Jökull - 01.01.2010, Síða 223

Jöklarannsóknafélag Íslands
ÚTGÁFA JÖKULS
Jökull 59 kom út í nóvember. Ritið var 144 bls. og í
því voru sex ritrýndar fræðigreinar auk um 40 bls. af
margvíslegu fræðslu- og félagsefni.
FRÉTTABRÉF OG VEFSÍÐA
Vefsíðan hefur vaxið og dafnað undir ritstjórn Jó-
hönnu Katrínar. Þar eru reglulega birtar fréttir og öll
fréttabréf félagsins frá upphafi í janúar 1984 eru þar
aðgengileg. Þrjú fréttabréf komu út á árinu en Val-
gerður Jóhannsdóttir ritstýrir þeim. Þessi skýrsla að
verulegu leyti byggð á upplýsingum úr fréttabréfinu.
SKEMMTIFERÐIR
Sumarferð í Lakagíga var farin helgina 3.–5. júlí.
Ferðin farin á einkabílum og þótti takast vel. Gist var
í tjöldum í Blágiljum en þátttakendur voru 23. Haust-
ferð í Jökulheima var fámenn og góðmenn en þangað
fóru átta manns helgina 11.–13. september. Sá hópur
tók hressilega til hendinni við skálaþrif og mun ferðin
hafa verið hin ánægjulegasta.
SKÁLAMÁL
Helstu verkefni skálanefndarinnar á árinu voru við-
hald og viðgerðir á Grímsfjall og í Jökulheimum. Á
Grímsfjalli var ýmsu smálegu sinnt og skipt um raf-
geyma í öllum húsum eftir bilanir á hleðslubúnaði.
Þurfti í þessu skyni að fara nokkrar ferðir síðla hausts
þar sem hugað var að rafstöð og hleðslubúnaði. Leita
þarf leiða til að ekki komi til leiðangra af þessu tagi
nema í undantekningartilfellum. Í Jökulheimum voru
öll hús máluð nema þak nýja skálans sem bíður eft-
ir nýju þakjárni samfara væntanlegri stækkun. Þá var
tekið utanaf dýnum, verin flutt til byggða og þvegin.
Ekki var unnið að viðhaldi í öðrum húsum.
Á fundi stjórnar í Tindfjöllum 7. mars var bókuð
samþykkt um stækkun á nýrri skálanum í Jökulheim-
um samkvæmt teikningu og kostnaðaráætlun Stefáns
Bjarnasonar. Áætlaður heildarkostnaður er um fjórar
milljónir króna og verður leitað leiða til að afla fjár-
hagslegs stuðnings við verkefnið annarstaðar frá. Eins
og fram kemur hér á eftir hefur nokkuð áunnist í því.
Leyfi fyrir stækkun hefur fengist frá stjórn Vatnajök-
ulsþjóðgarðs og Ásahreppur hefur samþykkt verkið
fyrir sitt leyti en fullnægja þarf öllum kröfum bygg-
ingarreglugerða. Unnið er að gerð verkfræðiteikninga
og leiðir skálanefndin það verk. Stefnt er á að vinna
við stækkunina fari fram næsta sumar.
BÍLAMÁL
Farnar voru sex ferðir á bíl félagsins og nýttist hann
í öll helstu verkefni eins og vorferð, vinnuferðir á
Grímsfjall og í Jökulheima og mælingaferð á Mýr-
dalsjökul. Engar meiri háttar bilanir urðu en brotist
var inn í bílinn þar sem hann stóð fyrir utan húsnæði
HSSR og kistum á þaki hans stolið. Bílanefndin tapaði
nokkru af verkfærum en sem betur fer voru ekki unn-
ar alvarlegar skemmdir á bílnum. Seinni hluta ársins
hefur húsnæði verið leigt undir bílinn.
ÁRSHÁTÍÐ
Árshátíð var með nokkuð öðru sniði en undanfarin ár.
Að þessu sinni var hún haldin í Básum á Goðalandi og
gisti hópurinn í skálum Útivistar. Farnar voru göngu-
ferðir bæði fá laugardeginum fyrir sjálfa hátíðina og á
sunnudagsmorgni að henni lokinni. Þótti öllum þetta
vera hin besta tilbreyting en þátttakendur voru vissu-
lega nokkru færri en oftast, eða um 40.
GJÖF BARNA GUÐMUNDAR
JÓNASSONAR
Í júní voru liðin 100 ár frá fæðingu hins mikla
brautryðjanda í jöklaferðum á snjóbílum, Guðmund-
ar Jónassonar. Guðmundur var heiðursfélagi JÖRFÍ
en hann lést 1985. Til að minnast afmælisins ákváðu
börn Guðmundar, þau Gunnar, Kristín og Signý að
færa Jöklarannsóknafélaginu 500 þús. kr. að gjöf sem
nýta skyldi til endurbóta og stækkunar í Jökulheim-
um. Stjórn og heiðursfélagar héldu þeim systkynum
kaffiboð þann 17. ágúst í þakklætisskyni fyrir gjöfina.
Magnús Tumi Guðmundsson
JÖKULL No. 60 223