Breiðfirðingur - 01.04.1955, Side 12

10
BREIÐFIRÐINGUR
framkvæmda, er dauðinn batt enda á líf hans.
Friðgeir var kvæntur hinni mestu myndarkonu, Sigríði
Magnúsdóttur frá Bæ í Króksfirði. Er faðir hennar hinn
mæti athafna- og drengskaparmaður Magnús Ingimundar-
son í Bæ, sem kunnur er að rausn og höfðingslund, en
móðir Jóhanna Hákonardóttir frá Reykhólum, sem löngu
er látin. Friðgeir og Sigríður áttu fjögur börn, þrjár dætur
og einn son. Eru þau öll í bernsku. Þau heita Jóhanna,
Sigríður Hrefna, Brynhildur Salóme og Magnús Gunn-
laugur. 011 eru börnin hraust og mannvænleg, svo sem þau
eiga kyn til. Alast þau upp við umhyggju móður sinnar á
heimili hennar í Reykjavík, en á sumrin dveljast þau lang-
dvölum hjá afa sínum í Bæ við Króksfjörð, þar sem loftið
angar af kjarri og safaríkum gróðri.
Friðgeir Sveinsson er fyrsti formaður Breiðfirðingafé-
lagsins, sem hnígur að velli mitt í önn félagsstarfsins.
Hið síðasta verk hans var að stjórna fjölmennri samkomu
í Breiðfirðingabúð. Þar undi hann sér vel. Hann hafði
yndi af orðsins list, söng og samneyti við gott fólk. Hann
unni átthögum sínum og bar velferðarmál þeirra fyrir
brjósti. Að slíkum mönnum er mikil eftirsjá, er þeir hverfa
s’ónum samferðamannanna svo skyndilega. Þung er raunin
fyrir aldraða og umhyggjusama móður og unga eiginkonu
með stóran barnahóp. En huggun er það og harmabót, að
Friðgeir heitinn hafði þegar unnið vel og áorkað miklu.
Hann var fæddur um vor og á vori kvaddi hann þennan
heim. Sumarið var framundan, tími athafna og óleystra
verkefna. Megi sú sumarbirta, er hann hvarf frá og fékk
ekki notið, lýsa ástvinum hans á langri og farsælli ævi-
braut og leika um minningu hans meðan vakir vor í Dölum.
Friðjón Þórðarson.