Dagblaðið Vísir - DV - 05.10.2018, Blaðsíða 20

20 UMRÆÐA
Sandkorn
5. oktober 2018
DV áskilur sér rétt til að birta aðsent efni blaðsins á stafrænu
formi og í gagnabönkum án endurgjalds. Öll viðtöl blaðsins eru
hljóðrituð. Notkun á efni blaðsins er óheimil án samþykkis.
Aðalnúmer: 512 7000
Auglýsingar: 512 7050
Ritstjórn: 512 7010
Útgáfufélag: Frjáls fjölmiðlun ehf. Stjórnarformaður: Sigurður G. Guðjónsson
Framkvæmdastjóri: Karl Garðarsson Aðalritstjóri og ábyrgðarmaður: Kristjón Kormákur Guðjónsson
Aðstoðarritstjóri: Einar Þór Sigurðsson Prentun: Landsprent Dreifing: Árvakur
Suðurlandsbraut 14
2. hæð
108 Reykjavík
FRÉTTASKOT
512 7070
ABENDING@DV.IS
M
iklar hörmungarfregnir
hafa borist af kísilverk­
smiðju PCC á Bakka
undanfarin misseri. Illa
hefur gengið að koma verksmiðj­
unni í fullan rekstur og enn hefur
seinni ofn hennar ekki komist í
gang þrátt fyrir ítrekaðar tilraunir.
Þá má teljast mikil mildi að starfs­
maður fyrirtækisins hafi ekki látið
lífið þegar skot hljóp í hann úr bys­
su sem notuð þegar tappa á af eina
ofni verksmiðjunnar. Notkun slíks
verkfæris er bönnuð í Noregi en Í
DV í dag er viðtal við starfsmann
verksmiðjunnar sem segir að ís­
lenskir starfsmenn séu á flótta frá
fyrirtækinu vegna mikils álags og
lélegra launa. Heimamönnum
dettur ekki í hug að sækja um
vinnu hjá verksmiðjunni. Þess í
stað eru ráðnir til verksmiðjunnar
erlendir verkamenn, frá Póllandi
og Eystrasaltsríkjunum.
Þá er ónefnd sú hörmung sem
átti sér stað í kísilveri United Sili­
con í Helguvík og er þjóðinni í
fersku minni. Verksmiðjan komst
aldrei almennilega í gang og
Suðurnesjamenn sveið í augun út
af mengunarskýi frá henni. Allt fór
síðan á hvínandi kúpuna og margt
sem bendir til þess að forstjóri fé­
lagsins verði fangelsaður fyrir fjár­
svik.
Meirihluti kísilsins sem fram­
leiddur hefur verið hér á landi
hefur verið seldur til fyrirtækja
sem framleiða sólarsellur. Í dag
er kísill uppistaðan í slíkum sólar­
sellum en þróunin er á þá leið að
sífellt minna magn þarf af efninu
við framleiðsluna. Þessi markað­
ur er síkvikur og þannig hefur verð
á kísil farið hríðlækkandi síðan
árið 2014. Þá gæti verið að önnur
efni, sem eru ódýrari í framleiðslu,
muni koma í stað kísilsins við
framleiðsluna. Á þennan markað
veðjuðu íslensk stjórnvöld fyrir
nokkrum árum og þeir sem það
gerðu hljóta að sofa vel á nóttunni.
Íslenski kísildraumurinn er að
breytast í kísilmartröð. n
Það getur komið fyrir alla
blaðamenn að gera mistök en
það er ekki oft sem þau mistök
draga jafn langan dilk á eftir
sér og þegar Benedikt Bóas Hin-
riksson á Fréttablaðinu gerði
frétt um slys hjólreiðamanna.
Benedikt Bóas las Slysaskýrslu
Samgöngustofu fyrir árið 2016
og birti frétt um að hjólreiða­
menn yllu ótrúlega mörgum
umferðarslysum á hverju ári.
Uppskar hann mikla reiði hjól­
reiðamanna og var fréttin að
lokum leiðrétt á þann veg að
hjólreiðamennirnir hefðu lent
í 90 slysum árið 2016 en ekki
valdið 90 slysum. Í þeim Slysa­
skýrslum Samgöngustofu sem
hafa komið út síðan þá er sér­
stakur viðauki þar sem reynt er
að fyrirbyggja að Benedikt Bóas
misskilji skýrsluna aftur.
Nýr formaður SÍS
tilheyrir B-fólkinu
Aldís Hafsteinsdóttir, bæjarstjóri
í Hveragerði, var nýlega kjörin
formaður Sam­
bands íslenskra
sveitarfélaga.
Hún er fyrst
kvenna til að
gegna því emb­
ætti í rúmlega 70
ára sögu sam­
bandsins. Hún er Hvergerðing­
ur í húð og hár og hefur setið í
stjórn SÍS í meira en áratug.
Það sem færri vita er að hún
er tilheyrir svokölluðu B­fólki,
fólki sem vill vakna seinna og
fara seinna að sofa. Þegar þing­
flokkur Bjartrar framtíðar lagði
fram frumvarp um að breyta
klukkunni á sínum tíma sendi
Aldís inn persónulega umsögn
þar sem hún bað þingmenn
vinsamlegast að breyta ekki
klukkunni því þá hyrfi sólar­
glætan síðdegis. „Við B­fólkið
yrðum fyrir gríðarlegum von­
brigðum ef að þessi breyting
yrði að veruleika,“ sagði Aldís
og bætti við broskalli ætluðum
þingmönnum velferðarnefnd­
ar. B­fólk á Íslandi á því minnst
einn opinberan fulltrúa í efri
lögum stjórnmálanna.
Íslenska kísilmartröðin
Leiðari
Björn Þorfinnsson
bjornth@dv.is
GRÆNA TUNNAN AUÐVELDAR FLOKKUNINA
Pappír, pappa, plast og minni málmhluti
má setja beint í tunnuna - Muna að skola
Pantaðu grænu tunnuna í síma
577-5757 eða www.igf.is/panta
Hugsum áður en við hendum!
Viðauki vegna
Benedikts