Breiðfirðingur - 01.04.1958, Page 4

2
BREIÐFIRÐINGUR
/ nótt ég heyrði þýðari þrastaklið
og þekkur lækjarniður barst að eyra.
Mér fannst ég hrífast öll og vakna við
og vildi fá að nema ennþá fleira.
af því, sem veitti yl og fögnuð forðum,
þá fannst hér allt í sínum traustu skorðum.
í morgun gekk ég út á gróinn völl,
þar glóði allt í fögrum daggartárum,
þá fannst mér rúmast lífs míns unun öll
í einni, skýrri mynd frá liðnum árum,
er pabbi og mamma af sannri elsku sinni
mér sýndu allt hið dýrsta í náttúrunni.
Og náttúran er ennþá söm við sig,
á silfurstrengi lindir tærar spila,
°g fjólan leggst við fjalldrapann á svig
og friðsœld djúp hér brjósti nœr að yla.
Hér finn ég lykil víst að Ijúfum draumi,
og lífsþrá mín er nærð af tímans straumi.
SumariS 1957
Jórnim Ólafsdóttir frá Sörlastöðum.