Dagblaðið Vísir - DV - 21.07.2017, Síða 72

Helgarblað 21. júlí 2017
45. tölublað 107. árgangur Leiðbeinandi verð 995 kr. dv.is/frettaskot askrift@dv.is Sími 512 7000
Er sokka-
skúffan
full?
Felur brennivínið í
sokkaskúffunni
n Alþingismaðurinn Brynjar
Níelsson deildi því með Face-
book-vinum sínum að hann
finni reglulega undarlega hluti
á heimili sínu. „Fyrir nokkrum
árum fann ég 20 kg af púður-
sykri í skúffu. Elstu pokarn-
ir sennilega frá fyrstu hjúskap-
arárunum, grjótharðir eins og
steypuklumpar. Næst fann ég
um 300 sprittkerti í sumarhús-
inu. Það getur auðvitað orðið
rafmagnslaust hvenær sem er.
Nú síðast fann ég slíkt magn af
prjónagarni sem myndu duga
færustu hannyrðameisturum
alla starfsævina. Auðvitað þarf
að vera í startholunum ef það
kæmi nú ömmubarn,“ sagði
Brynjar.
Færslan féll í góðan jarðveg
og var óskað eftir upplýsingum
um hvað væri að finna í sokka-
skúffu þingmannsins. Ekki stóð
á svarinu hjá Brynj-
ari: „Fyrir utan
staka sokka
og flesta
með gati er
einn gamall
brennivíns-
fleygur sem ég
hef falið þarna
svo synirnir
stælu ekki öllu
áfengi heim-
ilisins.“
Einkabíllinn mun
hverfa
n Útvarpsmaðurinn Hjörvar
Hafliðason er forfallinn bíla-
áhugamaður. Á Twitter-síðu
sinni ítrekaði hann þá spá sína
að dauði dísilbílsins væri yfir-
vofandi og að rafmagnið myndi
taka við. Vakti færslan talsverð
viðbrögð. Alþingismaðurinn
Páll Magnússon blandaði sér í
umræðurnar og sagði, vænt-
anlega í hálfkæringi, að raf-
magn á bíla væri misskilningur.
„Dísillinn víkur ekki fyrr en bílar
verða kjarnorkuknúnir,“ sagði
Páll. Sjónvarpsmaðurinn Gísli
Marteinn Baldursson réðst hins
vegar gegn uppfinningunni sem
slíkri. „Þið eruð að ofmeta þátt
einkabílsins í fram-
tíðinni. Hann átti
góða eina öld
en er klunnaleg-
ur og óhentugur
í borgarumhverfi
og mun hverfa,“
sagði Gísli
Marteinn.
Regnský
Litur #349
30%
AFSLÁTTUR AF
GJØCO MÁLNINGU
TIL 31. JÚLÍ
Hundur hækkar í tign
Á
dögunum bættist nýr með-
limur við í öflugan starfs-
hóp hjúkrunarheimilisins
Sóltúns í Reykjavík. Það
væri ekki í frásögur færandi nema
fyrir þá staðreynd að umrædd-
ur starfsmaður heitir Monsa, er
titlaður sem gleðigjafi og er af
hundakyni. Segja má að Monsa
hafi fylgt með í kaupunum þegar
eigandi hennar, Stefanía Svavars-
dóttir, hóf störf hjá Sóltúni fyr-
ir nokkru. „Ég var í vandræðum
með pössun fyrir Monsu þegar ég
byrjaði að vinna í Sóltúni og bað
um leyfi að fá að taka hana með
í vinnuna. Það reyndist auðsótt,“
segir Stefanía í samtali við DV.
Óhætt er að fullyrða að Monsa
hafi frá fyrsta degi brætt hjörtu
allra þeirra sem tengjast Sóltúni,
starfsfólki og íbúa. Í starfi sínu
annast Stefanía aðallega fólk sem
glímir við Alzheimer-sjúkdóm-
inn og Monsa hefur sérstaklega
góð áhrif á slíka einstaklinga. „Ég
hefði aldrei getað ímyndað mér
hvað svona lítið dýr getur gert
mikið fyrir fólk. Sumir sem hér
dvelja eru einangraðir og hafa
lítið við að vera. Um leið og ég set
Monsu í kjöltu slíkra einstaklinga
þá lifnar yfir þeim,“ segir Stefan-
ía.
Að hennar mati ættu fleiri
hjúkrunarheimili að rýmka regl-
ur sínar varðandi dýr innan dyra.
„Ávinningurinn er ólýsanlegur.
Sóltún er fyrst og fremst heim-
ili en ekki sjúkrastofnun. Monsa
hjálpar til við að auka þá upplif-
un,“ segir Stefanía. n
Gleðigjafi Hundurinn
Monsa er formlega orðin
starfsmaður Sóltúns.