Saga - 2011, Qupperneq 165

um? … Í sömu klausu vinnureglnanna koma einnig fram tilmæli sem
tilgreind eru sem hluti af úthlutunarstefnu Rannsóknasjóðs: „Sjóðurinn
taki tillit til aðstæðna umsækjenda (t.d. sjálfstætt starfandi vísinda-
manna) og eðlis verkefnis, m.a. kostnaðar við stjórn samstarfsverk-
efna.“ engu líkara er en að þessi tilmæli hafi verið sniðgengin í síðustu
tveimur úthlutunum því enga sjálfstætt starfandi fræðimenn er að
finna meðal þeirra sem fengu úthlutað verkefnastyrkjum frá fagsviði
félagsvísinda og hugvísinda.39
Hér er umræðan orðin býsna illa rökstudd, og þegar látið er að því
liggja að stjórnendur Háskóla Íslands hafi jafnvel beitt stjórn Rann -
sóknasjóðs (sem SGM ruglar reyndar jafnan saman við Rannís)
þrýstingi til að samþykkja breytingu á verklagi eða þá menntamál-
aráðherra hlýtur að mega gera þá lágmarkskröfu að menn vísi í ein-
hver gögn máli sínu til stuðnings. ef SGM telur inntak greinar sinn-
ar nægilegan rökstuðning þá er hann á villigötum, því hér sem víða
annars staðar fer hann rangt með staðreyndir (sjá að ofan) en mis-
skilur annað. Dæmi um hið síðarnefnda er auðvitað það sem SGM
kallar almennt orðaðar vinnureglur Rannsóknasjóðs og vísar svo í
Úthlutunarstefnu vísindanefndar Vísinda- og tækniráðs sem birtar eru
aftan við reglur og leiðbeiningar sjóðsins ár hvert.40 ef leiðbeiningar
stjórnar Rannsóknasjóðs eru óljósar hefði SGM hins vegar ekki orðið
skotaskuld úr því að lesa þau lög sem gilda um sjóðinn, en þar segir
meðal annars: „Rannsóknasjóður veitir styrki samkvæmt al menn um
áherslum Vísinda- og tækniráðs og á grundvelli faglegs mats á gæðum
rannsóknarverkefna, færni þeirra einstaklinga sem stunda rannsóknirnar
og aðstöðu þeirra til að sinna verkefninu. Ákvörðun um styrkveitingu
skal bundin hinu faglega mati [leturbr. MLM].“41
Dylgjur um að stjórn Rannsóknasjóðs hafi sniðgengið tilmæli
vísindanefndar vísinda- og tækniráðs um að taka skuli tillit til
aðstæðna umsækjenda, og þannig útilokað sjálfstætt starfandi fræði -
athugasemd við „dóm sögunnar“ 165
39 Sigurður Gylfi Magnússon, „Dómur sögunnar er ævinlega rangur!“, bls. 176.
40 kaflinn sem SGM vísar til í „Reglum og leiðbeiningum Rannsóknasjóðs fyrir
styrkárið 2010“ er númer 13 og heitir „Úthlutunarstefna fyrir Rannsóknasjóð“.
Hann skiptist í tvo hluta: A. Áherslur Vísinda- og tækniráðs og B. Úthlutunarstefna
Rannsóknasjóðs vegna úthlutunar 2010. Tilmælin sem SGM vísar í á bls. 176 í
grein sinni eru þau sem vísindanefnd vísinda- og tækniráðs leggur áherslu á
að vegi þungt við mat á umsóknum auk atriða sem nefndin vill sérstaklega
koma á framfæri við stjórn Rannsóknasjóðs.
41 Sbr. 2. gr. laga nr. 3/2003. Sjá Vef. http://www.althingi.is/lagas/nuna/2003
003.html, skoðað í febrúar 2011.
1-SagaVOR2011—NOTAGreinar_Sagahaust2004-NOTA5/4/111:13PMPage165