Dagblaðið Vísir - DV - 28.07.2017, Qupperneq 29
alltaf verið að kenna sömu
lög í söngskólanum. Ég
fann ég þurfti breytingu,
lærði á gítar 2010 af því
mig vantaði hljóðfæri fyrir
sjálfa mig og stuttu seinna
spilaði ég mína fyrstu
tónleika og svo rúllar
þetta áfram og í dag er ég
komin á stað sem ég gat
ekki ímyndað mér að vera
komin á.“
Aðspurð hvort að
feimna sveitastelpan fari í annan
karakter þegar hún kemur fram,
segir Soffía Björg svo ekki vera.
„Ef ég ætla að setja upp einhvern
karakter þá þarf ég að nota hann í
gegnum allan ferilinn og ég hugsa
að það yrði bara erfitt. Í dag er ég
farin að vera kærulausari og er
bara ég sjálf þegar ég kem fram.“
Hvað er fram undan?
Soffía Björg og hljómsveitin
hennar, sem Pétur Ben, Kristófer
Rodrigues og Ingibjörg Elsa Turchi
skipa, fóru til Los Angeles að spila
árið 2016 og í janúar á þessu ári
spiluðu þau í Hollandi. Næst á
dagskrá er Icelandic Airwaves í
nóvember næstkomandi. Og segir
Soffía Björg að hún muni vænt-
anlega spila á tónleikum í ágúst
líka. „Næsta ár er einnig mjög
spennandi og mikið um tónleika
og spilamennsku þá. Mig langar
að færa tónlistina mína meira, fara
með hana til fleiri landa og flytja
hana fyrir fleira fólk. Fá reynsluna
að ferðast og túra, það gefur manni
svo mikið og er svo hollt.
Það er bara dásamlegt að vera
til, sérstaklega þegar maður ákveð-
ur það. Ég hef fundið að um leið
og ég verð neikvæð í garð tónlistar-
innar þá gerist ekkert. En þegar ég
er jákvæð og sleppi takinu, gerist
það sem á að gerast,“ segir Soffía
Björg.
Það á því sama við hjá Soffíu
Björg sem og öðrum að jákvæð
orka skilar manni langt og þangað
sem manni er ætlað að fara, hvort
sem maður er sveitastelpa að semja
tónlist í sveitasælunni í Borgar-
firðinum eða einhver annar.
„NáttúraN og fyrirmyNdir
míNar gefa mér iNNblástur“
Á tröppunum
heima Soffía
Björg og hundurinn
hennar, Rosi.
hitaði upp fyrir
Ásgeir trausta
Soffía Björg hitaði upp
á tónleikum sem Ásgeir
Trausti hélt í byrjun júlí á
Hvammstanga.
nÁttúran er innblÁstur
Soffía Björg horfir á náttúrufegurðina
við Einarsnes alla daga og segir hana
veita sér mikinn innblástur í tónlistinni.
hluti stórrar fjölskyldu Fjölskyldan er stór, en Soffía Björg á sjö systkini. Hún,
Þórarinn Halldór bróðir hennar, og foreldrarnir, Björg Karitas Bergmann Jónsdóttir og
Óðinn Sigfússon voru heima þegar ljósmyndara bar að garði.