Saga - 2011, Qupperneq 157

verk að veita faglega aðstoð og þjónustu
við undirbúning og framkvæmd vísinda-
og tæknistefnu vísinda- og tækniráðs
2007– Nýsköpunarmiðstöð Í samræmi við lög nr. 75/2007 er hlutverk
Íslands – NMÍ NMÍ að styrkja samkeppnisstöðu íslensks
atvinnulífs og auka lífsgæði í landinu og
skal stofnunin taka mið af stefnu vísinda-
og tækniráðs í starfsemi sinni.
Ný lög um opinberan stuðning við vísindarannsóknir (nr. 3/2003)
tóku gildi 7. febrúar árið 2003.8 Með þessum lögum var Rann -
sóknarráð Íslands („gamla Rannís“) lagt niður, vísinda- og tækniráð
varð til og Rannsóknamiðstöð Íslands („nýja Rannís“) var sett á fót.
Nú telja kannski sumir að hér sé um hártogun að ræða, en þá er því
til að svara að hlutverk Rannsóknamiðstöðvar Íslands er mjög frá-
brugðið hlutverki Rannsóknarráðs. Tilkoma vísinda- og tækniráðs
breytti þar mestu en markmið með lögum um ráðið (nr. 2/2003) er
„að efla vísindarannsóknir, vísindamenntun og tækniþróun í land-
inu í því skyni að treysta stoðir íslenskrar menningar og auka sam-
keppnishæfni atvinnulífsins.“ Þannig skal stefna stjórnvalda í vís-
inda- og tæknimálum mörkuð af vísinda- og tækniráði (sem áður
var í verkahring Rannsóknarráðs Íslands). vísinda- og tækniráð er
skipað til þriggja ára í senn en umfjöllun þess á sviði vísinda- og
tæknimála skal undirbúin af vísindanefnd og tækninefnd.9 Loks er
hér að nefna lög nr. 75/2007 um opinberan stuðning við tækniþró-
un og nýsköpun í þágu atvinnulífsins.10 Saman mynda þessi lög
(nr. 2/2003, nr. 3/2003 og nr. 75/2007) stuðningskerfi við rannsóknir
og nýsköpun á Íslandi.
athugasemd við „dóm sögunnar“ 157
8 Lög nr. 3/2003. Sjá Vef. http://www.althingi.is/lagas/nuna/2003003.html,
skoðað í febrúar 2011.
9 1. gr. laga nr. 2/2003. Sjá Vef. http://www.althingi.is/lagas/128a/1994061.html,
skoðað í febrúar 2011.
10 Lög nr. 75/2007. Sjá Vef. http://www.althingi.is/lagas/nuna/2007075.html,
skoðað í febrúar 2011. Þessi lög felldu úr gildi lög nr. 4/2003 sem voru upphaf-
lega hluti af nýrri lagasetningu um vísinda- og tæknimál á Íslandi frá 2003. Með
nýjum lögum um opinberan stuðning við tækniþróun og nýsköpun í þágu
atvinnulífsins tók Nýsköpunarmiðstöð Íslands til starfa (1. ágúst 2007) við sam-
runa Iðntæknistofnunar Íslands og Rannsóknastofnunar byggingariðnaðarins.
1-SagaVOR2011—NOTAGreinar_Sagahaust2004-NOTA5/4/111:13PMPage157