Morgunblaðið - 31.05.2018, Blaðsíða 46

46 FRÉTTIRErlent
MORGUNBLAÐIÐ FIMMTUDAGUR 31. MAÍ 2018
Kristján H. Johannessen
khj@mbl.is
Ódæðismaðurinn sem myrti tvær
lögreglukonur og námsmann á götu
úti í austurhluta borgarinnar Liége í
Belgíu í fyrradag hafði skömmu áður
myrt þrítugan félaga sinn, sem hann
kynntist í fangelsi, með hamri. Þetta
segir innanríkisráðherra Belgíu.
Árásarmaðurinn hét Benjamín
Herman, 36 ára fíkniefnasali með
ríkisfang í Belgíu, og réðst hann
fyrirvaralaust á lögreglukonurnar
með eggvopni og stakk þær ítrekað í
bakið. Því næst komst hann yfir
skotvopn þeirra og beitti gegn þeim.
Konurnar hétu Lucille Garcia, 45
ára, og Soraya Belkacemi, 53 ára.
Belgískir miðlar greina frá því að
Garcia hafi fyrir
um mánuði gifst
eiginmanni sínum
og að Belkacemi
hafi nokkuð fyrir
árásina misst
sinn eiginmann.
Saman eiga þau
tvíbura, 13 ára
pilta, sem sagðir
eru munaðarlaus-
ir eftir fráfall
beggja foreldra.
Á meðan á árásinni stóð hrópaði
ódæðismaðurinn „Allahu Akbar“ eða
„Allah er mikill“ á arabísku. Þá
skaut hann einnig 22 ára námsmann,
Cyril Vangriecken, til bana þar sem
hann sat í bifreið fyrir utan skóla
sinn. Því næst ruddi hann sér leið inn
í skólabygginguna og tók konu sem
þar vinnur í gíslingu.
Spurði gísl sinn spurninga
Konan, sem einungis hefur verið
kölluð Darífa í belgískum miðlum,
segir árásarmanninn hafa spurt sig
tveggja spurninga – hvort hún væri
múslimi og héldi upp á ramadan. Er
hún sögð hafa kveðið já við báðum
spurningum og mun hann þá hafa
sagst ekki ætla að skaða hana.
Konan segist jafnframt hafa reynt að
fá manninn til að yfirgefa bygg-
inguna, þar hafi börn verið.
Þegar Herman loks yfirgaf skóla-
bygginguna biðu hans þungvopnaðir
sérsveitarmenn. Upphófst þá skot-
bardagi og hlaut árásarmaðurinn
bana af. Fjórir lögreglumenn særð-
ust einnig, minnst einn alvarlega.
Breska ríkisútvarpið (BBC) segir
Herman margsinnis hafa setið inni,
m.a. fyrir fíkniefnabrot og ofbeldis-
verk. Honum var tímabundið sleppt
úr fangelsi sl. mánudag og átti að
snúa þangað aftur degi síðar. Frelsið
nýtti hann til að fremja ódæðið.
Myrti félaga sinn áður með hamri
 Önnur lögreglukvennanna sem myrtar voru af öfgamanni í Belgíu skilur eftir sig eiginmann en hin
syni á táningsaldri  Ódæðismaðurinn spurði gísl sinn hvort sá væri múslimi og héldi upp á ramadan
Soraya
Belkacemi
Cyril
Vangriecken
Lucille
Garcia
Franska lögreglan hefur rýmt búðir flóttamanna
við skurðinn St. Denis í norðurhluta Parísar og
vinnur nú hópur manns að því að hreinsa til á
svæðinu. Fréttaveita AFP segir hátt í 2.000
hælisleitendur og flóttamenn hafa hafst við í
tjöldum í búðunum, en fólkið hefur nú verið flutt
í tímabundið húsnæði á meðan unnið er að af-
greiðslu mála þess. Stór hópur lögreglumanna
kom að rýmingunni, sem tók um sex klukku-
stundir, meðal annars sérsveitarmenn. Þá mátti
einnig sjá lögreglumenn á bátum fylgjast með
aðgerðinni.
Hátt í 2.000 hælisleitendur og flóttamenn færðir til í Frakklandi
AFP
Búðir flóttafólks rýmdar í úthverfi Parísar
Varnarmálaráðu-
neyti Banda-
ríkjanna, Penta-
gon, segir stjórn-
völd í Kína halda
áfram að draga
úr stöðugleika og
öryggi með um-
svifum sínum á
Suður-Kínahafi.
Hafa þeir nú flog-
ið langdrægum
sprengjuflugvélum, sem geta meðal
annars borið kjarnavopn, yfir haf-
svæðið og æft lendingar á eyjum þar.
Kínverjar segja eyjarnar tilheyra
sér en því hafa Bandaríkjamenn mót-
mælt og ítrekað boðið þeim birginn
með því að sigla tundurspillum sín-
um inn á svæðið.
James Mattis, varnarmálaráð-
herra Bandaríkjanna, segir þá brjóta
loforð sín um að hervæða ekki eyj-
arnar. „Þeir eru að flytja þangað
vopn sem fram að þessu hafa ekki
verið þar.“
SUÐUR-KÍNAHAF
Kínverjar sagðir
draga úr öryggi
James
Mattis
Viðskiptalög-
fræðingur var
skotinn til bana í
Ríga, höfuðborg
Lettlands, í gær.
Fréttastofa Reut-
ers greinir frá
því að maðurinn
hafi setið í skila-
nefndum og séð
um gjaldþrota-
meðferð fyrirtækja, en grunur leik-
ur á að morðið tengist skipulagðri
glæpastarfsemi.
Lögreglan segir tvo menn hafa
skotið lögfræðinginn þar sem hann
sat í Range Rover-bifreið sinni.
Ódæðismennirnir komust undan á
sendibíl sem síðar fannst brunninn.
„Þetta morð var skipulagt í þaula,“
hefur Reuters eftir lögreglunni.
LETTLAND
Lögfræðingur myrt-
ur í skipulagðri árás
Hinn látni var í
skilanefnd banka.
Starfsmenn olíufyrirtækis í Bras-
ilíu hófu í gær 72 klukkustunda
verkfall þrátt fyrir að dómstólar
þar í landi hafi dæmt aðgerðirnar
ólögmætar. Er þetta annað stóra
verkfallið á skömmum tíma sem
Michel Temer, forseti Brasilíu, hef-
ur staðið frammi fyrir, en þar áður
voru það vörubílstjórar sem lamað
hafa vöruflutninga í yfir viku.
Bréf ríkisolíufyrirtækisins Petr-
oleo Brasileiro hafa fallið um 30
stig frá 16. maí sl. vegna ólgunnar.
Talsmenn fyrirtækisins segjast hins
vegar eiga næga olíu á lager og
þakka verkfalli vörubílstjóra góða
birgðastöðu.
BRASILÍA
Olíustarfsmenn
lögðu niður störf
„Við í Bandaríkjunum höfum miklar
áhyggjur af þeim stóru breytingum
sem persónuverndarlöggjöf Evrópu-
sambandsins, sem tók gildi í síðustu
viku, mun hafa á viðskipti banda-
rískra og evrópskra fyrirtækja,“
segir Wilbur Ross, viðskiptaráð-
herra Bandaríkjanna, í grein sem
birt er á vefsíðu Financial Times.
Evrópska persónuverndarlög-
gjöfin, sem þekkt er undir heitinu
GDPR (e. General Data Protection
Regulation), var samþykkt 27. apríl
2016 af forseta Evrópuþingsins og
-ráðsins og kom hún til framkvæmda
25. maí sl. Nýja löggjöfin felur í sér
fleiri og strangari skuldbindingar en
áður og munu brot á henni geta haft
miklar efnahagslegar afleiðingar
fyrir þá sem vinna með persónu-
upplýsingar.
Ross segir ríkisstjórn Donalds J.
Trumps Bandaríkjaforseta styðja
markmið löggjafarinnar um verndun
persónuupplýsinga á netinu á meðan
gagnaflutningar yfir Atlantshafið
séu áfram tryggðir. „Við erum þeirr-
ar skoðunar að löggjöf um gagna-
flutninga verði að taka mið af per-
sónuvernd og vernda okkar
sameiginlegu markmið um að við-
halda öryggi almennings og auð-
velda netnotkun,“ segir hann.
Truflar ekki bara viðskipti
Þá verður löggjöfin einnig að
virða þarfir allra ríkja þegar kemur
að regluverki þeirra og viðskiptum.
„Eins og maður sér þetta nú gæti
framkvæmd GDPR haft talsvert
truflandi áhrif á samstarf yfir Atl-
antshafið og skapað óþarfa hindr-
anir í viðskiptum, ekki bara fyrir
Bandaríkin heldur alla þá sem
standa utan Evrópusambandsins.“
Segir hann GDPR m.a. geta trufl-
að samstarf þegar kemur að verslun
og viðskiptum, læknisfræðilegum
rannsóknum og samvinnu á sviði
neyðar- og öryggismála. „Við verð-
um að finna leið til að innleiða GDPR
án þess að skapa ótímabærar hindr-
anir. Persónuvernd er mikilvægt og
tímabært atriði, en líka flókið.“
Regluverk gæti skaðað samstarf
 Viðskiptaráðherra Bandaríkjanna hefur áhyggjur af nýrri persónuverndar-
löggjöf Evrópusambandsins  Gæti haft truflandi áhrif á öll ríki utan ESB
AFP
Stjórnsýsla Reglur Evrópusambandsins um persónuvernd og vinnslu per-
sónuupplýsinga valda áhyggjum vestanhafs, en þær hafa þegar tekið gildi.