Læknablaðið - 01.02.2017, Blaðsíða 32

88 LÆKNAblaðið 2017/103
L Æ K N A D A G A R
Endurmenntun, bráðalækningar, Kalda-
lóns, ofvirkni og athyglisbrestur, krabba-
mein í kvenlíffærum, beinvernd, efna-
skipti, hjartsláttartruflanir, fyrsta fæða
ungbarna, falskar játningar, alspeglanir,
fóstur- og nýburablóðrof, sjúkratryggingar
og utanlandsferðir sjúklinga, sjúkratilfelli,
kannabis, lyflækningar og lifrarbólga C.
Það væri synd að segja að Læknadagar í
Hörpu hefðu verið fábreyttir því þessi upp-
talning spannar umfjöllunarefni þeirra í
einungis þrjá daga af fimm.
Margt er ótalið af því sem bar á góma
þessa janúardaga við Reykjavíkurhöfn,
streita, kynlíf, líknardráp og sjaldgæfir
sjúkdómar, svo ekki sé minnst á kjaramál
lækna, raka og myglu á Landspítalanum og
í öðrum húsum, eyrnabólgur og ofnæmi,
æðakölkun og blóðleysi, siðfræði, bæklun
og öldrun . . .
Lífið sjálft og lánið valt
Þessa fimm daga gengu læknar á milli
sala og hlýddu á fyrirlestra, eflaust misvel
flutta en alla fræðandi og upplýsandi. Lífið
sjálft frá fósturskeiði til andláts. Og eins
og öðru sem að henni er rétt tók Harpa
þessu með stóískri ró og hélt af nærgætni
utan um íslenska læknastétt. Á milli fyrir-
lestra gæddu menn sér á kaffi, súkkulaði
og annarri hollustu, ræddu málin og báru
saman bækur sínar þvert á sérgreinar og
stofnanir.
Það var ekki auðvelt fyrir blaðamann
með enga læknisfræðimenntun að velja sér
málþing til þess að fylgjast með og gefa
lesendum blaðsins skýrslu um. Heiti þeirra
voru sum hver langt ofan við skilning hans
en önnur praktísk og hvunndagsleg. Og
svo voru nokkur með dularfullum blæ og
spennandi.
Þannig var með málþingið sem hér
verður tíundað: Skuggahliðar heilsuæðis-
ins. Fyrir blaðamann sem var að stelast
úr prógrammi á Reykjalundi var þetta
beinlínis ómótstæðilegt. Þetta réttlæti
strokið enda var þetta eins og partur af
prógrammet sem hann var hálfnaður með.
Af æðakölkun, ofáti og íþróttafólki
■ ■ ■ Þröstur Haraldsson
Læknadagar
2017 fóru vel
fram í Hörpu og
enduðu með
dansleik eins
og vaninn er og
vera ber
Heimilislæknarnir
Bryndís Bene-
diktsdóttir og
Friðný Jóhann-
esdóttir, - þær eru
sennilega geymdar
í formalíni árið
um kring, þær
eldast allavega
ekkert.
Ólafur Baldurson framkvæmdastjóri lækninga á Landspítala og Óttar Guð-
mundsson geðlæknir glaðbeittir alla daga.
Reynir Arngrímsson erfðalæknir, Þorbjörn Jónsson formaður LÍ og Ársæll Jónsson öldrunarlæknir
réðu ráðum sínum. Myndir Védís Skarphéðinsdóttir.