Dagblaðið Vísir - DV - 01.06.2018, Qupperneq 8

8 1. júní 2018fréttir
Bæjarfulltrúi leigir
út íBúðarrými í ólög-
legu iðnaðarhúsnæði
Er formaður verkalýðsfélagsins í Sandgerði en samdi við einstakling um húsaskjól í staðinn fyrir vinnu„Það er maður sem hefur verið þarna í skipti-
vinnu. Hann gerði þessa íbúð klára bara fyrir
sjálfan sig og fékk að vera þarna, það er ekkert flókið.
Í
nýafstöðnum sveitarstjórnar­
kosningum í sameinuðu
sveitarfélagi Sandgerðis og
Garðs vann H­listinn góðan
kosningasigur. Alls voru níu sæti
bæjarfulltrúa í boði og hreppti H­
listinn tvö þeirra. Skömmu eftir
kosningar var tilkynnt um að
meirihlutaviðræður H­listans og
Sjálfstæðisflokksins stæðu yfir en
listi hinna síðarnefndu hreppti
þrjú sæti í bæjarstjórn. Oddviti H­
listans, Magnús Sigurjón Magnús­
son, sem er formaður Verkalýðs­
og Sjómannafélags Sandgerðis,
á og leigir út þrjár íbúðir í ólög­
legu húsnæði í bænum. Magnús
átti sæti í bæjarstjórn síðasta kjör­
tímabil en pólitískir andstæðingar
hans vilja meina að slíkt brask
sæmi ekki bæjarfulltrúa í sveitar­
félaginu. Magnús vísar því á bug
og segir ekkert óeðlilegt við við­
skipti sín.
Fékk húsnæði fyrir vinnu
Magnús keypti um mitt ár 2011
af Landsbankanum og var kaup­
verðið 12,2 milljónir króna. Um
er að ræða tvö iðnaðarbil, annars
vegar rými sem er 65 fermetrar og
hins vegar rými sem er 140 fer­
metrar. Í dag er búið að innrétta
þrjú íbúðarrými í húsnæðinu og
leigir bæjarfulltrúinn þau út.
DV hafði samband við Magnús
og spurðist fyrir um eignirnar
og hvernig til kom að hann
fór að leigja þær út. „Það
kom bara til að ég var
með skrifstofuhús­
næði þarna og það
fengu menn að
vera þarna inni,
það er ekkert,“
sagði Magnús.
Þegar hann var
spurður um
hversu margir
einstaklingar
væru í húsnæð­
inu sagði hann
þá vera tvo. Eftir
að blaðamaður
tilkynnti honum að
höfundar greinar­
innar hefðu farið
að skoða húsnæðið
og fengið þær upp­
lýsingar frá íbúa að
þrjár íbúðir væru leigð­
ar út, breytti hann frá­
sögn sinni á þá leið
að hann væri
aðeins að
leigja
tvær út og eina væri hann bara
að lána. „Það er maður sem hef­
ur verið þarna í skiptivinnu. Hann
gerði þessa íbúð klára bara fyrir
sjálfan sig og fékk að vera þarna,
það er ekkert flókið,“ sagði verka­
lýðsleiðtoginn.
Magnús
upp­
lýsti blaðamann enn fremur um
að hann rukkaði um 100 þúsund
krónur fyrir bæði rýmin sem eru í
útleigu.
Málið fór heldur að flækjast
þegar DV óskaði eftir upplýsing­
um um hvort Magnús hefði óskað
eftir leyfi fyrir framkvæmdunum.
Hann játti því en sagði síðan að
hann væri ekki búinn að skila inn
teikningum. Þess má geta að DV
hafði samband við skipulags­ og
byggingarfulltrúa Sandgerðis eftir
símtalið. Samkvæmt því samtali
hefur enginn sótt um leyfi til að
breyta húsnæðinu í íbúðar­
húsnæði. Hvorki umsókn né
teikningar liggja inni á borði
yfirvaldsins vegna Strand­
götu 21a og b.
Þegar Magnús var spurð­
ur hvort svona brot hæfði
bæjarfulltrúa og formanni
verkalýðsfélags svaraði
hann: „Nú ertu kominn út
í einhverja hártogun, en ég
er staddur úti á golfvelli og
gefðu mér aðeins tíma til að
hérna … og hringdu aftur í
mig þegar ég er kominn í land
allavegana”
DV reyndi ítrekað að hafa
samband við Magnús eftir þetta
símtal en án árangurs. n
Bjartmar Oddur Þeyr Alexandersso
Björn Þorfinnsson
bjornth@dv.is/ bjartmar@dv.is
Magnús Sigfús Magnússon bæjarfulltrúi.
Nýkjörinn bæjarfulltrúi, Magnús Sigfús
Magnússon, leigir út tvær íbúðir í þessu
ólöglega iðnaðarhúsnæði í Sandgerði.