Breiðfirðingur - 01.04.1958, Side 36

Vorhljómar
Nú heilsar oss röddin himinskær,
í haganum lyng og víðir grær,
í hlíðinni stendur bóndabær
með burstum og hvítum þiljum.
Af heiðinni andar blíður blær
og bunar í fjallagiljum.
En djúpt inni í landi dalur hlær,
þar dansar laxinn í hyljum.
Söngur ómar, loftið ljómar,
lyftist sól úr ægi blá.
Fagur morgunröðull roðar
reynilund og silungsá.
Hér í blárra fjalla faðmi
finn ég svölun æðstu þrá.
Glitrar á blaði á grænum baðmi
gullindaggar morgunbrá.
Hýrt er í sveit,
hjarðir á beit.
Eygi ég út til stranda.
Víðhvelfing há
himinblá!
Lyft mínum anda
ljósvegu á!
Þóra Marta Stefánsdóttir.