Saga - 2011, Qupperneq 155

3) Að huga verði að misbeitingu valds innan háskólasamfélags-
ins.
4) Að vísindasamfélagið verði allaf að vera á varðbergi gagn-
vart „stofnanamenningu háskóladeildanna“.
Að minni hyggju eru þetta athyglisverðar vangaveltur sem gætu
verið gott innlegg í umræðuna um íslenska háskólasamfélagið.5
Sumt af því sem SGM fjallar um í greininni er gert af bæði stillingu
og skynsemi; til að mynda þegar hann fjallar um hvort skipa eigi
útlendinga í fagráð og um annmarka á doktorsnáminu út frá sjón-
arhorni nemenda. enn fremur er mikilvægt hvernig hann dregur
fram þröngan kost sjálfstætt starfandi fræðimanna en stöðu þeirra
er nauðsynlegt að taka til gagngerrar endurskoðunar. Það spillir
hins vegar verulega fyrir áhrifamætti umfjöllunar SGM að víða er
farið rangt með staðreyndir og hætt er við að ályktanir sem dregn-
ar eru af hæpnum forsendum verði í besta falli hæpnar. Hér virðist
póststrúkturalisminn einfaldlega hafa borið empíríkina ofurliði.
Í greininni kemur fram allmikill misskilningur á stöðu Rann -
sóknamiðstöðvar Íslands (Rannís). Rannís er í hugum margra sam-
heiti yfir óljósan fjölda samkeppnissjóða sem birtist einkum í hug-
takinu „sjóðir Rannís“ eða „styrkur frá Rannís“. Þá er jafnan tekið
þannig til orða að „Rannís styrki verkefni“, „Rannís veiti styrki“,
„Rannís úthluti“ og þar fram eftir götunum; þannig er gefið í skyn
að Rannís sé einn sjóður. Í daglegu tali er ekki ástæða til að amast
við þessu og verður fleirum en SGM hált á svellinu þegar skilin milli
Rannís (sem stofnunar) og samkeppnissjóða eru annars vegar. Hins
vegar verður að gera meiri kröfur til þess fræðimanns sem skrifar
grein er gengur öðrum þræði út á að skýra það sem nefnt er „ásælni
háskólastofnana“ í samkeppnissjóðina, þar á meðal þá sjóði sem
Rannís sér um. Í greininni talar SGM svo ýmist um Rannsóknarráð
eða Rannís og má sem best skilja af málflutningi hans að enn sé um
sama hlutinn að ræða. Því fer víðs fjarri.
athugasemd við „dóm sögunnar“ 155
5 Hér er þó að mörgu að hyggja og varðandi fyrstu tvær tillögurnar er þarft að
skoða skýrslu Ríkisendurskoðunar um kostnað, skilvirkni og gæði háskóla-
kennslu frá 2007 og eftirfylgni með þeirri úttekt (2007). Sjá Vef. http://www.
rikis endurskodun.is/fileadmin/media/skyrslur/eftirfylgni_haskolakennsla.pdf,
skoðað í febrúar 2011. Skýrslan sem hér er vísað til er eftirfylgni skýrslan, Skýrsla
um eftirfylgni: Kostnaður, skilvirkni og gæði háskólakennslu (2007). (Skýrsla til
Alþingis. Desember 2010).
1-SagaVOR2011—NOTAGreinar_Sagahaust2004-NOTA5/4/111:13PMPage155