Morgunblaðið - 31.05.2018, Blaðsíða 6

6 FRÉTTIRInnlent
MORGUNBLAÐIÐ FIMMTUDAGUR 31. MAÍ 2018
Bókaðu núna á baendaferdir.is
Sími 570 2790 | bokun@baendaferdir.is | Síðumúla 2, 108 RVK
Verð: 199.900 kr. á mann í tvíbýli.
Mjög mikið innifalið!
sp
ör
eh
f.
Fararstjóri: Ólafur Örn Haraldsson
Bærinn Seefeld er yndislegur alpabær sem hvílir í fögrum
fjallasal milli Wetterstein, Mieminger og Karwendelfjallanna
í Austurríki. Farnar verða skipulagðar hjólaferðir í frísku
fjallalofti með fararstjóra og innlendum staðarleiðsögumanni
sem í sameiningu munu velja hentugar leiðir hvern dag og
fræða okkur um staðhætti á leiðinni.
2.- 9. september
Hjólað umperlur Tíról
Bjarni Siguróli Jakobsson matreiðslumeistari tók loka-
æfingu í gær fyrir Evrópukeppni Bocuse d’Or sem fer
fram í Torino á Ítalíu dagana 11. og 12. júní nk., en 24
Evrópuþjóðir fá að taka þátt. Bocuse d’Or er virtasta
matreiðslukeppni heims og verður lokakeppnin haldin
í Lyon í Frakklandi á næsta ári, en tíu þjóðir komast í
úrslit þar. Bjarni Siguróli var valinn til að keppa fyrir
Íslands hönd í Evrópukeppninni í ár, en hann er sjálf-
stætt starfandi matreiðslumeistari.
„Bocuse d’Or er hin eina sanna heimsmeistarakeppni
matreiðslumeistara. Þetta er full vinna fyrir mig í heilt
ár. Ég er með aðstoðarmatreiðslumann og tvo aðra að-
stoðarmenn til að undirbúa keppnina, allt miklir fag-
menn. Hráefnið sem við vinnum með núna er ostur, egg
og grænmeti í fyrri réttinum og seinni rétturinn er
kálfakjöt, kálfabris og hrísgrjón, en hann verður reidd-
ur fram á sérsmíðuðum platta. Plattinn er svo algjör
dýrgripur, hannaður og smíðaður af tíu manns.“
Morgunblaðið/Kristinn Magnússon
Lokaæfing fyrir Bocuse d’Or
Bjarni Siguróli keppir fyrir Íslands hönd í virtustu matreiðslukeppni heims
Ingveldur Geirsdóttir
ingveldur@mbl.is
Landssamtökin Þroskahjálp hafa
ítrekað vakið athygli félags- og jafn-
réttismálaráðuneytis, velferðar-
nefndar Alþingis og Tryggingastofn-
unar á miklu óréttlæti í lögum um
almannatryggingar um skilyrði
varðandi búsetu á Íslandi tiltekinn
árafjölda til að njóta réttinda. Þau
segja það augljóslega vega alvarlega
að framfærslumöguleikum hlutað-
eigandi einstaklinga og þar með
sjálfstæðis og sjálfsákvörðunarrétti
þeirra og möguleikum til eðlilegs lífs
sem þeir eiga rétt á njóta við 18 ára
aldur eins og annað fullorðið fólk
samkvæmt lögum og alþjóðlegum
mannréttindasamningum sem ís-
lenska ríkið hefur skuldbundið sig til
að framfylgja.
Árni Múli Jónasson, fram-
kvæmdastjóri Þroskahjálpar, bendir
á að í lögræðislögum og barnalögum
segi að foreldrar barns, yngri en 18
ára, ráði persónulegum högum þess
og búsetustað. „Ríkið mælir fyrir um
það með lögum að börn ráði ekki bú-
setustað sínum heldur foreldrar
þess. Foreldrarnir taka ákvörðun
um að búa erlendis með barn eins og
þeir hafa lagalegan rétt til að gera og
sú ákvörðun er af sama ríki látin
bitna á einstaklingnum þegar hann
er orðinn fullorðinn og þarf stuðning
ríkisins vegna fötlunar og/eða ör-
orku.“
Í Morgunblaðinu í gær var fjallað
um mál íslensk karlmanns með fötl-
un sem flutti heim frá Svíþjóð með
foreldrum sínum eftir 15 ára dvöl
þar. Hann var á átjánda ári þegar
þau fluttu til Íslands og á þar með
hvorki rétt til örorkulífeyris á Ís-
landi né möguleika á atvinnu með
stuðningi.
Samkvæmt lögum um almanna-
tryggingar þarf fólk að hafa búið hér
á landi í þrjú ár frá 16 ára aldri ef það
kemur til landsins með skerta starfs-
getu til að eiga rétt á örorkulífeyri
við sjálfræðisaldur. Árni segir
skömminni skárra að hækka aldur-
inn úr 16 árum upp í 18 ár, þ.e. að
láta ekki búsetu einstaklings erlend-
is þegar hann ræður ekki búsetu
sinni skerða rétt hans þegar hann
ákveður að búa hérlendis. „Einstak-
lingar með fötlun eru mjög háðir ör-
orkubótunum vegna fötlunar sinnar
og/eða takmarkaðra tækifæra sem
vinnumarkaðurinn gefur þeim. Ef
rétturinn til bóta eða vinnu er tekinn
af þeim er augljóst að þeir munu
ekki ráða lífi sínu og alltaf vera öðr-
um háðir.“
Réttindi til örorkulífeyris flytjast
með fólki á milli landa í mörgum
Evrópulöndum þó að önnur réttindi
fylgi ekki. „En hvað ef barn flyst
t.a.m. með foreldrum sínum til Alb-
aníu eða Kenía og býr þar frá 10 ára
til 18 ára, mun það sem fullorðinn
einstaklingur ekki fá örorkulífeyri
hér á landi? Það eru miklir hagsmun-
ir og veigamikil mannréttindi í húfi
fyrir þá sem í hlut eiga og spurning
hvort þetta ákvæði í lögum standist
skuldbindingar á sviði mannrétt-
inda.“
Ákvæði um búsetu
mannréttindabrot?
 Þroskahjálp hef-
ur vakið athygli á
óréttlæti í lögum
Morgunblaðið/Árni Torfason
Vinnumálastofnun sér um at-
vinnu með stuðningi sem felur í
sér víðtækan stuðning við þá
sem hafa skerta vinnugetu
vegna andlegrar og/eða lík-
amlegrar fötlunar.
Í frétt Morgunblaðsins í gær
um mál mannsins sem á ekki
rétt til örorkulífeyris hér á landi
vegna búsetu í Svíþjóð á barns-
aldri kom fram að hann hefði
heldur ekki rétt til atvinnu með
stuðningi á Íslandi vegna þess
að sá réttur helst í hendur við
greiðslur frá Tryggingastofnun
ríkisins (TR). Hann vinnur nú á
nytjamarkaði í Svíþjóð gegnum
atvinnu með stuðningi sem er
greidd af bæjarfélaginu.
Allir þeir sem eru með ein-
hverja greiningu geta sótt um
atvinnu með stuðningi hjá
Vinnumálastofnun en til að eiga
möguleika á að komast á vinnu-
samning þarf að hafa einhverjar
greiðslur frá TR. Fyrirtæki sem
taka að sér einstaklinga með
skerta starfsgetu fá hlutfall af
launagreiðslum endurgreitt frá
TR.
„Það er fólk með skerta
starfsgetu í þjónustu hjá okkur,
sem er ekki með örorkumat, við
komum alltaf einum og einum
inn en það þurfa að vera hátt
standandi einstaklingar. Fyrir-
tækin vilja fá endurgreiðslu ef
fólk er með miklar skerðingar,“
segir Laufey Gunnlaugsdóttir
hjá Vinnumálastofnun.
Atvinna með
stuðningi
VINNUMÁLASTOFNUN
Hæstiréttur staðfesti úrskurð Landsréttar frá 6.
mars sl. um að hafna kröfu ónafngreinds ákærða
um að landsréttardómararnir Ásmundur Helgason
og Ragnheiður Harðardóttir vikju sæti í máli hans.
Ákærði krafðist þess að þau vikju, því þau höfðu
verið dómarar við Héraðsdóm Reykjavíkur þegar
dómurinn sem hann áfrýjaði til Landsréttar var
kveðinn upp. Þau voru samstarfsmenn dómara í
máli ákærða, sem taldi að því mætti draga óhlut-
drægni þeirra í efa. Hæstiréttur staðfesti að hafna
bæri kröfu ákærða þar sem héraðsdómari yrði
aldrei stöðu sinnar vegna vanhæfur til að fara með
mál af þeirri ástæðu einni að það varðaði persónu,
störf eða hagsmuni annars héraðsdómara.
Hæstiréttur staðfesti hæfi tveggja dómara
Agnes Bragadóttir
agnes@mbl.is
„Hvaða óskráðar reglur og hefðir
gilda um störf þingmanna?“ Svo
hljóðar fyrirspurn Björns Levís
Gunnarssonar, þingmanns Pírata,
til Steingríms J. Sigfússonar, for-
seta Alþingis, og með fylgir setn-
ingin: „Skriflegt svar óskast.“
Steingrímur var í gær spurður
hvort og þá með hvaða hætti hann
myndi svara fyrirspurn þing-
mannsins: „Það getur nú reynst
nokkuð snúið að gera grein fyrir
því í skriflegu svari hvaða óskráðu
reglur gildi. Það er svolítið mót-
sagnakennt að mínu viti,“ sagði
forseti Alþingis.
„Ég mun væntanlega taka um-
burðarlynda túlkun á rétti þing-
manna til að beina fyrirspurnum
til forseta. Þær eru að vísu sam-
kvæmt þingsköpum ætlaðar til
þess að spyrja út í stjórnsýslu Al-
þingis. Óskráðar reglur eru
kannski aðeins utan við það.
Stjórnsýsla Alþingis er sem betur
fer ekki byggð á neinum óskráðum
reglum. Þar gilda einfaldlega þing-
sköp, lög um þingfararkaup, þing-
fararkostnað og annað slíkt,“ sagði
Steingrímur.
Hann segir að hann og starfs-
menn þingsins muni gera ein-
hverja tilraun til þess að svara
fyrirspurninni.
„Mun taka
umburðar-
lynda túlkun“
 Segir mótsagnakennt að svara
skriflega um óskráðar reglur og hefðir
Morgunblaðið/Hari
Alþingi Þingmaðurinn óskaði eftir
skriflegu svari um óskráðar reglur.