Breiðfirðingur - 01.04.1958, Page 79

Skýrsla um starfsemi
Breiðfirðingafélagsins 1957
Síðastliðið ár hefur Breiðfirðingafélagið starfað með
líkum hætti og áður og stendur hagur þess að flestra dómi
vel, 5 félagsmenn hafa bætzt við en 12 sagt sig úr félaginu,
Þessir félagar hafa látizt á árinu, svo að ég viti:
Ari Arnalds fyrrv. bæjarfógeti frá Seyðisfirði. Hann var
frá Hjöllum í Gufudalssveit. — Eggert Eggertsson frá Bílds-
ey. — Lúther Grímsson frá Langeyjarnesi. — Sverrir Hall-
dórsson frá Stykkishólmi.
Allt voru þetta valinkunnir heiðursmenn og sumir þekkt-
ir um land allt fyrir störf sín og bið ég fundarmenn að votta
minningu þeirra virðingu og ástvinum þeirra samúð með því
að rísa úr sætum.
Stjórnarfundir og skemmtifundir hafa verið margir og
stjórnin hefur rætt ýmis mál en flest viðvíkjandi húsnæði
og eignum félagsins og sömuleiðis væntanlega útgáfu á
Byggðasögu Breiðfirðinga, sem getur hafizt bráðlega eða
þegar nauðsynlegum athugunum og undirbúningi er lokið.
Starfar nú sérstök nefnd í þessu máli og talað hefur verið
við fræðimenn um framkvæmd eða ritun verksins, en enginn
er samt ráðinn ennþá.
Stjórnarfundir munu alls hafa verið 12 á vegum þeirrar
stjórnar, sem nú lætur af störfum, en skemmtifundir alls 11
og eru þá meðtalin laugardagskvöld þau, sem félagið hefur
haft „Búðina“ til dansleikja í fjáröflunarskyni.