Dagblaðið Vísir - DV - 01.06.2018, Qupperneq 76
Beint frá býli Helgarblað 1. júní 2018KYNNINGARBLAÐ
Á Háafelli búa hjónin Jóhanna B. Þorvaldsdóttir og Þorbjörn Oddsson, sem hafa síðan
árið 2004 verið með geitafjárrækt á
bænum. Þar eru allir velkomnir sem
hafa áhuga á íslensku geitinni og
sögu hennar hérlendis, hægt að er
fóstra geitur og kaupa geitaafurðir
beint af býli.
„Ég byrjaði á að fá mér geitur
af því þær eru svo skemmtilegar,“
segir Jóhanna. „Við erum fyrst og
fremst með íslenska geitastofninn
og að kenna fólki að nýta afurðirnar.
Geitamjólkin er algjört sælgæti og til
dæmis góð fyrir ungbörn sem þola
ekki móðurmjólkina.“
Á Háafelli eru 228 geitur og
um 160 sem eignast kiðlinga í vor.
Fjölmargar afurðir eru búnar til úr
geitamjólkinni: ostar, sápur, krem, ís.
Auk þess er kjötið selt, skinnin sútuð
og kasmírullin nýtt.
Fræðsla um geiturn-
ar í vinaheimsókn
„Fólk var farið
að koma dag-
lega hingað
til að sjá
geiturnar
og mað-
ur náði
ekkert
að vinna
önnur
verk á
meðan, ég
byrjaði því
að taka fyrir
heimsóknina,
sem hefur svo
sannarlega undið upp
á sig. Við erum bóndabær og
erum ekki að hugsa þetta sem ferða-
þjónustu, þetta er eins og þú sért
að koma í vinaheimsókn. Við segjum
sögu geitarinnar á Íslandi, af hverju
við erum með þær, frá afurðum og
sögu okkar, hvernig við vorum næst-
um búin að tapa jörðinni út af þeim
en var bjargað með „Crowdfunding“
frá Bandaríkjunum.“ Innifalið í
heimsókninni er kaffi, te
og smakk á afurðum,
heimsóknin kostar
1.500 krónur
fyrir fullorðna
og 750 krónur
fyrir börn
7–17 ára.
Opið er frá
1. júní til 1.
ágúst alla
daga frá kl.
13–18. Utan
þess tíma er
opið samkvæmt
samkomulagi.
Flestir gestanna
eru íslenskir og segir
Jóhanna það vera orðinn
hluta af sumarfríi margra að koma á
Háafell.
Vinsælt að taka geitur í fóstur
Mjög vinsælt er að taka geitur í
fóstur, en hjónin á Háafelli
byrjuðu að bjóða upp
á það þegar rekstur
var þungur. „Þetta
varð vinsælt og við
kölluðum fólkið
varnarherinn okk-
ar,“ segir Jóhanna.
„Fólk fær skjal um
fóstrunina, ég
sendi myndir af
geitinni til viðkom-
andi og þetta skapar
skemmtileg tengsl.
Fóstrun kostar 10. 000
krónur sem dekkar tvær
heimsóknir fyrir tvo full-
orðna og tvö börn.“
Fjöldi afurða unninn úr geitamjólk-
inni
„Ég mátti ekki gera osta hér heima
þar sem ég var ekki með viðurkennda
aðstöðu þannig að ég fór að búa
til sápur. Geitamjólk er gömul hefð
víða um heim í húðvörum. Sápan
er að hjálpa mikið fólki sem er með
exem og þurra húð. Ég nota hana í
andlitið og hún hjálpar þeim
sem eru með sóríasis í
hársverði, þeir nota
hana í staðinn
fyrir sjampó.“
Sápan er
handverk
og fæst
aðeins að
Háafelli
eða í
heimsendingu.
„Ég geri krem úr
tólginni, í gamla daga
var hún notuð á exem og
til að græða sár þannig að
ég fór að þróa hana áfram. And-
litskrem, verkjastillandi og bólgueyð-
andi húðolía og græðandi krem eru
í boði.
Á Erpsstöðum er gerður feta-
ostur fyrir okkur og hvít-
mygluostur fyrir jólin.
Ég rækta krydd-
jurtirnar sjálf og
krydda ostinn
með. Pip-
arminta og
lavender
kemur
mikið á
óvart. Kjöt-
port gerir
tvenns
konar pyls-
ur og paté,
Holtssel gerir
ís, ég geri sjálf
sultur, hlaup og
síróp. Skinnin eru
sútuð og ýmist seld
heil eða sem innlegg í
skó. Á geitunum er kasmírull
sem er hægt að kemba af en heilmik-
ill tími fer í það, ullin fer í Uppspuna í
vinnslu. Við erum líka með Game of
Thrones-leikara í geitalíki.
Það er einnig loksins kominn
veitingastaður, Kraumi, sem kaupir
kjöt af
okkur.
Þar má fá Háafellsplatta og tveir
aðrir veitingastaðir nota mikið af osti
frá okkur.“
Hleðslustöð fyrir rafbíla er komin
að Háafelli og í sumar verður boðið
þar upp á vöfflur og fleira
meðlæti. „Maður er
alltaf að reyna að
bæta einhverju
við,“ segir
Jóhanna.
Heimsókn
á Háafell
er kjörin í
sumar til
að fræðast
um íslensku
geiturn-
ar, sögu
þeirra og
að smakka á
afurðum geit-
anna.
Allar upplýsingar
um geiturnar og afurðir
þeirra má fá á geitur.is, síminn
er 435-8831 og netfangið haafell @
gmail.com.
„Ef þú ert með góðan garð
og geitur þá geturðu gert
allt mögulegt“
GEITFJÁRSETRIÐ Á HÁAFELLI Í BORGARNESI