Dagblaðið Vísir - DV - 01.06.2018, Síða 71
Beint frá býliHelgarblað 1. júní 2018 KYNNINGARBLAÐ
Í Laxárdal í Skeiða- og Gnúp-verjahreppi er Korngrís, fjöl-skyldusvínabú, sem hjónin
Hörður Harðarson og María Guðný
Guðnadóttir reka ásamt syni sínum,
Björgvini Harðarsyni, og konu hans,
Petrínu Þórunni Jónsdóttur.
„Svínabúið hefur verið rekið frá
árinu 1978 og árið 2007 fórum við
að þróa ræktun á innlendu hráefni
sem notað er í fóðrið fyrir svínin,“
segir Björgvin. „Dýrin okkar eru alin á
íslensku fóðri, byggi, repju og hveiti.
Fóðrið jafnast á við það innflutta
að gæðum. Við létum gera lauslega
athugun á innihaldi fitu og þar kom
fram að fita í kjöti dýra sem er alin á
íslensku fóðri er hollari en hjá dýrum
sem alin eru á öðru fóðri. “
Þegar góð uppskera er og af-
gangur af fóðri hefur Korngrís selt
umframfóður og í fyrra seldu þau
um 200 tonn. Meginmarkmiðið er
þó að framleiða fyrir eigið bú.
Opna eigin kjötvinnslu um miðjan
júní
„Við leggjum mest af okkar afurð-
um inn hjá SS en einnig er selt í
beinni sölu í hálfum skrokkum, ýmist
unnum eða óunnum. Algengara er
að Íslendingar af erlendum uppruna
vilji kaupa kjötið óunnið, þar sem
þeir eru vanir því.“
Kjötið er keyrt eða sent til við-
skiptavina á miðvikudögum.
Um miðjan júní opnar Korngrís eigin
kjötvinnslu. „Þar munum við koma
til með að vinna eigið kjöt og mun-
um selja það aðallega á Suðurlandi
og í uppsveitum Árnessýslu, bæði í
verslunum og beint til viðskiptavina
og þá er hægt að kaupa í hvaða
magni sem er.
Pizzavagninn býður upp á botna að
hluta til úr íslensku hveiti
Petrína og Björgvin Þór reka einnig
Pizzavagninn, sem er búinn að vera
í rekstri í 14 ár, hann er í rekstri allt
árið og fer um uppsveitir Árnessýslu.
Á heimasíðu hans, pizzavagninn.is,
má sjá hvar hann er á ferðinni.
„Við munum nýta eigin vinnslu-
vörur sem hráefni þar,“ segir Björg-
vin. „Við setjum upp litla kornvinnslu
þar sem við nýtum eigið hveiti í
pizzabotnana. Þetta verður komið
í gang um miðjan júní, þannig
að þá verða pizzubotnarnir
að hluta til úr íslensku hveiti.
Pizzavagninn verður því
sannarlega beint frá býli.“
Upplýsingar um vinnslu-
möguleika og aðrar
upplýsingar má finna á
Facebook-síðu Korngríss.
Pantanir og fyrirspurnir
má senda á korngris@
korngris.is
Heimasíða: korngris.
is og
pizzavagninn.is
Facebook: korngris
KORNGRÍS
Fjölskyldubú með eigin
fóðurræktun