hundana og hreyfa sig. „Útiveran er
svo holl og góð og mér finnst að allir
ættu að eiga hunda, það hefur svo
góð áhrif á geðheilsuna að fara út,
anda að sér hreinu lofti á landinu
okkar og hreyfa sig,“ segir Ninna.
„Samskiptin við hunda eru
ánægjuleg, það er alltaf einhver
sem kemur fagnandi á móti þér
þegar þú kemur heim.“
Valáfanginn hefur vakið
athygli út fyrir skólann og hyggst
Ninna gera meira úr honum í haust.
„Það er sambærilegur áfangi í boði
í Hagaskóla, einnig hafði kennari í
Setbergsskóla samband og skólar á
Kjalarnesi. Síðan var ég með gesta­
snap hjá Komdu að kenna og það
vakti athygli hjá Félagi ábyrgra
hundaeigenda, sem birti grein um
mig og áfangann, þannig að það
væri gaman að meira yrði gert úr
þessu í fleiri skólum.“ n
ragna@dv.is
Jónína Ómarsdóttir kennir unglingum að umgangast hunda
Tvær perlur Ninna og
Perla, hundurinn hennar,
eru góðir félagar.
Göngur eiga alltaf við
Það má ganga hvar og
hvenær sem er, í björtu eða
myrkri, ef réttur fatnaður
og búnaður er til staðar.
Besti félaginn Perla bíður spennt
eftir að komast í göngu.
Góður gönguhópur Nemendur
valáfangans ásamt hundum.
Góð og gefandi Ninna
segir að allir ættu að eiga
hund, því samskipti við þá
eru ánægjuleg og gefandi.
„Allir
ættu
Að eigA
hund“
Perla alltaf með Ninna hef-
ur æft maraþonhlaup, gengið
á fjöll og hjólað með hundinum
sínum víðs vegar um landið.