Tímarit Máls og menningar - 01.09.2013, Side 52

A l d a B j ö r k Va l d i m a r s d ó t t i r
52 TMM 2013 · 3
SAMRÆðUR VIð NÍU ÁRA STÚLKU
Mamma,
það er gott að ég er ekki búin
að missa tárakirtlana.
Já, því þegar maður grætur fer sorgin
sem safnast hefur saman
út úr líkamanum.
Eru tárin þá gerð úr sorg?
Já, tárin eru gerð úr sorg.
En stundum líka gleði,
því stundum
þegar þú ert mjög glöð
tárast þú.
Mamma,
maður í teiknimynd sagði einu sinni
að hann hefði misst
tárakirtlana í stríðinu.
EKKI AF ÞESSUM HEIMI
Og þú gengur út um dyrnar
út úr ljósinu
framhjá mér
framhjá hálfnöktum trjám
fullum af sólberjum
framhjá fuglum sem breiða út vængina
meðfram visnuðum
bakka árinnar
á þriðja degi
framhjá mér
inn í auðn þar sem hvorki er
eldur né vatn.