Dagblaðið Vísir - DV - 01.06.2018, Side 4

4 1. júní 2018fréttir
Svarthöfði
Það er
staðreynd að …
Um 40.000 Bandaríkjamenn slasa sig á
klósettum ár hvert
Allir svanir Englands eru eign
Bretlandsdrottningar
Árið 1980 neyddist spítali einn í Las
Vegas til þess að reka hóp starfsmanna.
Ástæðan var sú að þeir höfðu smitast
um of af andrúmslofti borgarinnar og
voru byrjaðir að veðja á hvenær sjúk-
lingar myndu gefa upp öndina
1% kvenna geta fengið fullnægingu
með því að örva aðeins brjóstin
Robert James Fischer er af flestum
talinn vera sterkasti skákmaður allra
tíma. Hann lést árið 2008, þá orðinn
íslenskur ríkisborgari. Þegar Fischer
lést var hann 64 ára gamall og hafði
því lifað eitt ár fyrir hvern reit á
skákborðinu
Skammastu þín!
S
é að þú ert að fletta tekju-
blaðinu. Svarthöfði er ekki
hrifinn af því. Fannstu
þennan sem þú varst að
leita að? Líður þér betur með að
vita hvað yfirmaður þinn er með
í laun? Nei, að sjálfsögðu ekki.
Svarthöfði er einn af þeim sem
vilja ekki að þú vitir hvað aðrir eru
með í laun. Það kemur engum við
og elur bara á óánægju þjóðarinn-
ar.
Ísland féll um heilt sæti yfir
hamingjusömustu þjóðir í heimi
á lista Jarðarstofnunar Columbia-
háskóla, fór úr þriðja sæti í hið
fjórða. Svarthöfði telur borðleggj-
andi að þessi óhamingja þjóðar-
innar eigi rætur sínar að rekja til
öfundar, öfundar sem tekjublöðin
ýta undir.
Þar að auki er galið að á tím-
um persónuverndar, tímum þar
sem löggjafinn og Facebook vinna
hörðum höndum við að verja
persónulegar upplýsingar að það
sé heill dagur á ári þar sem Skatt-
mann birtir bara það sem hann
veit um okkur. Getur þú ímynd-
að þér dag þar sem lögreglan birt-
ir bara málaskrána og leyfir hvaða
plebba sem er að athuga hvort
löggan hafi tekið tengdó fullan úti
að keyra? Að sjálfsögðu ekki. Það
er einkamál.
Svo er heldur ekkert að marka
þessar tölur, Skattmann kann ekki
að lesa ef hann heldur að rappar-
inn frægi, þú veist alveg hver, lepji
dauðann úr skel. Auðvitað er hann
ekki með 90 þúsund kall á mánuði
þegar hann tekur 200 þúsund fyrir
giggið. Skattmann er bara blindur
og kann ekki að telja núll.
Þar að auki grafa þessar upp-
lýsingar undan trúnaði á vinnu-
markaði. Yfirmaður þinn, sem
á skilið hærri laun en þú, verð-
ur að geta látið góða starfsmenn
fá hærri laun en þá lélegu. Annað
er bara kommúnismi. Ef laun allra
eru bara birt þá gætir þú komist að
því að þú ert versti starfsmaðurinn
í allri búllunni. Það er algjör óþarfi
að þú þurfir að vita það. Þér mun
bara líða illa.
Hörpumálið hefur kennt okkur
að umræða um laun fara alltaf út í
tóma steypu. Það leið engum með
lægri laun en Svanhildur Kon-
ráðs betur að vita að hún væri
með topplaun. Það varð bara til
að espa fólk upp og láta það garga
í athugasemdakerfinu. Eins og
milljón hér og þar skipti einhverju
máli í stóra samhenginu. Birting
á tekjum dregur úr trausti allra á
náunganum. Orð fá því ekki lýst
hvað það er skelfilegt að vita til
þess að þú sért að lesa tekjublaðið.
Skammastu þín! n
D
æmi eru um að yfir 200
einstaklingar séu skráðir
með lögheimili í einu ein-
býlishúsi á höfuðborgar-
svæðinu. Í byrjun árs hófst Þjóð-
skrá Íslands handa við að skoða
þessi mál sérstaklega í kjölfar
fjölmargra ábendinga. Forstjóri
stofnunarinnar, Margrét Hauks-
dóttir, segir að þetta vandamál sé
nýtt af nálinni en langan tíma geti
tekið að flytja lögheimili þessara
einstaklinga og skrá þá til heimil-
is erlendis eða annars staðar. Eig-
andi starfsmannaleigu segir að
vandamálið felist meðal annars í
því að margir þessara starfsmanna
færi sig yfir í iðnaðarhúsnæði á
höfuðborgarsvæðinu og þangað
geti þeir ekki fært lögheimili sitt.
Kerfi Þjóðskrár sé því úrelt að
hennar mati og það þurfi að laga
að breyttum tímum.
Yfir 60 skráðir í húsi sem senn
verður rifið
Í síðustu viku fjallaði DV um mál-
efni Elju – þjónustumiðstöðvar at-
vinnulífsins hf., sem er umfangs-
mesta starfsmannaleiga landsins.
Fyrirtækið leigir einbýlishús af
fjárfestingarsjóðum sem eru í
rekstri GAMMA og endurleigir
húsnæðið til starfsmanna sinna. Í
greininni var rakið
hvernig mörg húsanna voru lög-
heimili gríðarlegs fjölda einstak-
linga. Meðal annars tvö ein-
býlishús í Árbæ, Melás 16 og
Bröndukvísl 9. Í fyrrnefnda húsinu
voru 122 einstaklingar skráðir til
heimilis og 39 í hinu síðarnefnda.
Eftir að fréttin birtist báru fleiri
ábendingar um slík hús. Eitt af
þeim er einbýlishús í Hafnarf-
irði sem stendur á útsýnislóð við
Hellubraut 7. DV hefur áður fjall-
að um húsið en um árabil hefur
verið deilt um þær fyrirætlanir
eiganda hússins, Gunnars
Hjaltalíns endurskoðanda, að
rífa það og byggja glæsihýsi á
lóðinni. Gunnar fékk samþykkta
deiliskipulagsbreytingu og um-
sókn um byggingarleyfi en við það
voru nágrannar ósáttir og stefndu
bænum. Byggist stefnan meðal
annars á því að húsið sé friðað að
þeirra mati. Þegar húsinu var flett
upp í Þjóðskrá Íslands kom í ljós
að rúmlega sextíu erlendir karl-
menn, flestir frá Lettlandi og Lit-
háen, voru skráðir með lögheim-
ili í húsinu.
„Þetta vandamál er nýtt af nál-
inni og í raun sláandi. Við feng-
um ábendingar í kringum áramót
og höfum síðan verið að vinna í
að vinda ofan af vandamálinu,“
segir Margrét Hauksdóttir í sam-
tali við DV. Að sögn Margrétar eru
hundruð mála í skoðun en leið-
réttingarferlið sé tímafrekt. „Við
höfum fyrst samband við þinglýsta
eigendur eignarinnar og fáum
staðfestingu frá þeim um hversu
margir búa í eigninni. Síðan þurf-
um við að reyna að hafa uppi á
þeim sem eru fluttir á brott,“ seg-
ir Margrét. Það er gert með öllum
mögulegum boðleiðum auk þess
sem kannað er, með hjálp skatt-
yfirvalda, hvort viðkomandi sé að
fá greiddar tekjur hérlendis. Þegar
öllum steinum hefur verið velt við
þá er viðkomandi skráður með
búsetu í heimalandi sínu.
Geta ekki fært lögheimili sitt
yfir í iðnaðarhúsnæði
Áðurnefnt hús við Hellubraut
var um tíma í leigu hjá starfs-
mannaleigunni Menn í vinnu ehf.
Mennirnir sem enn eru skráðir í
húsið komu til landsins að vinna á
vegum fyrirtækisins og hafa sumir
hverjir yfirgefið landið eða horfið
til annarra starfa hér á landi. „Við
vorum með húsið í leigu í nokkra
mánuði fyrir þessa starfsmenn en
samningnum var sagt upp þegar
eigandinn fékk leyfi til að rífa hús-
ið,“ segir Halla Rut Bjarnadóttir,
hjá Mönnum í vinnu ehf., í sam-
tali við DV. Að hennar sögn hafi
margir starfsmenn þá flutt sig yfir
í annað leiguhúsnæði og í mörg-
um tilvikum sé um iðnaðarhús-
næði að ræða. „Þangað er ekki
hægt að færa búsetu sína og því
neyðast þessir starfsmenn til að
halda lögheimilisskráningu sinni
óbreyttri,“ segir Halla Rut. Þá segir
hún einnig að þeir starfsmenn
sem hafi hér skamma viðveru hafi
engan hvata til að flytja lögheimili
sitt til útlanda. Þeir einfaldlega láti
sig hverfa. n
Hver er
hann
n Hann er fæddur
árið 1992 og er frá
Selfossi.
n Hann þótti strax
sem krakki efnilegur
knattspyrnumaður
sem var harður í horn
að taka. Hann lék sinn
fyrsta leik í meistara-
flokki aðeins 16 ára
gamall.
n Árið 2013 var hann seldur til
norska liðsins Viking FK í Noregi.
n Þótt hann leiki sem fremsti mað-
ur er hann þekktari fyrir baráttu
sína og endalaus hlaup á vellinum.
n Hann lék með landsliðinu á
EM í Frakklandi og skoraði eitt af
mörkum liðsins gegn Austurríki.
Í dag leikur hann með Reading í
Englandi.
Jón Daði
hundruð falskra
lögheimilisskráninga
n 200 útlendingar skráðir til heimilis í einbýlishúsi n Þjóðskrá kannar málið„Þetta vandamál er
nýtt af nálinni og í
raun sláandi.
Húsið að Hellubraut 7 fær ekki rólegt
ævikvöld. Tekist er á fyrir dómstólum um
niðurrif þess. Á meðan eru yfir 60 einstak-
lingar skráðir með lögheimili sitt þar. Af
þeim sést hvorki tangur né tetur.
Björn Þorfinnsson
bjornth@dv.is