Dagblaðið Vísir - DV - 05.10.2018, Blaðsíða 19

SPORT 195. október 2018
Hermann Hreiðarsson
Fyrsta ár í atvinnumennsku – 23 ára
Harðhausinn frá Vestmannaeyjum var í nokkur
ár að koma sér fyrir í meistaraflokki ÍBV áður en
hann varð að stjörnu. Hermann var alltaf harður
í horn að taka en þótti aðeins of villtur. Eftir að
tókst að beisla krafta Hermanns á réttan hátt, þá
sprakk hann út. Crystal Palace ákvað að kaupa
Hermann frá ÍBV árið 1997, það ár varð ÍBV einmitt
Íslandsmeistari. Hermann lék í 15 ár í atvinnu-
mennsku auk þess sem hann var lykilmaður og
fyrirliði íslenska landsliðsins.
Hannes Þór Halldórsson
Fyrst í atvinnumennsku – 28 ára
Augljósasta dæmið í íslenskum fót-
bolta þegar það kemur að því að gefa
ekki drauma sína upp á bátinn. Númi
í neðstu deild taldi sig ekki hafa not
fyrir fyrir Hannes fyrir ekki svo mörgum
árum. Hann gafst aldrei upp þrátt fyrir
meiðsli og bakslag, fór í neðri deildir á
Íslandi. Vann sig upp hægt og rólega,
endaði í atvinnumennsku árið 2012, þá
lánaður til Brann. Var svo seldur frá KR
árið 2014 og hefur verið í atvinnu-
mennsku síðan þá. Hann hefur staðið í
marki Íslands á EM í Frakklandi og HM í
Rússlandi. Þénar nú vel í Aserbaídsjan.
Umboðsaðilar: Húsgagnaval - Höfn / Bara snilld ehf. - Egilsstöðum
Ívar Ingimarsson
Fyrsta ár í atvinnumennsku – 22 ára
Varnarbuffið frá Stöðvarfirði átti frábæran feril, hann hélt ungur
í borg óttans, Reykjavík, og lék með Val. Hann fór svo tvítugur til
Vestmannaeyja þar sem hann þróaði leik sinn og varð að stjörnu
og 22 ára hélt Ívar í atvinnumennsku. Hann lék í 13 ár á Englandi
og átti ótrúlegan feril, bestu árin hans voru hjá Reading þar sem
hann var í átta ár og átti góð ár í ensku úrvalsdeildinni. Ívar lék
30 A-landsleiki á níu árum.
Andri Rúnar Bjarnason
Fyrsta ár í atvinnumennsku – 27 ára
Þrátt fyrir að Andri sé á fyrsta ári í atvinnumennsku þá hefur þetta fyrsta ár verið farsælt. Saga hans er í raun lygileg,
allt stefndi í að Andri yrði bara gutlari í neðri deildum. Hann virkaði latur og hugsaði ekki um sig eins og íþróttamann. Hjá
Grindavík fann hann hins vegar neistann og setti allt í botn. Á síðasta ári jafnaði hann markametið í efstu deild og fór til
Helsingborg í Svíþjóð, þar hefur hann raðað inn mörkum og einnig spilaði hann sína fyrstu landsleiki á þessu ári. Magnaðar
breytingar á stuttum tíma.
Viðar Örn Kjartansson
Fyrsta ár í atvinnumennsku – 23 ára
Saga Viðars er merkileg, hann var mikið efni á yngri árum
en meiðsli og vondar ákvarðanir seinkuðu frama hans.
Viðar var haustið 2012 að leita sér að liði hér á landi, en
ekkert lið virtist hafa áhuga á honum þegar Fylkir tók
sénsinn. Það bar árangur, Viðar raðaði inn mörkum sem
varð til þess að hann var keyptur til Noregs. Í Noregi raðaði
framherjinn inn mörkum og þaðan lá leiðin til Kína. Viðar
lék svo í Svíþjóð um stutt skeið þar sem hann skoraði mikið
og var hann þá keyptur til Ísrael. Eftir tvö góð ár þar var
Viðar keyptur til Rússlands í sumar. Frábær ferill á stuttum
tíma.
Eyjólfur Gjafar Sverrisson
Fyrsta ár í atvinnumennsku – 21
árs
Saga Eyjólfs er í raun sú ótrúlegasta sem
sést hefur í íslenskum fótbolta, en hann
var í neðri deildum hér á landi með Tinda-
stóli. Ekkert gaf til kynna að Eyjólfur yrði
að stjörnu fyrr en hann fékk tækifæri með
U21 árs landsliðinu. Hann skoraði fernu
gegn Finnlandi árið 1989 sem breytti öllu.
Stórlið Stuttgart festi kaup á Eyjólfi sem
átti fjórtán ára feril í atvinnumennsku.
Hann er goðsögn hjá Hertha Berlin þar
sem hann lauk ferli sínum árið 2003 eftir
átta ára veru í Berlín. Hann lék 66 lands-
leiki og var fyrirliði liðsins um tíma.
Tryggvi Guðmundsson
Fyrsta ár í atvinnumennsku – 24 ára
Það er ekki hægt að tala um að Tryggvi hafi
sprungið seint út en ferill hans hafði náð
flugi nokkrum árum áður en hann hélt út.
Var hann stjarna í sigursælu liði ÍBV áður en
hann hélt í atvinnumennsku eftir tímabilið
1997. Hann var atvinnumaður í sex ár áður
en hann kom aftur heim, hjá FH og ÍBV varð
hann að markahæsta leikmanni í sögu
efstu deildar á Íslandi. Tryggvi minnti einnig
reglulega á sig með A-landsliðinu þar sem
hann lék 42 leiki.
Kári Árnason
Fyrsta ár í atvinnumennsku
– 22 ára
Kári var alltaf öflugur leikmaður en
hann ákvað að ganga menntaveg-
inn framan af, ólíkt mörgum öðrum
sem veðja strax á fótboltann.
Kári hefði vel getað farið fyrr í
atvinnumennsku en hann hélt fyrst
í nám í Bandaríkjunum, þar spilaði
hann einnig fótbolta og vakti
athygli. Eftir öfluga frammistöðu
með Víkingi árið 2004 hélt hann til
Djurgarden í Svíþjóð. Kári hefur átt
frábæran feril í atvinnumennsku
sem hefur nú verið í gangi í 14 ár,
hann leikur nú í Tyrklandi og hefur
að auki átt frábæran feril með
íslenska landsliðinu.
Hjálmar Jónsson
Fyrsta ár í atvinnumennsku – 22 ára
Drengurinn frá Egilsstöðum var ekki mikið
í sviðsljósi hér á landi, hann lék í tvö ár með
Keflavík áður en útlönd kölluðu. Hjálmar lék
í 14 ár með einu og sama liðinu í atvinnu-
mennsku, hann var á mála hjá IFK Gautaborg
í Svíþjóð til ársins 2016. Hjálmar er goðsögn
hjá félaginu en oft átti hann í erfiðleikum með
íslenska landsliðinu. Hjálmar lék 21 leik með
A-landsliði Íslands á sínum ferli.