Dagblaðið Vísir - DV - 01.06.2018, Qupperneq 88
88 1. júní 2018fréttir - eyjan
n Unga fólkið rís til valda í Grindavík n Sósíalistar marsera til sigurs í Reykjavík
Rödd unga fólksins í Grindavík
+19,2%
Það er greinilegt að eftirspurn var eftir rödd unga fólksins í Grindavík.
Framboðið, sem bauð fram í fyrsta skipti, fór strax upp í 19,2% og
skákaði þar með Samfylkingunni, Miðflokknum og Framsóknarflokkn-
um. Framboðið á rætur sínar að rekja til spjalls meðal ungs fólks sem flutti
aftur í bæinn að loknu námi og gat ekki hugsað sér að leita eftir sætum á
listum annarra flokka. Hin 27 ára gamla Helga Dís Jakobsdóttir er eini bæjarfulltrúi flokksins en
aðeins 14 atkvæðum munaði að unga fólkið næði inn tveimur.
Sósíalistar og Viðreisn í Reykjavík
+6,4% og +8,2%
Kosningabaráttan í Reykjavík var æsispennandi
á lokametrunum og á kosninganóttinni.
Sjálfstæðisflokkurinn bætti fimm pró-
sentustigum við sig frá síðustu kosningum
en það er minna en það sem nýju flokkarnir
fengu. Miðflokkurinn náði 6,1% í sínum fyrstu
kosningum. Sósíalistaflokkurinn kom sterkur inn
í könnunum og náði 6,4%. Viðreisn má segja að hafi
verið sigurvegari kosninganna með 8,2% og tvo fulltrúa í sínum fyrstu kosningum. Dugði
það til að komast í oddastöðu.
Framsókn í Reykjavík
-7,5%
Framsóknarflokkurinn vann frækinn sigur í Reykjavík árið 2014
og náði inn tveimur fulltrúum í borgarstjórn. Báðir þeir fulltrúar
yfirgáfu flokkinn, Guðfinna Guðmundsdóttir fór yfir í Miðflokkinn
og Sveinbjörg Birna Sveinbjörnsdóttir fór í sérframboð en náði ekki
kjöri. Ingvar Mar Jónsson naut stuðnings ráðherra flokksins en náði
ekki að halda nema hluta af fylginu frá 2014.
Framsókn í Borgarbyggð
+9.1%
Framsóknarflokkurinn í Borgarbyggð tók nánast tíu prósentustig
í heilu lagi af Sjálfstæðisflokknum og stökk yfir hann sem stærsti
flokkurinn í sveitarfélaginu. Á sama tíma tóku Vinstri græn hluta
af fylgi Samfylkingarinnar en ekki jafn áberandi og Framsókn undir
forystu Guðveigar Önnu Eyglóardóttur.
Sjálfstæðisflokkurinn í Eyjum
-27,7%
Sjálfstæðisflokkurinn tapaði stórt í Vestmannaeyjum í ár eftir
að hafa unnið stórsigur fyrir fjórum árum, sigur sem var svo stór
að þrátt fyrir tap upp á nærri 28 prósentustig þá munaði aðeins
nokkrum atkvæðum að flokkurinn héldi meirihlutanum. Elliði
Vignisson, sem setið hefur sem bæjarstjóri frá árinu 2006, er á útleið
og allt bendir til að Sjálfstæðisflokkurinn verði í minnihluta í bænum
næstu fjögur árin. Fyrir Heimaey tók stóran hluta atkvæðanna en oddvit-
inn og hluti frambjóðenda var áður í Sjálfstæðisflokknum.
Íslenska þjóðfylkingin
125 atkvæði af 60 þúsund
Engum lista hefur verið jafn áberandi hafnað af borgarbúum og
Íslensku þjóðfylkingunni. Framboðið fékk aðeins 125 atkvæði
sem er einu atkvæði minna en fyrra met Húmanistaflokksins árið
2002. Sextán framboð voru í Reykjavík að þessu sinni og eru nú sex
þeirra á listanum fyrir tíu framboð sem hafa fengið fæst atkvæði frá
upphafi. Frelsisflokkurinn, Alþýðufylkingin, Borgin okkar-Reykjavík og
Höfuðborgarlistinn fengu öll færri atkvæði en á meðal vinalista á Facebook.
S
jálfstæðisflokkurinn hélt
velli eða bætti við sig fylgi
á flestum stöðum á landinu
í nýafstöðnum kosning
um, sérstaklega í Reykjavík en síst
í Vestmannaeyjum. Flokkurinn
bætti við sig 5 prósentustigum og
rúmum 4.000 atkvæðum í Reykja
vík. Á sama tíma tapaði flokk
urinn naumlega meirihluta sínum
í Vestmannaeyjum. Samfylkingin
er sem áður áberandi sterkari í
höfuðborginni en á landsvísu,
öfugt við Framsóknarflokkinn sem
þurrkaðist út í borginni í annað
skiptið á innan við áratug, á sama
tíma og flokkurinn mælist víða
sterkur á landsbyggðinni. Vinstri
græn voru heppin að borgar
fulltrúum fjölgaði um átta því
annars hefði oddvitinn ekki náð
inn, ekki er þó hægt að fullyrða
að Vinstri græn séu á undanhaldi
um allt land því flokkurinn bætti
við sig fulltrúum í Borgarbyggð og
Skagafirði. Björt framtíð bauð ekki
fram og því dreifðust meira 8.000
atkvæði sem flokkurinn fékk árið
2014 yfir á önnur framboð.
Andi Jóns Gnarr og Besta
flokksins svífur þó enn yfir vötnum
þar sem metfjöldi framboða var á
kjörseðlinum í Reykjavík. Rúm
5.000 atkvæði féllu niður dauð af
þeim rúmu 60 þúsund sem voru
talin. Hinn svokallaði fjórflokk
ur á verulega undir högg að sækja
í Reykjavík og féll meira en einn
þriðji af öllum atkvæðum sem
greidd voru í borginni til flokka
sem voru stofnaðir árið 2013 eða
síðar. DV tók saman stóru sig
urvegarana í kosningunum og
stærstu ósigrana. n
Ari Brynjólfsson
ari@dv.is
Sigrar og óSigrar
„Engum lista hefur
verið jafn áberandi
hafnað af borgarbúum og
Íslensku þjóðfylkingunni.
Framboðið fékk aðeins
125 atkvæði sem er einu
atkvæði minna en fyrra
met Húmanistaflokksins
árið 2002.
Dropi af
náttúrunni
Kaldunnin þorsklifrarolía
Íslensk framleiðsla
60 hylki
120/180 hylki
220 ml