Dagblaðið Vísir - DV - 16.02.2018, Síða 12

12 16. febrúar 2018fréttir
Í
vikunni var greint frá því að
Lars Lagerbäck, fyrrverandi
landsliðsþjálfari íslenska karla­
landsliðsins í knattspyrnu,
hefði verið sæmdur riddarakrossi
hinnar íslensku fálkaorðu í opin­
berri heimsókn Guðna Th. Jó­
hannessonar, forseta Íslands, til
Svíþjóðar. Mörgum þykir Lars
Lagerbäck vel að orðunni kominn
enda náði hann frábærum árangri
með liðið og kom því í fyrsta sinn
á stórmót í knattspyrnu.
Stig fálkaorðunnar eru fimm
talsins. Keðja ásamt stórkross­
stjörnu er virðulegasta stig fálka­
orðunnar og er venjan sú að veita
hana einungis þjóðhöfðingjum. Þar
á eftir kemur stórkrossinn en hann
hafa fáir Íslendingar hlotið sem ekki
hafa gegnt embætti á vegum ríkis­
ins eða hafa haft beina tengingu við
slíkt. Næst er það stórriddarakross
með stjörnu og svo án hennar. Að
lokum er það riddarakrossinn sem
er fyrsta stigið og er það heiðurs­
merki sem oftast er veitt.
Það getur verið áhugavert að
skoða orðuveitingar í gegnum tíð­
ina og fyrir leikmenn virkar oft
furðulegt hvernig því er háttað
hvaða stig orðunnar er veitt hverj­
um. Það á sérstaklega við þegar
um er að
ræða orðu­
veitingar
til fulltrúa
erlendra
ríkja.
Margir er­
lendir embætt­
ismenn hafa
hlotið hærri stig
orðunnar þrátt
fyrir að tengjast
Íslandi á engan
annan hátt
en að
hafa kannski komið hing­
að í opinbera heimsókn
ásamt þjóðhöfðingja. Þótt
það sé ljóst að stórt hlutverk
orðunnar sé einmitt að skipt­
ast á þeim við slík tilefni var það
nokkuð sérstakt að sjá að
í opinberri heim­
sókn Guðna í Sví­
þjóð veitti hann
48 orður á með­
an Karl Gústav Svía­
konungur veitti aðeins 16
Norðurstjörnuorður, sem
eru sambærilegar hinni
íslensku fálkaorðu.
Það er varla hægt að
deila um það að nán­
ast annað hvert manns­ barn
hérlendis þekkir til Lagerbäcks en
öllu færri kannast við Margretu
Nissar Dalman hirðsafnstjóra
sem hlaut stórriddarakross með
stjörnu við sama tækifæri.
Franskur verðbréfamiðlari
sæmdur riddarakrossi
Hægt er að telja upp fleiri ein­
kennilegar orðuveitingar. Til
dæmis hlaut Tommy M. Poul­
sen, einkaritari Benediktu, systur
Margrétar Danadrottningar, stór­
riddarakrossinn sama ár og
hið ástsæla skáld Sigurður
Pálsson hlaut einungis
riddarakross. Þrír
aðstoðar­
skrifstofu­
stjór­
ar hjá
norsku
hirðinni
hlutu líka
stórriddarakross
árið 2017 á með­
an Tryggvi Ólafsson,
einn þekktasti núlifandi
myndlistarmaður
okkar
Íslendinga, varð að sætta sig
við riddarakrossinn, sem og
Víkingur Heiðar Ólafsson
píanóleikari sem er flestum ís­
lenskum tónlistarunnendum
kunnur.
Baltasar Kormákur fékk
riddarakrossinn árið 2007 fyrir
framlag sitt til leiklistar og kvik­
myndagerðar. Sama ár fékk franski
verðbréfamiðlarinn
Marc­Adrien Marcelli­
er líka riddarakross
og færeyski lög­
maðurinn
Jóhannes Eidesgaard hlaut stór­
riddarakross með stjörnu fyrir að
styrkja samvinnu Íslands og Fær­
eyja.
Ári síðar fékk myndlistarmað­
urinn Ólafur Elíasson riddara­
krossinn fyrir framlag sitt til ís­
lenskrar sem og alþjóðlegrar
myndlistar en nafni hans hand­
knattleikskappinn Ólafur
Stefánsson fékk stór­
riddarakrossinn fyrir frammistöðu
sína sem fyrirliði landsliðsins á
Ólympíuleikunum það árið, þar
sem liðið hreppti silfrið.
Það er óneitanlega skemmti­
legt að bera þetta saman þótt það
sé gert meira í gamni en alvöru
enda ljóst að orðuveitingarnar eru
að mestu notaðar til að styrkja vin­
skap okkar og annarra ríkja frekar
en að verðlauna Íslendinga sjálfa
fyrir þeirra ýmsu framlög. Í því
samhengi má nefna að Björk Guð­
mundsdóttur, sem líklega mætti
teljast einn allra þekktasti Ís­
lendingurinn, fékk lægsta stig
orðunnar, riddarakrossinn,
fyrir tónlistarstörf árið 1997.
Það er merkilegt miðað við
þá gífurlegu landkynningu
sem fylgt hefur farsæl­
um ferli hennar úti í
heimi að ekki hafi þótt
ástæða síðan þá að
veita henni hærra stig
orðunnar. Sama ár og
Björk hlaut orðuna fékk
norski skrifstofustjór­
inn Eva Brugge líka fálka­
orðuna en þá þótti riddara­
krossinn ekki duga og fékk
hún því stórriddarakross
með stjörnu. n
Hirðsafnstjóri hlaut
virðulegri orðu en Lars
n Erlendir embættismenn fá virðulegri vegtyllur en íslenskt afreksfólk
Steingerður Sonja Þórisdóttir
ritstjorn@dv.is
Fékk orðu Baltasar fékk
riddarakrossinn árið 2007.
Lars Lagerbäck fékk
riddarakrossinn En
sænski hirðsafnstjórinn
fékk stórriddarakrossinn.
Björk fékk riddarakrossinn 1997 Sama ár fékk skrif-
stofustjóri hjá norsku hirðinni stórriddarakross með stjörnu.
Hjálpa þér að halda öllu í skorðum í skúffum. Einnig
sjálflímandi filt til að klæða skúffur og filt með verjandi
efni svo ekki falli á silfur og silfurplett. Við eigum líka
fægilög, fægiklúta og ídýfulög til að hreinsa.
Sjálflímandi hnífaparaskorður
Frakkastíg 10 | Sími 551 3160 | gullkistan@vortex.is | www.thjodbuningasilfur.is
Sendum í póSt-
kröfu