Morgunblaðið - 31.05.2018, Blaðsíða 77

MENNING 77
MORGUNBLAÐIÐ FIMMTUDAGUR 31. MAÍ 2018
nýjum steinum og fyrir vikið blasir
nýr veruleiki við hvað eftir annað.
Þegar farið er um Króatíu blasir
eyðilegging frá stríðinu víða við og
ýfir upp sárin. Daniel Kusima, aðal-
söguhetja bókarinnar, var friðar-
gæsluliði í stríðinu, þekkir vel til og
er fenginn til þess að fara með Ann-
iku Lehto til Zagreb til þess að
grennslast fyrir um hvað orðið hefur
af Jare Westerlund, starfsmanni
finnska sendiráðsins í borginni. Mál-
ið vindur upp á sig og áður en hendi
er veifað eru Daniel og Annika orðin
Stríðið á Balkanskaga á tí-unda áratug liðinnar aldarer mörgum ofarlega í huga.Spennu- og glæpasagan
Englar Hammúrabís gerist að
mestu á svip-
uðum slóðum 20
árum eftir að
átökunum lauk.
Finnski höfund-
urinn Max
Seeck tengir
sviðið við hörm-
ungarnar
skömmu fyrir
aldamót og
varpar ljósi á
hatur og illsku
sem þreifst í styrjöldinni og lifir út
yfir gröf og dauða.
Þetta er rosaleg saga. Það er eins
og maður sé inni í átökunum
miðjum, þar sem allir eru á móti öll-
um og enginn veit hverjum má
treysta. Ringulreiðin er algjör og út-
gönguleiðir blasa ekki við. Spennan
er slík að ekki er þorandi að leggja
bókina frá sér því stöðugt er velt við
hluti af atburðarás sem þau virðast
engan veginn ráða við.
Stundum er sagt að enginn sem
lifir af stríð sé samur eftir. Höfundur
bókarinnar dregur fram ýmsar af-
leiðingar Balkanstríðsins og hvaða
áhrif þær hafa haft á helstu persón-
ur. Átakanlegt. Spillingin teygir
anga sína víða og sumir eru tilbúnir
að selja sálu sína til að bjarga eigin
skinni. Hlutirnir gerast hratt, þræð-
irnir liggja víða og ekki má á milli sjá
hverjir hafa betur í baráttu góðs og
ills. Það kemur kannski í ljós síðar.
Ljósmynd/Sheefferi
Rosaleg Rýnir segir skáldsögu Max Seecks, Engla Hammúrabís, rosalega.
Hatur og illska út
yfir gröf og dauða
Glæpasaga
Englar Hammúrabís bbbbn
Eftir Max Seeck.
Sigurður Karlsson þýddi.
JPV útgáfa 2018. Kilja. 455 bls.
STEINÞÓR
GUÐBJARTSSON
BÆKUR
Tveir nýir höfundar hljóta Nýrækt-
arstyrki Miðstöðvar íslenskra bók-
mennta í ár til útgáfu á verkum sín-
um, en styrkirnir voru afhentir við
hátíðlega athöfn í Gunnarshúsi, húsi
Rithöfundasambandsins, í gær.
Styrkþegar í ár eru Benný Sif Ís-
leifsdóttir fyrir skáldsöguna Grímu
og Þorvaldur Sigurbjörn Helgason
fyrir ljóðabókina Gangverk. Hvort
um sig hlýtur 400.000 kr. að launum.
„Í ár bárust 58 umsóknir um Ný-
ræktarstyrki og er það metum-
sóknafjöldi á þeim ellefu árum sem
styrkirnir hafa verið veittir. Verkin
sem sótt var um fyrir eru af ýmsum
toga s.s. skáldsögur, leikrit, ljóð,
barna- og ungmennabækur, ævisög-
ur, smásögur og glæpasögur og eru
höfundarnir á öllum aldri,“ segir í
tilkynningu. Alls hafa rúmlega
fimmtíu höfundar hlotið styrk frá
upphafi.
Bókmenntaráðgjafar Miðstöðvar
íslenskra bókmennta, Magnús Guð-
mundsson og Þórdís Edda Jóhann-
esdóttir, veittu umsögn um um-
sóknir. Í umsögn þeirra um skáld-
sögu Bennýjar Sifjar segir: „Gríma
er söguleg skáldsaga sem segir frá
örlögum kvenna í íslensku sjávar-
þorpi um og eftir miðja tuttugustu
öld. Sagan er grípandi, persónu-
sköpun sterk og bygging verksins
vel úthugsuð. Textinn er lifandi og
skemmtilegur en um leið lýsir höf-
undur harmrænum atburðum af ein-
stakri næmi. Frásagnargleði og
væntumþykja fyrir viðfangsefninu
einkenna þessa hrífandi skáldsögu.“
Í umsögn um ljóðabók Þorvaldar
segir: „Gangverk er heillandi ljóða-
bók eftir ungt skáld með merkilega
lífsreynslu að baki. Ljóðin eru ólík
að formi og unnin með mismunandi
aðferðum en eiga það öll sameigin-
legt að vera einlæg og takast á við
persónulega reynslu en vísa einnig
út í hið almenna. Leiðarstefið er
tungumál hjartans, á forsendum
bæði læknavísindanna og ástar-
innar, með þeim hætti að það veitir
einstaka innsýn í líf og líðan ljóð-
mælanda.“
Skáldsaga og ljóða-
bók hljóta styrk
Morgunblaðið/Kristinn Magnússon
Glöð Benný Sif Ísleifsdóttir og Þorvaldur Sigurbjörn Helgason með Lilju
Alfreðsdóttur, mennta- og menningarmálaráðherra, sem afhenti styrkina.
HVAÐ GERIST Á
BAK VIÐ TJÖLDIN?
Bókabúð Forlagsins | Fiskislóð 39 | Opið alla virka daga 10–19 | Laugardaga 11–16 | www.forlagid.is
LANDSINS MESTA ÚRVAL BÓKA
• Breið mynd af íslenskum fjölmiðlum
• Reynslusögur og skoðanir fólks úr faginu
• Er fjórða valdið í hættu statt á Íslandi?