Dagblaðið Vísir - DV - 27.04.2018, Qupperneq 54

54 lífsstíll - ferðalög 27. apríl 2018
10 ómissandi
upplifanir í
Zurich
Á
dögunum brá undirritaður
sér í helgarferð til Zurich,
fjölmennustu borgar Sviss.
Með skipanir frá ritstjóra
þess efnis að það væri skylda að
skrifa grein í blaðið um ferða-
lagið þá reyndi ég að hafa augun
opin fyrir skemmtilegri upplif-
un sem óhætt væri að mæla með.
Það verður að viðurkennast að að-
altilhlökkunarefni mitt og spúsu
minnar var að sofa út, fjarri fjör-
miklum börnum í nokkra daga. Að
öðru leyti voru væntingar okkar til
Zurichborgar hóflegar enda höfð-
um við helst heyrt að hún væri
vissulega falleg en að sama skapi
róleg, snyrtileg og rándýr. Niður-
staðan varð þó sú að borgin kom
skemmtilega á óvart og ég get al-
veg hugsað mér að heimsækja
hana aftur við tækifæri. Hér fylgja
því tíu skemmtilegustu upplifan-
irnar í Zurich.
1 Að ráfa um gamla bæinn (Altstadt)Gamli bærinn í Zurich
er afar snyrtilegur og fallegur.
Þröngar sjarmerandi götur innan
um glæsileg gömul hús þar sem
skemmtilegar búðir og veitinga-
staðir eru á hverju horni. Eins og
oft vill verða þá eru ýmsar „ferða-
mannagildrur“ (lélegir veitinga-
staðir og svissneskar „lunda-
búðir“) nokkuð víða en það
skemmir ekki heildarupplifunina.
Það er lykilatriði að ganga upp að
Lindenhof-garði til þess að njóta
fallegs útsýnis yfir miðbæinn.
2 Pylsa á ZeughauskellerVeitingastaðurinn
Zeughauskeller er tæplega aldar-
gamall en húsnæðið á sér þó mun
lengri sögu. Húsið sjálft var reist á
15. öld og gegndi hlutverki vopna-
geymslu í nokkrar aldir. Segir
sagan að þar hafi frægur
lásbogi Vil-
hjálms Tell
meðal
annars verið geymdur um hríð. Í
dag er um að ræða risastóran og
vinsælan veitingastað sem sér-
hæfir sig í matarmiklum pylsum
og kartöflusalati. Þá er algjört
lykil atriði að einn við borðið panti
sér glas af eldbjórnum Eidgenoss,
það er sjón að sjá.
3 Að kíkja á ChagallÞað er nauðsynlegt að vera menningarlegur
í helgarferðum og kjörinn vett-
vangur til þess er hin fallega Frau-
münsterkirkja, sem var byggð árið
1250. Þetta er í alla staði glæsi-
legt mannvirki en á síðari tím-
um er það einna helst þekkt fyrir
fallega listsköpun Marc Chagall.
Listamaðurinn var fenginn til þess
að hanna fimm steinda glugga,
sem hver um sig er níu fermetrar
að stærð, árið 1967. Óhætt er að
segja að Chagall hafi tekist vel til
því gluggarnir eru heimsfrægir
og laða að mikinn fjölda ferða-
manna.
4 Ekki gleyma að vökva sigÚti um alla Zurich eru
fallegir vatnshanar sem prýða
borgina. Alls eru um 1.200 slíkir
vatnshanar á víð og dreif um
borgina og oftar en ekki er um
glæsileg listaverk að ræða. Það er
um að gera að ganga um Zurich
með vatnsflösku í hönd og fylla
á hana í hönunum þegar
þörf er á. Vatnið í
þeim er ískalt og
ferskt og ekki verra
en það sem er í
boði í Gvendar-
brunnunum.
5 Im ViaduktUm er að
ræða verslunar-
kjarna í svokölluðu
fimmta hverfi borg-
arinnar, Kreis 5.
Hverfið var í byrjun
aldarinnar óhrjá-
legt iðnaðarhverfi
en hefur á skömm-
um tíma umbreyst
í svalasta hverfi
borgarinnar. Það
sem er mest ein-
kennandi við Im
Viadukt eru flottar
litlar búðir og
veitingastaðir sem
eru byggðir á milli
stólpa lestarbrúar
frá 19. öld. Verkefnið hefur hlotið
alþjóðlegar viðurkenningar og þar
er í líf og fjör. Ef hægt er að kom-
ast hjá því er þó best að heimsækja
svæðið ekki á sunnudögum því þá
eru flestar verslanirnar lokaðar.
6 Regn-hlífar Gerolds
Örstutt frá Im
Via dukt er lítil hliðar-
gata sem hýsir veitinga-
staðinn Gerold Chuchi. Þar er
víst ágætis matur en það sem er
mest töff við staðinn er listaverk
fyrir utan hann sem samanstend-
ur af 50 regnhlífum í öllum regn-
bogans litum. Heltraustur vett-
vangur fyrir Instagram-mynd.
7 Slakað á hjá frú GeroldÖrskammt frá regn-
hlífaverkinu er einn skemmti-
legasti staður Zurich, Frau
Gerolds Garten. Á lóðinni
hefur verið komið fyrir fjöl-
mörgum gámum, tréhús-
gögnum og ýmiss
kon-
ar gróðri auk þess sem margs kon-
ar veggjalistaverk gefa umhverfinu
lit. Í gámunum má finna bar og
þar geta gestir keypt veitingar sem
þeir síðan njóta á trébekkjunum
á svæðinu. Þetta er afar heillandi
svæði og eiginlega nauðsynlegur
áfangastaður í Zurich.
8 Á níundu dýrustu verslunargötu heims
Bahnhofstrasse er „ Laugavegur“
Zurich og hefur oft verið titluð
dýrasta verslunargata heims. Það
var staðfest í könnun frá árinu
2011 en nokkrum árum síðar, nán-
ar tiltekið árið 2016, hafði gatan
sigið niður í níunda strætið. Hvað
sem öðru líður þá er um skemmti-
lega og líflega götu að ræða þar
sem hægt er að spóka sig í kringum
félagana Luis Vuitton og Giorgio
Armani. Eins og áður hefur kom-
ið fram er ekki eins skemmtilegt
að þramma þessa ágætu verslun-
argötu á sunnudögum því þá eru
allar búðir lokaðar.
9 Á topp ÜetlibergÞegar verslanir eru lok-aðar á sunnudögum í
Zurich þá er óvitlaust að ganga
eða hjóla á topp Üetlibergs, sem
er í um 900 metra hæð, þar sem
hægt er að njóta frábærs útsýnis
yfir borgina. Vissulega er líka hægt
að taka lestina en það er bara fyrir
væskla.
10 FondúMaður þarf ekki að ganga
lengi um Zurich til þess að reka
augun í veitingastaði sem bjóða
upp á ostafondú, sem er einn
þekktasti svissneski rétturinn.
Svisslendingar borða fondú fyrst
og fremst yfir vetrartímann og
því vorum við kannski ekki al-
veg á rétta árstímanum til þess
að bragða á dýrðinni. Það kom þó
aldrei annað til greina en að prófa
og fyrir valinu varð Fri bourger
Fonduestübli en svissneskur
kunningi hafði lýst því yfir að þar
væri besta fondúið í boði.
Þar var ekki verið að flækja
hlutina. Potti skellt á borðið með
ljúffengri ostablöndu, tveir gaffl-
ar og síðan karfa með brauði og
kartöflum. „Svona er klassískt
fondú borið fram,“ sönglaði hress
þjónustustúlkan en benti á að
hægt væri að panta ananas og súr-
ar gúrkur líka, ef maður væri flipp-
aður. n
Björn Þorfinnsson
bjornth@dv.is
Chagall
Zurich er borg sem kemur á óvart