Breiðfirðingur - 01.04.1958, Blaðsíða 38

36
BREIÐFIRÐINGUR
Bjarnarhafnarfjall. — Eyrarfjall í baksýn.
kom í ey þá er Mostur heitir og liggur fyrir Sunnhörðulandi,
þar tók við honum sá maður er Hrólfur hét, Ornólfsson
fiskreka. Þar var Björn á laun um veturinn. Hrólfur var
höfðingi mikill og mesti rausnarmaður, hann varðveitti þar
á eynni Þórshof, og var mikill vin Þórs, og af því var hann
Þórólfur kallaður. Hann var mikill maður og sterkur, fríð-
ur sínum og hafði skegg mikið, því var hann kallaður Mostr-
arskegg. Hann var göfugastur maður á eynni. En þegar Har-
aldur konungur spurði að Þórólfur hafði haldið Björn
Ketilsson útlaga konungs, þá gerði hann honum tvo kosti,
annað hvort að fara útlaga sem Björn vin hans, eða leggja
sitt mál á konungsvald. Þetta er sagt að hafi verið tíu vetr-
um eftir að Ingólfur Arnarson fór að byggja ísland, og
þótti sú ferð fræg, því að þeir menn er komu af Islandi,
sögðu þar góða landkosti.