Dagblaðið Vísir - DV - 05.10.2018, Blaðsíða 42
Jólahlaðborð 5. október 2018KYNNINGARBLAÐ
BÁRAN RESTAURANT:
Eitt flottasta jólahlaðborðið
á Norðausturlandi
Báran er eini veitingastaðurinn á Þórshöfn og einn allra helsti veitingastaðurinn á stórum
hluta Norðausturlands. Eigandinn
er Nikola Zdenko Peros en hann
er fæddur í New York, er banda-
rískur í móðurættina og króatískur
í föðurættina. Nik, eins og hann er
oftast kallaður, kom fyrst til Íslands
árið 1992 sem skiptinemi í Stykk-
ishólmi og stofnaði þá til tengsla
við Íslendinga sem ekki hafa rofn-
að síðan. Nik hefur starfað mikið
að málefnum skiptinema og komið
þeim í kynni við Ísland. Sú viðleitni
leiddi til þess að hann festi rætur á
Þórshöfn og opnaði veitingastaðinn
Báruna.
Báran er þekkt fyrir sín frábæru
jólahlaðborð og í ár eru tilboð-
in sérlega spennandi. Innifalið í
pakkanum er flug til og frá Akureyri,
fyrir þá sem það hentar, en verðið
er þá 28.900 kr. á mann fyrir flug
báðar leiðir, jólahlaðborð, gistinótt
í tveggja manna herbergi og
morgunverð. Gisting verður í gisti-
húsunum Sandur og Grásteinn.
Jólahlaðborðið eitt og sér kostar
7.900 kr. á mann en jólahlaðborð,
gisting í tveggja manna herbergi og
morgunverður kostar aðeins 14.900
kr. á manninn.
Meðal kræsinga á jólahlað-
borðinu er reyktur lax, hvalkjöt,
grafin gæs, sveitapaté, hreindýra-
kjöt, saltfisksalat, skoskur haggis og
tvíreykt hangikjöt í forrétt. Í aðalrétt
eru kalkúnn, önd og lambalæri. Í
eftirrétt eru meðal annars bland-
aðir ávextir og dýrindis ostar.
Innifalið í málsverðinum eru eitt
bjórglas eða eitt vínglas.
Á öllum jólahlaðborðskvöldunum
verður lifandi tónlist og skemmti-
atriði. Jólahlaðborð verður þann
30. nóvember, 7. desember og 8.
desember. Athugið að ekki er flug í
boði 8. desember.
Pantanir eru í síma 468-1250.
Sjá nánar um Báruna á vefsíð-
unni baranrestaurant.is.