Gerðir kirkjuþings - 01.01.2017, Síða 32

32 33
9. 22. mál, breyting á starfsreglum um skipulag kirkjunnar í héraði nr. 1026/2007.
Samþykkt var að Kirkjuráð feli framkvæmdastjóra að annast um að hinar breyttu
starfs reglur verði auglýstar í Stjórnartíðindum og kynntar öllum hlutaðeigandi
aðilum.
10. 23. mál, þingsályktun um skýrslu um stefnumótun þjóðkirkjunnar.
Ályktun kirkjuþings kvað á um að kirkjuráð hafi málið til ákvörðunar um það hvort
sviðsmyndir verði nýttar við vinnu við stefnumótun þjóðkirkjunnar.
Samþykkt var að kirkjuráð kalli til sín sérfræðinga á sviði sviðsmyndagerða og
kynni sér þá hugmyndafræði sem liggur þar að baki til að undirbyggja ákvörðun
ráðsins um hvort farin verður þessi leið í stefnumótun þjóðkirkjunnar. Sjá einnig
umfjöllun um 270. fund kirkjuráðs í kaflanum: Önnur mál sem kirkjuráð fjallaði um
á kirkjuþingsárinu og rétt þykir að gera kirkjuþingi grein fyrir.
11. Tímasetning framhaldsþings.
Fram kom tillaga um að framhaldsþing verði haldið laugardaginn 25. febrúar 2017.
Tillagan var samþykkt.
12. Nefnd um kirkjuþingskosningar.
Lögð var fram kostnaðaráætlun vegna starfs nefndarinnar. Samkvæmt áætluninni er
gert ráð fyrir að kostnaður við starfið verði kr. 300.000.
Kirkjuráð ályktar að vísa málinu til næsta fundar og gerðar fjárhagsáætlunar næsta
árs.
13. Kynning á frumvarpi til nýrra þjóðkirkjulaga.
Lögð var fram kostnaðaráætlun vegna kynningarinnar. Samkvæmt áætluninni er gert
ráð fyrir að kostnaður við starfið verði allt að kr. 3.800.000.Kirkjuráð ályktar að vísa
málinu til næsta fundar og gerðar fjárhagsáætlunar næsta árs.
Kirkjuþing unga fólksins 2016
Kirkjuþing unga fólksins kemur saman árlega. Hlutverk þess er að ræða stöðu og hlutverk
ungs fólks í þjóðkirkjunni og í samfélagi kirkna um heim allan. Þar eiga sæti fulltrúar
prófastsdæma Þjóðkirkjunnar og fulltrúar frá KFUM og KFUK. Fulltrúarnir skulu vera
á aldrinum 14 til 30 ára og skráðir í þjóðkirkjuna. Kirkjuþing unga fólksins er vettvangur
ungs fólks til að hafa áhrif á starfsemi kirkjunnar.
Kirkjuþing unga fólksins var haldið á Biskupsstofu hinn 20. maí 2017. Kirkjuþingsfulltrúar
voru 15 frá fimm prófastsdæmum, ásamt fulltrúa frá KFUM/K. Hafdís Ósk Baldursdóttir
frá Kjalarnesprófastsdæmi var kjörinn forseti þingsins og hún var jafnframt kjörin
áheyrnarfulltrúi á kirkjuþing hið almenna.
Fimm mál voru á dagskrá og voru lögð fram til kynningar. Málin fjölluðu um Farskóla
leiðtogaefna; samræmt námskeið fyrir starfsfólk í æskulýðsstarfi; umhverfisstefnu
þjóðkirkjunnar; sterkari stöðu unga fólksins á kirkjuþingi og skipan starfshóps til
endurskoðunar skipulags æskulýðsmála.