Morgunblaðið - 31.05.2018, Page 75

MENNING 75
MORGUNBLAÐIÐ FIMMTUDAGUR 31. MAÍ 2018
um verkanna, eru þar alls konar
textar frá ýmsum tímum; hugleið-
ingar úr dagbókum listamanna og
annarra, sem hafa verið uppi á há-
lendinu, ljóð, sönglagatextar og
lærðar greinar í bland. Skráin er í
handhægu broti en við hugsuðum
hana þannig að gestir tækju örlítið
brot af sýningunni með sér og gætu
upplifað hálendið og sýninguna
gegnum þessi textabrot heima í
stofu eða uppi á fjalli ef því væri að
skipta – dýpkað upplifun sína, ef
svo má segja.“
Af lýsingum Ólafar að dæma
verður engin lognmolla á söfnunum
tveimur þegar þau opna gestum
sýn á hálendið Íslands í öllu sínu
veldi. „Við erum með rými inni í
sýningunni á báðum söfnunum, þar
sem gestir geta farið ofan í saum-
ana á alls konar ítar- og hliðarefni.
Á Kjarvalsstöðum verður ljós-
myndum frá Þjóðminjasafni Íslands
og Ljósmyndasafni Reykjavíkur
varpað upp, sýndar verða kvik-
myndir og gestum boðið að glugga í
skissubækur fjallagarpa. Svipað er
uppi á teningnum í Hafnarhúsinu,
en þar sýnum við líka hversu há-
lendið er orðið vinsælt viðfang í al-
þjóðlegri kvikmyndagerð og jafnvel
oft látið tákna heim sem er ekki
einu sinni til.“
Hálendi Íslands er ótrúlegt – en
satt. Eins og listamennirnir sem
þátt taka í sýningunni Einskis-
mannsland sýna fram á.
Morgunblaðið/Valli
Undirbúningur í fullum gangi Unnið við uppsetningu verks eftir Katrínu Sigurðardóttur í Hafnarhúsinu.
Morgunblaðið/Einar Falur
Þekkt málverk Í Austursal Kjarvalsstaða má meðal annars sjá hið kunna málverk Finns Jónssonar, Beinin hennar
Stjörnu. Einnig málverk ofan af hálendinu eftir fjallafrömuðinn Guðmund Einarsson frá Miðdal.
Morgunblaðið/Einar Falur
Tindfjallajökull Í Vestursal Kjarvalsstaða eru málverk eftir frumherjana af
hálendi Íslands. Verk eftir Jón Stefánsson af Tindfjallajökli í forgrunni.
Rakel Adolphsdóttir, sérfræðingur á Kvennasögusafni
Íslands, flytur erindið „Þjóðararfur hverra? Kvenna-
sögusafn sem hluti af Landsbókasafni Íslands – Há-
skólabókasafni“ í fyrirlestraröðinni Tímanna safn sem
haldin er í tilefni af 200 ára afmæli Landsbókasafns Ís-
lands – Háskólabókasafns í dag í fyrirlestrarsal
Þjóðarbókhlöðu kl. 12.05. Í lýsingu á erindinu segir:
„Kvennasögusafn Íslands var stofnað í heimahúsi á
fyrsta degi alþjóðakvennaárs Sameinuðu þjóðanna,
hinn 1. janúar 1975, en það ár átti eftir að reynast ör-
lagaríkt í íslenskri kvennasögu. Markmið safnsins var,
og er enn, að safna heimildum um konur í Íslandssögunni, skrá þær og
miðla ásamt því að hvetja til rannsókna. Markmið safnsins frá stofnun
var einnig að fá inni í Þjóðarbókhlöðunni, sem þá stóð til að reisa, í
þeim tilgangi að vera tryggð framtíðarvist sem og að þáttur kvenna í
þjóðarsögunni yrði viðurkenndur. Því markmiði var náð árið 1996 eftir
ötula baráttu þegar Kvennasögusafn var opnað í Þjóðarbókhlöðunni og
varð með því hluti af Landsbókasafni Íslands – Háskólabókasafni sem
séreining. Í erindinu verður fjallað um úr hvaða jarðvegi safnið spratt
og hvernig því hafi tekist ætlunarverk sitt.“
Erindið Þjóðararfur hverra? flutt í dag
Rakel
Adolphsdóttir
Björg Ísaksdóttir myndlistarkona
fagnar 90 ára afmæli sínu með opn-
un sýningar í Gallerí Gróttu í dag
kl. 17. Í tilkynningu kemur fram að
Björg hafi að mestu unnið við gerð
leikhúsbúninga og við alls kyns
hönnun og saumaskap. „Lengst af
vann hún hjá Leikfélagi Reykja-
víkur, við Þjóðleikhúsið, í New
York og einnig í Svíþjóð þar sem
hún vann m.a. í sænsku konungs-
höllinni. Samhliða vinnu sinni
stundaði Björg nám í teikningu,
málun og höggmyndagerð í Mynd-
listarskólanum í Reykjavík á ár-
unum 1967-1977. Eftir 1978 stund-
aði hún nám í Svíþjóð, Finnlandi,
New York og Ítalíu. Björg var með
glerlistavinnustofu á Laugavegi 27
og hélt þar fjölda sýninga á gler- og
málverkum. Björg hefur sýnt verk
sín víða, bæði hérlendis og erlendis,
m.a. í Svíþjóð og Ítalíu, og tekið
þátt í fjölmörgum samsýningum.
Björg var einn af stofnendum
Myndlistarklúbbs Seltjarnarness
sem starfaði frá árinu 1974.“
Á sýningunni, sem stendur til 30.
júlí, má sjá bæði ný og eldri verk.
Málverk Eitt þeirra verka sem sjá má á
sýningunni sem opnuð verður í dag.
90 ára afmælissýning Bjargar
Kjarvalsstaðir
Ásgrímur Jónsson, Eiríkur
Smith, Finnur Jónsson, Guð-
mundur Einarsson frá Miðdal,
Guðrún Kristjánsdóttir, Jóhann-
es S. Kjarval, Jón Stefánsson,
Júlíana Sveinsdóttir, Kristinn
Pétursson, Kristín Jónsdóttir,
Ragnheiður Jónsdóttir Ream,
Stefán Stórval Jónsson, Sveinn
Þórarinsson, Þorbjörg Hösk-
uldsdóttir, Þórarinn B. Þorláks-
son.
Hafnarhúsið
Anna Líndal, Einar Falur Ingólfs-
son, Einar Garibaldi Eiríksson,
Georg Guðni Hauksson, Hall-
gerður Hallgrímsdóttir, Hekla
Dögg Jónsdóttir, Húbert Nói Jó-
hannesson, Katrín Sigurðar-
dóttir, Kristinn E. Hrafnsson,
Ólafur Elíasson, Ósk Vilhjálms-
dóttir, Pétur Thomsen, Ragna
Róbertsdóttir, Rúrí, Sigurður
Guðjónsson, Steinunn Gunn-
laugsdóttir, Unnar Örn J. Auðar-
son.
Listamenn í
Einskis-
mannslandi
LISTASAFN REYKJAVÍKUR
Atvinna
Ert þú á leið í leikhús? Pantaðu ljúffengar veitingar til
að njóta fyrir sýningu eða í hléi á borgarleikhus.is
Rocky Horror (Stóra sviðið)
Fim 31/5 kl. 20:00 41. s Sun 3/6 kl. 20:00 48. s Fös 8/6 kl. 20:00 51. s
Fös 1/6 kl. 20:00 46. s Mið 6/6 kl. 20:00 49. s Lau 9/6 kl. 20:00 52. s
Lau 2/6 kl. 20:00 47. s Fim 7/6 kl. 20:00 50. s Sun 10/6 kl. 20:00 53. s
Síðustu sýningar komnar í sölu.
Elly (Stóra sviðið)
Fös 31/8 kl. 20:00 139. s Sun 9/9 kl. 20:00 142. s Sun 16/9 kl. 20:00 145. s
Lau 1/9 kl. 20:00 140. s Mið 12/9 kl. 20:00 143. s Lau 22/9 kl. 20:00 146. s
Fös 7/9 kl. 20:00 141. s Fim 13/9 kl. 20:00 144. s Sun 23/9 kl. 20:00 147. s
Sýningar haustið 2018 komnar í sölu.
Sýningin sem klikkar (Nýja sviðið)
Fös 1/6 kl. 20:00 36. s Lau 2/6 kl. 20:00 37. s
Allra síðustu sýningar!
Fólk, staðir og hlutir (Litla sviðið)
Fim 31/5 kl. 20:30 aukas. Fös 1/6 kl. 20:30 aukas. Lau 2/6 kl. 20:30 aukas.
Komumst við vímulaus af í geggjuðum heimi?
Slá í gegn (Stóra sviðið)
Lau 2/6 kl. 19:30 31.sýn Sun 10/6 kl. 19:30 34.sýn Lau 25/8 kl. 19:30 37.sýn
Sun 3/6 kl. 19:30 32.sýn Fim 14/6 kl. 19:30 35.sýn Lau 1/9 kl. 19:30 38.sýn
Lau 9/6 kl. 19:30 33.sýn Fös 24/8 kl. 19:30 36.sýn
Einstaklega litríkt sjónarspil og frábær skemmtun fyrir alla fjölskylduna!
Svartalogn (Stóra sviðið)
Fim 31/5 kl. 19:30 9.sýn Fös 8/6 kl. 19:30 10.sýn
Heillandi verk um óvæntu möguleikana í lífinu
leikhusid.is | midasala@leikhusid.is | 551 1200