Morgunblaðið - 07.06.2018, Blaðsíða 69

hvernig sagan er sögð. Fyrir mig var
algjörlega nauðsynlegt að taka virkan
þátt í því frá upphafi að leggja söguna
og framvinduna,“ segir Daníel og rifj-
ar upp að þau Kerstin Perski hafi í
sameiningu skipulagt allar senur áður
en hún fór að skrifa líbrettóið. „Ég var
því kominn með góða tilfinningu fyrir
því hvernig dramatíski frásagnarbogi
verksins var áður en ég byrjaði að
skrifa,“ segir Daníel og tekur fram að
þegar frásagnarboginn hafi legið fyrir
hafi hann meira eða minna skrifað
óperuna í réttri röð.
„Maður kynnist persónum verksins
í raun smám saman þegar maður fer
að skrifa fyrir þær. Þetta er eitthvað
sem ég geri frekar spontant og organ-
ískt. Sköpunarferlið er mjög kaótískt,
en smátt og smátt fær það strúktúr.
Manneskjan er góð í því að vinna
svona hluti á innsæinu og hlutirnir
hafa tilhneigingu til að ganga upp á líf-
rænan hátt og mynda heild. Mér hefur
reynst það mun betur, heldur en að
búa til strúktúra fyrirfram. Ég er
rosalega lélegur í því, enda er ég
hvorki góður stærðfræðingur né arki-
tekt.“
Langar að skrifa fleiri óperur
Hvernig myndir þú lýsa óperu-
tónlist þinni?
„Ég held að þessi ópera sé mjög að-
gengileg þó efnið sé ekki skemmtiefni.
Mín músík er allt í senn. Ég nota mjög
gjarnan sterk hljómasambönd, bæði
dúr og moll, atónalítet, pólýtónalítet
pólýrytma, rómantísk hljómasambönd
– allt sem hentar hverju sinni. Ég
ákveð aldrei að nú ætli ég að opna
rómantísku verkfærakistuna eða
hræra smá atónalítet út í. Ég er búinn
að skrifa það mikið af músík að ég er
bara kominn með mitt eigið tónmál.
Það fer líka eftir því hvað er að gerast
í sögunni og hvað verkið kallar á.
Annars mega aðrir greina það sem ég
er að gera. Viðtökur fara að stórum
hluta eftir því úr hvaða átt fólk kemur
og hvaða tónlistarlegu viðmið það hef-
ur. Í hópi hörðustu nútímatónlistar-
aðdáenda þykir mín tónlist líklega
frekar aðgengileg og einföld meðan
einhverjum öðrum gæti fundist hún
frekar krefjandi.“
Ertu kominn á bragðið? Langar þig
að skrifa fleiri óperur?
„Mér liggur ekkert á að skrifa
næstu óperu, en mig langar til þess.
Ég er alltaf með annað augað opið eft-
ir góðri sögu sem spennandi væri að
semja óperu upp úr. Dramatíkin hent-
ar mér ágætlega, en ég hefði samt
gaman af því að reyna við eitthvað
annað, kannski farsa eða gaman-
tragedíu. Það verður bara að koma í
ljós.“
Áttu von á því að Brothers rati víðar
á svið en í Danmörku og hérlendis?
„Það er mögulega eitthvað í píp-
unum þó að ekkert sé enn fast í hendi.
Það mættu útsendarar á sýninguna í
Danmörku og ég veit að það koma ein-
hverjir útsendarar hingað til lands að
skoða uppfærsluna,“ segir Daníel og
tekur fram að það hjálpi sennilega óp-
erunni að hún er sungin á ensku.
Ólíkt frumuppfærslunni í Dan-
mörku heldur þú sjálfur um tónsprot-
ann við flutning Brothers á laugardag.
Er skemmtilegra að stjórna eigin
verki?
„Mér fannst mjög fínt að stjórna
ekki frumuppfærslunni í Danmörku.
Það var gott að geta horft á verkið úr
fjarlægð. Þá gat ég líka veitt uppsetn-
ingunni sem heild meiri athygli, enda
erfiðara að fylgjast náið með sviðinu
þegar maður er ofan í gryfjunni. Í
gryfjunni er maður í meiri tengslum
við hljómsveitina. Að sama skapi er ég
mjög ánægður með að fá tækifæri til
að takast á við verkið í meira návígi
núna,“ segir Daníel og tekur fram að
hann hafi breytt verkinu nokkuð eftir
frumuppfærsluna í Danmörku, örlítið í
sönglínum en aðallega í hljómsveitar-
útsetningunni. „Stundum fattar mað-
ur of seint að hlutirnir myndu virka
betur með öðrum hætti og stundum
vill maður breyta til að leggja meiri
áherslu á eitthvað eða draga úr öðru.
Það eru svo margir þræðir sem koma
saman í einni óperu, jafnt einsöngv-
arar, kór og stór hljómsveit, þannig að
það er hægt að fínstilla lengi á eftir.“
Innsetning fyrir horn og flygla
Ert þú oft að fínstilla verk þín lengi
eftir að þú sendir þau frá þér?
„Ég gæti átt það til, en reyni að
vera samt ekki þannig. Ég held að ég
sé nú kominn á þann stað að ég láti
Brothers hér eftir vera í friði. Ég er
bara nokkuð ánægður með hvernig
verkið situr núna.“
Hvaða verkefni bíða þín í framhald-
inu?
„Ég verð með verk á Holland Festi-
val 23. júní. Þar er um að ræða hálf-
gerða innsetningu fyrir tólf horn og
tólf flygla sem nefnist „We came in
peace for all mankind“. Svo er ég að
fara að skrifa slagverkskonsert fyrir
Martin Grubinger og Gautaborgar-
sinfóníuna sem þau taka með á tón-
leikaferðalag í byrjun næsta árs. Mér
finnst spennandi að semja meira fyrir
raddir og mun skrifa sönglagaflokk
fyrir Crash Ensemble á Írlandi og
söngkonu sem flutt verður seinni hluta
næsta árs. Svo fyndist mér gaman að
semja fyrir stöku bíómynd eða sjón-
varpsþáttaröð.“
Þú hefur verið á mála sem tónskáld
og stjórnandi hjá hinni þekktu um-
boðsskrifstofu í London, Harrison-
Parrott, í á annað ár. Hefur það haft
mikil áhrif á feril þinn?
„Það hefur hjálpað mér að koma
tónsmíðum mínum á framfæri, en ekki
síður komið mér á kortið sem stjórn-
anda. Ég stjórna miklu meira í útlönd-
um en ég gerði áður og mun gera á
næsta og þarnæsta ári. Ég var aldrei
að eltast við það áður en ég komst á
samning.“
Mín túlkun ekki sú eina rétta
Finnst þér gaman að stjórna?
„Já, en þetta þarf bara allt að vera í
jafnvægi,“ segir Daníel og tekur fram
að hann vilji helst ekki fljúga út til að
stjórna oftar en einu sinni í mánuði.
„Ég er nokkuð mikið að elta mína eig-
in tónlist þegar ég stjórna. Það var
alltaf draumurinn hjá mér að mín eig-
in músík myndi fleyta mér áfram sem
stjórnandi,“ segir Daníel og tekur
fram að hann vantreysti síður en svo
öðrum stjórnendum fyrir tónsmíðum
sínum.
„Raunar er það mjög mikilvægt að
aðrir stjórnendur stjórni líka minni
músík. Mín túlkun er ekkert endilega
sú eina rétta. Verkin verða stærri en
maður sjálfur og öðlast sitt eigið líf
þegar maður er búinn að semja þau.
Þegar ég kem að mínum eigin verkum
þá er það bara sem flytjandi. Það gef-
ur mér mikið að taka þátt í því að
skapa verkið sem flytjandi og vera í
nánu samstarfi við hljóðfæraleik-
arana.“
Ekki er hægt að sleppa Daníel án
þess að forvitnast um hvenær íslensk-
ir áhorfendur fái næst að njóta krafta
hans sem stjórnanda.
„Ég mun stjórna fiðlukonserti mín-
um í febrúar hjá Sinfóníuhljómsveit
Íslands með Pekka Kuusisto og í kjöl-
farið tökum við verkið upp. Í október
stjórna ég nýju tónlistarævintýri um
Maxímús sem ég stjórnaði líka í Los
Angeles. Auk þess stjórna ég í ágúst
Klassíkinni okkar sem sýnd verður á
RÚV. Og svo held ég áfram að taka
upp plötur með íslenskri tónlist fyrir
Sono Luminus í flutningi Sinfóní-
unnar.“
Morgunblaðið/Valli
Ljósmynd/Jóhanna Ólafsdóttir
Minningar Oddur
Arnþór Jónsson syngur
hlutverk Michaels.
MENNING 69
MORGUNBLAÐIÐ FIMMTUDAGUR 7. JÚNÍ 2018
Ert þú á leið í leikhús? Pantaðu ljúffengar veitingar til
að njóta fyrir sýningu eða í hléi á borgarleikhus.is
Rocky Horror (Stóra sviðið)
Fim 7/6 kl. 20:00 50. s Lau 9/6 kl. 20:00 52. s
Fös 8/6 kl. 20:00 51. s Sun 10/6 kl. 20:00 Lokas.
Allra síðustu sýningar!
Elly (Stóra sviðið)
Fös 31/8 kl. 20:00 139. s Sun 9/9 kl. 20:00 142. s Sun 16/9 kl. 20:00 145. s
Lau 1/9 kl. 20:00 140. s Mið 12/9 kl. 20:00 143. s Lau 22/9 kl. 20:00 146. s
Fös 7/9 kl. 20:00 141. s Fim 13/9 kl. 20:00 144. s Sun 23/9 kl. 20:00 147. s
Sýningar haustið 2018 komnar í sölu.
Fólk, staðir og hlutir (Litla sviðið)
Fös 8/6 kl. 20:30 Lokas.
Tilnefnd til sex Grímuverðlauna. Allra síðustu sýningar.
Slá í gegn (Stóra sviðið)
Lau 9/6 kl. 19:30 33.sýn Sun 10/6 kl. 19:30 34.sýn Fim 14/6 kl. 19:30 35.sýn
Einstaklega litríkt sjónarspil og frábær skemmtun fyrir alla fjölskylduna!
Svartalogn (Stóra sviðið)
Fös 8/6 kl. 19:30 10.sýn
Heillandi verk um óvæntu möguleikana í lífinu
leikhusid.is | midasala@leikhusid.is | 551 1200