Dagblaðið Vísir - DV - 16.02.2018, Síða 48

48 16. febrúar 2018
Þú hefur kannski tekið eftir því að Facebook er búið að breyta taktinum á síðustu vikum?
Við fáum aðallega tilkynningar um að
einhver hafi svarað kommenti eða smellt
læki á það. Fréttalinkum hefur verið skipt
út fyrir myndir af börnum og gæludýrum
og svo tökum við eftir mikilli virkni í öllum
þessum grúppum.
Sumum finnst breytingin ágæt, enda hefur
hún orðið til þess að margir nota tímaþjófinn
minna. Aðrir kunna illa við þetta, enda hafa
margir vanist Facebook sem allsherjar frétta­
gátt þar sem bæði er hægt að fylgjast með og
ræða þjóðmálin, og halda sambandi við vini
og kunningja.
Líklegast hefur forystulið Facebook
fengið sjokk þegar það sá hversu einhliða
(pólaríseruð) hægri/vinstri stjórnmála­
umræðan þróaðist í gegnum fréttadeilingar
á miðlinum og hvernig notendur létu
gabbast af platfréttum hvers konar.
Þau hafa ákveðið að einblína meira á
einkalífið í stað þess
að kynda undir
einsleitni í pólitískri
umræðu sem leiddi
m.a. af sér appel­
sínugulan forseta og
annað rugl.
Undanfarin tíu
ár, eða frá og með
tilkomu læktakkans,
hefur Facebook
hefur á vissan hátt
þjónað sama tilgangi
gagnvart fjölmiðlum
á netinu og Spotify
gagnvart tónlistar­
fólki og Netflix
kvikmyndaframleið­
endum.
Facebook flokkaði síður (pages) eftir
tegundum, og efni, sem var póstað í gegn­
um Facebook­síður fjölmiðla fékk góða
dreifingu, – allt til síðustu áramóta.
Þegar maður
pælir í því þá
var þetta frekar
steikt. Fréttir eru
ekki sams konar
afþreyingarefni
og tónlist eða
kvikmyndir og því
ætti ekki að vera
einhver samfélags­
miðill funkerandi
sem miðlunargátt
fyrir fréttaefni.
Góður fjölmiðill
flytur heiðarlegar
frásagnir af því
sem er að gerast
í þjóðfélaginu og
heiminum og leitast við að vera eins sannur
og hægt er. Það virkar því frekar undarlega
þegar þessar frásagnir eru „sponsaðar“ inn
á samfélagsmiðil eða auglýstar eins og eitt­
hvert tannkrem eða önnur markaðsvara.
Vinsældir fjölmiðils ættu að ráðast af gæð­
um hans og smellirnir ættu að vera tilkomnir
af sömu ástæðu. Auglýsendur ættu að velja
að kaupa auglýsingar í fjölmiðli sem er góður
og þar af leiðandi vinsæll, ekki af því einhver
hópur Indverja, eða annarra gervinotenda,
smellir á fullu gegn þóknun.
Við þurfum að fara aftur í tímann þegar
kemur að vefmiðlum. Merkja uppáhaldsfjöl­
miðlana sem upphafssíður í vafranum í stað
þess að láta duttlungafulla og tilraunaglaða
Zuckerbergera heimsins stjórna því hvort
fjölmiðlarnir standa eða falla.
Hver stjórnar því hvaða fréttir þú lest og hvað eru góðir fjölmiðlar?
Margrét H.
gústavsdóttir
margret@dv.is
Franz Gunnarsson, gítarleikari og söngvari, er í hópi valin­kunnra tónlistarmanna sem
standa að sérstakri Soundgarden
rokkmessu á Gauknum, laugardaginn
17. febrúar. Messan verður haldin til
heiðurs söngvaranum og Íslandsvin­
inum Chris Cornell sem lést aðeins
52 ára að aldri í maí í fyrra.
Dagskráin samanstendur af
helstu lögum rokksveitarinnar
Soundgarden þar sem Chris Corn­
ell var forsprakki og helsti laga­ og
textahöfundur. Einnig mun dúett­
inn Bellstop koma fram og leika
lög frá sólóferli og hliðarverkefnum
Chris Cornell.
„Hann var búinn glíma við
þunglyndi og kvíða í mörg ár.
Notaði bæði lyfseðilsskyld lyf og
verkjalyf sem fóru misvel í hann og í
raun er dánarorsökin rakin til þeirra
því það var í sjálfu sér allt með besta
móti í lífi hans þegar hann stytti sér
fyrirvaralaust aldur eftir tónleika.
Hann var vel kvæntur og átti fallega
fjölskyldu,“ segir Franz.
„Konan hans er búin að
„blammera“ lyfjarisana mikið eftir
þetta, enda ekki í fyrsta skipti sem
fólk á besta aldri fellur frá vegna
lyfjanotkunar. Hún heyrði í Chris
í síma rétt áður en þetta gerðist,
fattaði að það var ekki allt með
felldu og bað félaga hans að fara að
gá að honum. Þegar sá braut niður
hurðina á búningsherberginu var
það of seint. Chris var búinn að
hengja sig,“ útskýrir Franz og bætir
við að flestir forsöngvarar grugg­
sveitanna svokölluðu sem komu
fram upp úr 1990 hafi svipt sig lífi
eða látist af völdum ofneyslu fíkni­
efna og áfengis: „Sá eini sem er enn
á lífi er Eddie Wedder úr Pearl Jam.“
Sjálfur hefur Franz verið
aðdáandi Soundgarden um árabil
en hann vill meina að sveitin hafi
ýtt úr vör þessari tónlistarstefnu
sem tröllreið öllu í upphafi tíunda
áratugarins:
„Flestir halda að
Nirvana sé fyrsta
grugg­sveitin en
Soundgarden var sú
fyrsta sem komst á útgáfusamning
og kom þannig Seattle, sem tón­
listarborg, á kortið,“ segir hann og
bætir við að það sem gerði sveitina,
og síðar þessa tónlistarstefnu, að
því sem síðar varð raunin hafi
meðal annars skrifast á textana.
„Á textunum má heyra að
höfundarnir voru flestir að berjast
við þunglyndi og kvíða enda fjöll­
uðu þeir oftast um þessar dekkri
hliðar mannlífsins, og ungt fólk,
utanveltu í samfélaginu, tengdi
auðveldlega við þetta.“
X kynslóðin verður í essinu sínu
Franz segist reikna með því að með­
alaldur tónleikagesta á laugardaginn
verði í kringum fertugt og upp úr
enda sé það X kynslóðin sem einna
helst unni þessari tónlistarstefnu. Þá
eigi gruggið sér einnig eldri aðdá­
endur enda sé kjarni tónlistarinnar
sóttur til sveita á borð við The Who
og Led Zeppelin.
„X kynslóðin afmarkast af
fólki sem er fætt á bilinu 1970 til
svona 1985 en rokkunnendur eru
auðvitað á öllum aldri,“ segir hann
að lokum.
Meðalaldurinn
verður í kringum fertugt
HVENÆR: Laugardaginn, 17. febrúar 2018.KLUKKAN: Opnar 21.00. Tónleikar hefjast 23.00KOSTAR: 2.500 kr. í forsölu. 3.000 kr. við inngang.ALDUR: 20 ára nema í fylgd með forráðamanni.FORSALA: tix.is
HEiðURSSVEiTiN:
Söngur / Gítar: Einar Vilberg
Gítar / Söngur: Franz GunnarssonBassi / Söngur: Jón Svanur SveinssonTrommur: Skúli Gíslason
BELLSTOp:
Elín Jónsdóttir – Söngur
Rúnar Sigurbjörnsson – Gítar / Söngurhttps://www.facebook.com/bellstop.is/
CHRiS CORNELL Chris heitinn kom
tvisvar sinnum til Íslands með tón-
leika. Í fyrra skiptið með hljómsveit
en í seinna skiptið sat hann einn á
sviði Eldborgar með kassagítarinn.
Soundgarden rokkmessa á Gauknum
ViðBURðUR
„Hann var búinn glíma við
þunglyndi og kvíða í mörg
ár. Notaði bæði lyfseðilsskyld lyf
og verkjalyf sem fóru misvel í hann
„Undanfarin tíu ár,
eða frá og með
tilkomu læktakkans, hefur
Facebook á vissan hátt
þjónað sama tilgangi
gagnvart vefmiðlum og
spotify gagnvart tónlistar­
fólki og Netflix kvik­
myndaframleiðendum.