Dagblaðið Vísir - DV - 01.06.2018, Síða 94

94 fólk 1. júní 2018
Hverjum líkist þú mest? Pabba mínum.
Hvað halda margir um þig sem er alls ekki
satt? Ég veit það ekki. Partídýr kannski.
Í hverju finnst þér þú vera betri en aðrir?
Ég er jafningi allra.
Hvað viltu að standi skrifað á legsteinin-
um þínum? Amen.
Ef þú mættir velja eitt lag sem yrði alltaf
spilað um leið og þú gengir inn í herbergi
allt þitt líf, hvaða lag myndirðu velja?
Hlynur kærasti minn – playlistinn hans á
Spotify.
Ef þú þyrftir að dansa til að bjarga lífinu,
undir hvaða lagi myndirðu vilja dansa?
Þögnina.
Hvað ætti ævisagan þín að heita? Ellý
sigrar heiminn.
Hvað er það furðulegasta sem þú hefur
keypt? Tupperware.
Hvaða ósið hefur þér reynst erfiðast að
hætta? Rjómi. Ég elska rjóma.
Hverju laugstu síðast? Að ég
ætti afmæli, við afgreiðslu-
manninn í vöffluvagninum.
Hann gaf mér extra rjóma.
Ef þú mættir bæta
við ellefta boðorðinu,
hvernig hljómaði það?
„Ekki dæma náungann því
þú veist ekki „shit“.
Hvað í hegðun hins kynsins ruglar
þig mest? Hugsanir.
Á hvern öskraðirðu síðast?
Mig sjálfa. Finnst ég ekki standa mig nægi-
lega vel stundum.
Hver er fyndnasta „pick-up“-línan sem
þú hefur heyrt? Hæ, viltu spá fyrir mér?
Hvað er löglegt í dag en verður það
líklega ekki eftir 25 ár? Orkudrykkir.
Hver er versta vinnan sem
þú hefur unnið? Þjónastarf
þar sem ég þurfti að klæðast stuttu
pilsi, skyrtu og bindi. Sagði upp vinnunni
sama dag og ég byrjaði.
Um hvað varstu alveg viss þangað til þú
komst að því að þú hafðir rangt fyrir þér?
Þegar ég tók erlent lán.
Hvert er þitt stærsta líkamlega afrek í
lífinu? Börnin mín.
Hvað ættu allir að prófa að minnsta
kosti einu sinni í lífinu? Verða ástfangnir,
sannarlega.
Nú labbar mörgæs með kúrekahatt inn
um dyrnar hjá þér. Hvað segir hún og af
hverju er hún þarna? Hæ, langar að kaupa
af þér málverk.
Hver er tilgangurinn með þessu jarðlífi?
Kærleikur.
Hvað er fram undan um helgina? Mála,
mála, mála og elska Hlyn og kenna í Fitness
Reebok.
Ragna Gestsdóttir
ragna@dv.is
Bókin á náttborði
Guðríðar
„Var
að ljúka við
spennubókina Kona
bláa skáldsins eftir Lone
Theils og fannst hún mjög
fín, þetta er önnur bókin á
íslensku um dönsku blaðakonuna
Nóru Sand. Þar áður endurnýjaði ég
kynnin af Kapítólu sem hefur elst ansi
vel. Ég reyni alltaf að lesa eitthvað á
ensku líka og síðast voru það bækur
eftir Dean Koontz; The Silent Corner og
The Whispering Room. Þetta eru fyrstu
bækurnar um Jane Hawk, FBI-konu
sem fer að rannsaka dularfullt andlát
eiginmanns síns og eignast við það
volduga og hættulega óvini. Hörku-
spennandi bækur. Nú er ég að lesa
The Fifth Witness eftir Michael
Connelly og næst eru það
Stormfuglar eftir
Einar Kárason.“
Silja Aðalsteinsdóttir:
„Salka Valka opnaði augu mín
fyrir mínum eigin leyndarmálum“
Silja Aðalsteinsdóttir, íslensku- og bókmenntafræðingur, þýðandi og ritstjóri, hefur sent frá sér margar
bækur um íslenskar bókmenntir. Silja var
lengi ritstjóri Tímarits Máls og menningar
og starfar nú sem ritstjóri hjá Forlaginu.
En hvaða bækur ætli séu í uppáhaldi hjá
Silju?
Hvaða barnabók er í uppáhaldi og
af hverju?
Ég hélt mikið upp á bækur Stefáns
Jónssonar þegar ég var stelpa og þær hafa
fylgt mér alla tíð. Erfiðust þeirra allra var
Fólkið á Steinshóli en mér finnst eftir á að
hyggja að hún hafi opnað augu mín fyrir
ýmsu sem börn eiga erfitt með að átta
sig á, til dæmis því að fullorðnir eiga sér
sársaukafull leyndarmál og þeir taka oft
alvitlausar ákvarðanir – þó að þeir eigi að
vita betur. Svo hélt ég svakalega mikið
upp á bækur Erichs Kästner, Lísa eða
Lotta – um tvíburasysturnar sem skiptu
um hlutverk –, Ögn og Anton og Emil og
leynilögreglustrákana. Frábærlega vel
skrifaðar og skemmtilegar bækur. Mikið
vildi ég óska að þær yrðu gefnar út aftur!
Svo voru ævintýrabækur Enid Blyton
náttúrlega lesnar oft.
Hvaða bók
er uppá-
halds og af
hverju?
Salka Valka
eftir Halldór
Laxness
af því hún
opnaði
augu mín
fyrir mínum
eigin leyndar-
málum. Ég hef
oft sagt að það sé
næstum því óhugn-
anlegt hvað Halldór,
þá ungur maður, skilur
vel hvernig það er að vera
stelpa og ung kona.
Hvaða bók mundirðu mæla með
fyrir aðra og af hverju?
Það fer algerlega eftir því hver mann-
eskjan er sem biður um meðmæli.
Hvaða bók hefurðu lesið oftast?
Hroka og hleypidóma eftir Jane Austen af
því hún gleður mig ævinlega, hversu döpur
sem ég er. Fyrsti kaflinn með sinni heims-
frægu fyrstu setningu var í kennslubók
sem var notuð
í MR þegar ég
var í fjórða bekk,
minnir mig, og ég
varð svo ástfangin af
Bennet-fjölskyldunni
að ég fór í Eymundsson
og keypti mér bókina. Þetta
var fyrsta langa sagan sem ég
las á ensku og síðan hefur varla
liðið það ár að ég hafi ekki rennt yfir
hana. Þó tók ég mér kannski nokkurra
ára hlé eftir að ég þýddi hana. Þá nægði
að rifja hana upp í huganum! Svo las ég
auðvitað ljóðabækurnar hans Guðmundar
Böðvarssonar oftar en ég fæ tölu á komið
meðan ég var að skrifa ævisögu hans,
Skáldið sem sólin kyssti.
Hvaða bók breytti lífi þínu og
hvernig?
Þessar sem ég hef nú talið upp. Svo
breytist maður auðvitað svolítið við hverja
einustu bók sem maður les af áhuga og
innlifun. Bækur breyta heimi manns.
Hvaða bók býður þín næst til
lestrar?
Þær eru nokkrar nýjar á náttborðinu.
Ég er aðeins byrjuð á Samfeðra eftir
Steinunni G. Helgadóttur og undir henni
er Hinir smánuðu og svívirtu eftir Fjodor
Dostojevskí sem var að koma út núna í
fyrsta sinn á íslensku í þýðingu Gunnars
Þorra Péturssonar. Ingibjörg Haraldsdóttir
byrjaði á þýðingunni en entist ekki aldur til
að ljúka henni. Þá var frábært að fá nýjan
rússneskumann í verkið. Svo er komið nýtt
safnrit eftir útskriftarnema úr ritstjórn við
HÍ; í ár heitir hún Hljóð bók og ég hlakka til
að lesa hana. Það er fátt skemmtilegra en
að kynnast glænýjum rithöfundum.
Fjölmiðla- og listakonan Ellý Ármanns málar eins og enginn sé
morgundagurinn, á milli þess sem hún sinnir Fréttanetinu, kennir í
Reebok Fitness og elskar kærastann. Ellý sýnir lesendum DV á sér hina
hliðina.
Ekki dæma náungann því þú veist ekki „shit“
hin hliðin
É
g vinn við það að horfa á kvik-
myndir sem dagskrárstjóri fyrir
menningarhúsið Bíó Paradís og hef
óbilandi áhuga á þeirri list að segja
sögu í kvikmyndaformi. Ég fer reglulega á
alþjóðlegar kvikmyndahátíðir og reyni að
horfa á íslenskar kvikmyndir líka, nýtt efni
sem kemur út á ári hverju. Ég lít á þetta
sem alger forréttindi þar sem ég er í raun
að vinna við það sem ég elska. Kvikmynda-
gerð er eitt stórbrotnasta söguform sem
til er, þar sem svo margar listgreinar koma
að og svo framvegis.
En bara svona til að nefna „guilty
pleasure“-efni sem ég horfi á þá eru það
til dæmis þættir eins og Biggest Loser
Australia (það er frekar gamalt efni),
Hoarders, þar sem fylgst er með fólki með
mismunandi söfnunaráráttu, alls konar
glæpaþættir sem fjalla um morð, manns-
hvörf og þá sérstaklega heimildamyndir
um mál þar sem slóðin er köld en rannsókn
er hafin á nýjan leik. Ég er til dæmis
sérstaklega spennt fyrir framhaldi á
heimildamyndaþáttunum á The Staircase
sem eru væntanlegir á NETFLIX núna í
byrjun júní. Það er alveg með ævintýra-
legum ólíkindum hvað raunveruleikinn er
fáránlegri en skáldskapur. Ég var til dæmis
ein af þeim sem stóðu með öndina í háls-
inum þegar mál danska vísindamannsins
og kafbátsmorðið kom upp, og bíð þess
því spennt að einhver geri heimildamynd
um það mál.
Annars, bara til að bæta því við, þá er
ég formaður fullorðins aðdáendaklúbbs
SKAM á Íslandi og stóð til dæmis fyrir því
að sýna síðasta þáttinn í samstarfi við
RÚV – áður en þátturinn kom á vef RÚV
og hélt sturlað partí hér í Bíó Paradís, þar
sem var aldurstakmark inn. En ég hef
ekki enn horft á amerísku endurgerðina
en þættirnir eru nú sýndir í endurgerð í
ýmsum löndum.
Ása Baldursdóttir, dagskrár-
stjóri Bíó Paradísar, lítur á það
sem forréttindi að vinna við það
sem hún elskar, hún fer reglu-
lega á alþjóðlegar kvikmynda-
hátíðir og er formaður fullorðins
aðdáendaklúbbs SKAM.
„Kvikmyndagerð er
eitt stórbrotnasta
söguform sem til er“
Hvað segir
systirin?
„Við stöndum
rosalega þétt við
bakið á hvor annarri“
Dóra Björt Guðjónsdóttir, odd-viti Pírata og stjórnmálafræðing-ur, er nýr borgarfulltrúi í Reykjavík
eftir nýafstaðnar sveitarstjórnarkosn-
ingar. DV heyrði í systur Dóru, Gyðjunni
Sigrúnu Lilju og spurði: Hvað segir stóra
systir?
„Dóra er ein réttsýnasta manneskja
sem ég hef nokkurn tíma kynnst og
sú heiðarlegasta. Hún stendur fram í
fingurgóma með öllu því sem hún trúir
á að sé rétt. Hún brennur fyrir stóru
málefnin og mun aldrei láta titla eða
stóla breyta sýn hennar á hvað þurfi
raunverulega að gera. Hún er í pólitík af
raunverulegri ástæðu.
Við Dóra erum ofboðslega nánar þrátt
fyrir að vera rosalega ólíkar bæði í útliti
og í okkur, samt erum við bestu vinkonur
og stöndum saman út í eitt. Ég get
alltaf leitað til hennar og hún ræður mér
alltaf heilt. Við pössum okkur að hafa
uppbyggilega gagnrýni á hvor aðra,
en að vera ekki í niðurrifi. Við stöndum
rosalega þétt við bakið á hvor annarri.
Maður þarf oft að minna hana á að hlúa
að sjálfri sér, hún vill vera alls staðar fyrir
alla og vera innan handar fyrir alla alls
staðar. En hún þurfti að taka á honum
stóra sínum til að geta mætt í stóru
málin, þannig að eitthvað annað þurfti
að láta undan. Þannig að það er búið
að vera lærdómsferli hjá henni að vera
í þessari kosningabaráttu. Hún er búin
að vaxa svakalega og hún er að vaxa
á hverjum degi. Hún hefur ekki fengið
neitt upp í hendurnar og hefur þurft að
hafa fyrir öllu sínu. Hún vill heldur ekki fá
neitt upp í hendurnar, hún vill ekki neitt
ókeypis, veit að hún þarf að hafa fyrir
hlutunum og vill gera það.
Ég tel líka gott við hana að hún hefur
búið erlendis og hefur sýn á útlönd og
kemur þannig með mikilvæga punkta
um hvað má fara betur hér.
Það er því alveg heilmikið til í því sem
kemur frá þessari elsku.